(ਨੈਨਸੀ ਲਹਿਰਾਗਾਗਾ) ਲਹਿਰਾਗਾਗਾ। Murder: ਥਾਣਾ ਲਹਿਰਾਗਾਗਾ ਵਿਖੇ ਦੋ ਭਰਾਵਾਂ ਵਿਚਕਾਰ ਹੋਈ ਲੜਾਈ ਤੋਂ ਬਾਅਦ ਸੱਟਾਂ ਲੱਗਣ ਕਰਕੇ ਇੱਕ ਭਰਾ ਦੀ ਜੇਰੇ ਇਲਾਜ ਮੌਤ ਹੋ ਜਾਣ ‘ਤੇ ਥਾਣਾ ਲਹਿਰਾਗਾਗਾ ਦੀ ਪੁਲਿਸ ਨੇ ਸੱਟਾਂ ਮਾਰਨ ਵਾਲੇ ਭਰਾ ਦੇ ਖਿਲਾਫ ਜਾਨ ਲੈਣ ਦੇ ਦੋਸ ਹੇਠ ਮਾਮਲਾ ਦਰਜ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਇਸ ਗੱਲ ਦੀ ਜਾਣਕਾਰੀ ਥਾਣਾ ਲਹਿਰਾਗਾਗਾ ਦੇ ਐਸਐਚਓ ਇੰਸਪੈਕਟਰ ਵਿਨੋਦ ਕੁਮਾਰ ਨੇ ਅੱਜ ਪੱਤਰਕਾਰਾਂ ਦੇ ਰੂ-ਬ-ਰੂ ਹੁੰਦਿਆਂ ਦੱਸਿਆ ਕਿ ਪਿੰਡ ਚੋਟੀਆਂ ਵਿਖੇ ਬੀਤੇ ਦਿਨੀਂ ਜਗਸੀਰ ਸਿੰਘ ਅਤੇ ਰਿੰਕੂ ਪੁੱਤਰ ਮਹਿੰਦਰ ਸਿੰਘ ਵਿਚ ਸ਼ਰਾਬ ਦੇ ਨਸ਼ੇ ਦੇ ਚੱਲਦਿਆਂ ਲੜਾਈ ਹੋ ਗਈ ਸੀ, ਲੜਾਈ ਦੌਰਾਨ ਛੋਟੇ ਭਰਾ ਰਿੰਕੂ ਨੇ ਆਪਣੇ ਵੱਡੇ ਭਰਾ ਜਗਸੀਰ ਸਿੰਘ ਦੇ ਸਿਰ ਉੱਪਰ ਡੰਡੇ ਨਾਲ ਵਾਰ ਕਰ ਦਿੱਤੇ, ਜਿਸ ਨਾਲ ਜਗਸੀਰ ਸਿੰਘ ਗੰਭੀਰ ਜ਼ਖ਼ਮੀ ਹੋ ਗਿਆ। Murder
ਇਹ ਵੀ ਪੜ੍ਹੋ: kolkata Update: ਗ੍ਰਹਿ ਮੰਤਰਾਲੇ ਨੇ ਸਾਰੇ ਰਾਜਾਂ ਨੂੰ ਅਪਡੇਟ ਭੇਜਣ ਦੇ ਹੁਕਮ ਦਿੱਤੇ
ਇਸ ਉਪਰੰਤ ਉਸਨੂੰ ਸੰਗਰੂਰ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ। ਜਗਸੀਰ ਸਿੰਘ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਉਕਤ ਜਾਣਕਾਰੀ ਮ੍ਰਿਤਕ ਦੇ ਭਰਾ ਪਾਲਾ ਸਿੰਘ ਨੇ ਪੁਲਿਸ ਨੂੰ ਦਿੱਤੇ ਆਪਣੇ ਬਿਆਨ ਵਿਚ ਦਿੱਤੀ ਹੈ। ਜਿਸਦੇ ਅਧਾਰ ‘ਤੇ ਰਿੰਕੂ ਸਿੰਘ ਦੇ ਖ਼ਿਲਾਫ਼ ਜਾਨ ਲੈਣ ਦੇ ਦੋਸ਼ ਤਹਿਤ ਥਾਣਾ ਲਹਿਰਾਗਾਗਾ ਵਿਖੇ ਮਾਮਲਾ ਦਰਜ ਕਰਕੇ ਮਾਮਲੇ ਦਾ ਤਹਿਕੀਕਾਤ ਸ਼ੁਰੂ ਕਰ ਦਿੱਤੀ ਹੈ।
