ਬੋਲੀਵੀਆ ਹਵਾਈ ਫੌਜ ਦਾ ਜਹਾਜ ਹਾਦਸਾ ਗ੍ਰਸਤ, 6 ਲੋਕਾਂ ਦੀ ਮੌਤ
ਲਾ ਪਾਜ਼ (ਏਜੰਸੀ)। ਸਿਹਤ ਮੰਤਰਾਲੇ ਦੇ ਚਾਰ ਅਧਿਕਾਰੀਆਂ ਸਮੇਤ ਛੇ ਲੋਕਾਂ ਦੀ ਮੌਤ ਹੋ ਗਈ ਜਦੋਂ ਬੋਲੀਵੀਆ ਦੇ ਅਗੁਆ ਡੁਲਸ ਦੇ ਅਮੇਜ਼ਨ ਖੇਤਰ ਵਿੱਚ ਹਵਾਈ ਫੌਜ ਦਾ ਇੱਕ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਬੋਲੀਵੀਆ ਪੁਲਿਸ ਦੇ ਡਿਪਟੀ ਕਮਾਂਡਰ ਕਰਨਲ ਲੁਈਸ ਕੁਏਵਾਸ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਜਹਾਜ਼ ਰਿਬਰਲਟਾ ਸ਼ਹਿਰ ਤੋਂ ਉਡਾਣ ਭਰਨ ਦੇ ਸੱਤ ਮਿੰਟ ਬਾਅਦ ਹੀ ਦਰੱਖਤ ਨਾਲ ਟਕਰਾ ਗਿਆ। ਸਿਹਤ ਮੰਤਰਾਲੇ ਦੇ ਰਾਸ਼ਟਰੀ ਡੇਂਗੂ ਚਿਕਨਗੁਨੀਆ ਪ੍ਰੋਗਰਾਮ ਦੇ ਚਾਰ ਅਧਿਕਾਰੀ, ਚਾਲਕ ਦਲ ਦੇ ਮੈਂਬਰਾਂ ਸਮੇਤ, ਜਹਾਜ਼ ਵਿੱਚ ਸਵਾਰ ਸਨ।
ਇਸ ਘਟਨਾ ਵਿੱਚ ਸਾਰਿਆਂ ਦੀ ਮੌਤ ਹੋ ਗਈ। ਉਨ੍ਹਾਂ ਕਿਹਾ ਕਿ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਸਿਹਤ ਮੰਤਰਾਲੇ ਵਿੱਚ ਪ੍ਰਸਾਰ, ਮਹਾਂਮਾਰੀ ਵਿਗਿਆਨਿਕ ਨਿਗਰਾਨੀ ਅਤੇ ਪਰੰਪਰਾਗਤ ਦਵਾਈ ਦੀ ਉਪ ਮੰਤਰੀ ਮਾਰੀਆ ਰੇਨੀ ਕਾਸਤਰੋ ਨੇ ਟਵਿੱਟਰ ‘ਤੇ ਲਿਖਿਆ ਕਿ ਸਾਨੂੰ ਇਹ ਦੱਸਦੇ ਹੋਏ ਅਫਸੋਸ ਹੈ ਕਿ ਸਿਹਤ ਮੰਤਰਾਲੇ ਦੀ ਟੀਮ ਨੂੰ ਰਿਬਰਲਟਾ ਤੋਂ ਕੋਬੀਜ਼ਾ ਲੈ ਕੇ ਜਾ ਰਿਹਾ ਇੱਕ ਜਹਾਜ਼ ਕ੍ਰੈਸ਼ ਹੋ ਗਿਆ ਹੈ। ਸਾਡੇ ਸਹਿਯੋਗੀ ਰਾਸ਼ਟਰੀ ਡੇਂਗੂੑਚਿਕਨਗੁਨੀਆ ਪ੍ਰੋਗਰਾਮ ਨੂੰ ਪੂਰਾ ਕਰਨ ਵਿੱਚ ਲੱਗੇ ਹੋਏ ਸਨ, ਜੋ ਕਿ ਦੇਸ਼ ਲਈ ਬਹੁਤ ਮਹੱਤਵਪੂਰਨ ਮਿਸ਼ਨ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
