ਨਵੀਂ ਦਿੱਲੀ (ਏਜੰਸੀ)। Kishtwar Cloudburst News: ਜੰਮੂ-ਕਸ਼ਮੀਰ ਦੇ ਕਿਸ਼ਤਵਾੜ ’ਚ ਵੀਰਵਾਰ ਦੁਪਹਿਰ 12:30 ਵਜੇ ਬੱਦਲ ਫਟਣ ਦੀ ਘਟਨਾ ਵਾਪਰੀ। ਪਹਾੜ ਤੋਂ ਆ ਰਹੇ ਪਾਣੀ ਤੇ ਮਲਬੇ ’ਚ ਕਈ ਲੋਕ ਫਸ ਗਏ। ਹਾਸਲ ਹੋਏ ਵੇਰਵਿਆਂ ਮੁਤਾਬਕ ਇਸ ਹਾਦਸੇ ’ਚ ਘੱਟੋ-ਘੱਟ 12 ਲੋਕਾਂ ਦੇ ਮਾਰੇ ਜਾਣ ਦਾ ਖਦਸ਼ਾ ਹੈ। ਹਾਲਾਂਕਿ, ਪ੍ਰਸ਼ਾਸਨ ਨੇ ਹੁਣ ਤੱਕ ਕਿਸੇ ਦੀ ਮੌਤ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। 25 ਤੋਂ ਵੱਧ ਲੋਕ ਜ਼ਖਮੀ ਹਨ। ਬੱਦਲ ਫਟਣ ਦੀ ਇਹ ਘਟਨਾ ਕਿਸ਼ਤਵਾੜ ਜ਼ਿਲ੍ਹੇ ਦੇ ਪੱਡਰ ਸਬ-ਡਵੀਜ਼ਨ ਦੇ ਚਾਸ਼ੋਟੀ ਪਿੰਡ ’ਚ ਵਾਪਰੀ। Kishtwar Cloudburst News
ਇਹ ਖਬਰ ਵੀ ਪੜ੍ਹੋ : Gold Price Today: ਸੋਨਾ-ਚਾਂਦੀ ਖਰੀਦਣਾ ਚਾਹੁੰਦੇ ਹੋ ਤਾਂ ਕੀਮਤਾਂ ਹੋ ਗਈਆਂ ਅਪਡੇਟ!
ਚਾਸ਼ੋਟੀ ਮਚੈਲ ਮਾਤਾ ਮੰਦਰ ਯਾਤਰਾ ਦਾ ਸ਼ੁਰੂਆਤੀ ਬਿੰਦੂ ਹੈ। ਧਾਰਮਿਕ ਯਾਤਰਾ ਲਈ ਇੱਥੇ ਇਕੱਠੇ ਹੋਏ ਬਹੁਤ ਸਾਰੇ ਲੋਕ ਵਹਿ ਗਏ। ਰਾਹਤ ਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਹਨ। ਸਥਾਨਕ ਲੋਕ ਮਦਦ ਕਰਨ ’ਚ ਲੱਗੇ ਹੋਏ ਹਨ। ਮਾਚੈਲ ਮਾਤਾ ਯਾਤਰਾ ਹਰ ਸਾਲ ਅਗਸਤ ’ਚ ਹੁੰਦੀ ਹੈ। ਹਜ਼ਾਰਾਂ ਸ਼ਰਧਾਲੂ ਇਸ ’ਚ ਆਉਂਦੇ ਹਨ। ਇਹ 25 ਜੁਲਾਈ ਤੋਂ 5 ਸਤੰਬਰ ਤੱਕ ਚੱਲੇਗਾ। ਇਹ ਰਸਤਾ ਜੰਮੂ ਤੋਂ ਕਿਸ਼ਤਵਾੜ ਤੱਕ 210 ਕਿਲੋਮੀਟਰ ਲੰਬਾ ਹੈ ਤੇ ਇਸ ’ਚ, ਵਾਹਨ ਪੱਡਰ ਤੋਂ ਚਾਸ਼ੋਟੀ ਤੱਕ 19.5 ਕਿਲੋਮੀਟਰ ਸੜਕ ’ਤੇ ਜਾ ਸਕਦੇ ਹਨ। ਇਸ ਤੋਂ ਬਾਅਦ ਮਾਚੈਲ ਤੱਕ 8.5 ਕਿਲੋਮੀਟਰ ਪੈਦਲ ਯਾਤਰਾ ਹੈ। Kishtwar Cloudburst News
