ਪੂਰਬ-ਉੱਤਰ ਦਿੱਲੀ ਦੰਗਾ ਮਾਮਲਿਆਂ ’ਚ ਵਿਦਿਆਰਥੀ ਵਰਕਰਾਂ ਦੀ ਜਮਾਨਤ ਮਨਜ਼ੂਰ
ਨਵੀਂ ਦਿੱਲੀ । ਦਿੱਲੀ ਹਾਈਕੋਰਟ ਨੇ ਪੂਰਬ-ਉੱਤਰ ਦਿੱਲੀ ਦੰਗਾ ਮਾਮਲਿਆਂ ’ਚ ਕਥਿਤ ਘੜੀ ਸਾਜਿਸ਼ ਦੇ ਦੋਸ਼ ’ਚ ਗੈਰ ਕਾਨੂੰਨੀ ਗਤੀਵਿਧੀਆਂ ਰੋਕਥਾਮ ਐਕਟ (ਯੂਏਪੀਏ) ਤਹਿਤ ਜੇਲ੍ਹ ’ਚ ਬੰਦ ਵਿਦਿਆਰਥੀ ਵਰਕਰ ਨਤਾਸ਼ਾ ਨਰਵਾਲ, ਦੇਵਾਂਗਨਾ ਕਲੀਤਾ ਤੇ ਆਸਿਫ਼ ਇਕਬਾਲ ਤਨਹਾ ਦੀ ਜਮਾਨਤ ਪਟੀਸ਼ਨ ਮੰਗਲਵਾਰ ਨੂੰ ਮਨਜ਼ੂਰ ਕਰ ਲਈ ਜਸਟਿਸ ਸਿਧਾਰਥ ਮਰਦੁਲ ਤੇ ਜਸਟਿਸ ਅਨੂਪ ਜੇ ਭੰਭਾਨੀ ਨੇ ਹੇਠਲੀ ਅਦਾਲਤ ਦੇ ਆਦੇਸ਼ ਨੂੰ ਰੱਦ ਕਰਦਿਆਂ ਤਿੰਨਾਂ ਨੂੰ 50 ਹਜ਼ਾਰ ਰੁਪਏ ਦੇ ਨਿੱਜੀ ਮੁਚਲਕੇ ਤੇ ਦੋ ਨਿੱਜੀ ਸੁਰੱਖਿਆ ’ਤੇ ਜਮਾਨਤ ਪਟੀਸ਼ਨ ਨੂੰ ਮਨਜ਼ੂਰੀ ਦੇ ਦਿੱਤੀ।
ਅਦਾਲਤ ਨੇ ਉਨ੍ਹਾਂ ਨੂੰ ਆਪਣੇ ਪਾਸਪੋਰਟ ਜਮ੍ਹਾਂ ਕਰਵਾਉਣ ਦੇ ਨਾਲ ਹੀ ਮਾਮਲੇ ਜਾਂ ਜਾਂਚ ’ਚ ਦਖਲ ਨਾ ਕੀਤੇ ਜਾਣ ਦੇ ਆਦੇਸ਼ ਦਿੱਤੇ ਹਨ ਦਿੱਲੀ ’ਚ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਦੇ ਸੋਧ ਵਿਦਿਆਰਥੀ ਨਰਵਾਲ ਤੇ ਕਲੀਤਾ ਤੇ ਵੱਖ-ਵੱਖ ਕਾਲਜਾਂ ਦੇ ਵਿਦਿਆਰਥੀਆਂ ਦਾ ਸਮੂਹ ਪਿੰਜਰਾ ਤੋੜ ਦੇ ਮੈਂਬਰ ਪਿਛਲੇ ਸਾਲ ਮਈ ’ਚ ਤਿਹਾੜ ਜੇਲ੍ਹ ’ਚ ਬੰਦ ਹਨ ਜਾਮੀਆ ਮਿਲੀਆ ਇਸਲਾਮੀਆ ’ਚ ਬੀਏ ਅੰਤਿਮ ਦਾ ਵਿਦਿਆਰਥੀ ਤਨਹਾ ਨੂੰ ਮਈ 2020 ’ਚ ਦਿੱਲੀ ਦੰਗਾ ਮਾਮਲਿਆਂ ’ਚ ਯੂਏਪੀਏ ਦੇ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਤੇ ਲਗਾਤਾਰ ਹਿਰਾਸਤ ’ਚ ਹੈ। ਪੁਲਿਸ ਦਾ ਦਾਅਵਾ ਹੈ ਕਿ ਤਨਹਾ ਨੇ ਨਾਗਰਿਕਤਾ ਸੋਧ ਬਿੱਲ ਦੇ ਵਿਰੋਧ ’ਚ ਪਦਰਸ਼ਨ ਨੂੰ ਅੰਜਾਮ ਦੇਣ ’ਚ ਸਰਗਰਮ ਭੂਮਿਕਾ ਨਿਭਾਈ ਸੀ ਜ਼ਿਕਰਯੋਗ ਹੈ ਕਿ 24 ਫਰਵਰੀ 2020 ਨੂੰ ਪੂਰਬ-ਉਤਰ ਦਿੱਲੀ ’ਚ ਨਾਗਰਿਕਤਾ ਸੋਧ ਕਾਨੂੰਨ ਦੀ ਹਮਾਇਤ ਤੇ ਵਿਰੋਧੀਆਂ ਦੇ ਦਰਮਿਆਨ ਹਿੰਸਾ ਭੜਕਾਉਣ ਤੋਂ ਬਾਅਦ ਹੋਏ ਦੰਗਿਆਂ ’ਚ 53 ਵਿਅਕਤੀ ਮਾਰੇ ਗਏ ਸਨ ਤੇ ਕਰੀਬ 200 ਵਿਅਕਤੀ ਜਖ਼ਮੀ ਹੋਏ ਸਨ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