ਹਿਮਾਚਲ ’ਚ ਦੇਰ ਰਾਤ ਬੱਦਲ ਫਟਿਆ, ਪੈਟਰੋਲ ਪੰਪ ਮਲਬੇ ਹੇਠਾਂ ਦੱਬਿਆ
ਹਿਮਾਚਲ ਪ੍ਰਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ’ਚ ਬੁੱਧਵਾਰ ਰਾਤ ਨੂੰ ਭਾਰੀ ਮੀਂਹ ਪਿਆ। ਕੋਟਖਾਈ ਦੇ ਖਲਤੂਨਾਲਾ ਦੀਆਂ ਪਹਾੜੀਆਂ ਵਿੱਚ ਸਵੇਰੇ 3 ਵਜੇ ਬੱਦਲ ਫਟਣ ਨਾਲ ਮਲਬਾ ਨਾਲੇ ’ਚ ਆ ਗਿਆ। ਇਸ ਨਾਲ ਤਰਾਈ ’ਚ ਇੱਕ ਪੈਟਰੋਲ ਪੰਪ ਤੇ 6 ਤੋਂ ਵੱਧ ਵਾਹਨ ਦੱਬ ਗਏ। ਪੰਪ ’ਤੇ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੇ ਭੱਜ ਕੇ ਆਪਣੀ ਜਾਨ ਬਚਾਈ। ਬੁੱਧਵਾਰ ਸ਼ਾਮ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਕੁੱਲੂ ਤੇ ਸ਼ਿਮਲਾ ’ਚ 4 ਥਾਵਾਂ ’ਤੇ ਵੀ ਬੱਦਲ ਫਟਿਆ। ਕੁੱਲੂ ਦੀ ਸ਼੍ਰੀਖੰਡ ਤੇ ਤੀਰਥਨ ਘਾਟੀ।
ਸ਼ਿਮਲਾ ਜ਼ਿਲ੍ਹੇ ਦੇ ਫਚਾ ਦੇ ਨੰਤੀ ਪਿੰਡ ਤੇ ਕਸ਼ਾਪਥ ਵਿੱਚ ਬੱਦਲ ਫਟਣ ਤੋਂ ਬਾਅਦ ਨਦੀਆਂ ਤੇ ਨਾਲੀਆਂ ’ਚ ਪਾਣੀ ਭਰ ਗਿਆ। ਫੌਜ ਨੇ ਅਚਾਨਕ ਆਏ ਹੜ੍ਹ ’ਚ ਫਸੇ 4 ਲੋਕਾਂ ਨੂੰ ਬਚਾਇਆ। ਇਨ੍ਹਾਂ ਲੋਕਾਂ ਨੂੰ ਪੂਹ ਮਿਲਟਰੀ ਕੈਂਪ ਲਿਜਾਇਆ ਗਿਆ। ਭਾਰੀ ਮੀਂਹ ਕਾਰਨ ਊਨਾ, ਕੁੱਲੂ ਦੇ ਬੰਜਾਰ ਸਬ ਡਿਵੀਜ਼ਨ, ਸ਼ਿਮਲਾ ਦੇ ਜੁਬਲ ਤੇ ਮੰਡੀ ਦੇ ਥੁਨਾਗ ’ਚ ਸਕੂਲ ਬੰਦ ਕਰ ਦਿੱਤੇ ਗਏ ਹਨ। ਹਿਮਾਚਲ ਆਫ਼ਤ ਪ੍ਰਬੰਧਨ ਅਥਾਰਟੀ ਦੇ ਅਨੁਸਾਰ, ਪਿਛਲੇ 24 ਘੰਟਿਆਂ ’ਚ ਮੀਂਹ ਤੇ ਇਸ ਨਾਲ ਸਬੰਧਤ ਘਟਨਾਵਾਂ ਕਾਰਨ 396 ਸੜਕਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ। Kishtwar Cloudburst News
