ਸਪੋਰਟਸ ਡੈਸਕ। Ashwin: ਭਾਰਤੀ ਟੀਮ ਦੇ ਸਾਬਕਾ ਆਫ ਸਪਿਨਰ ਰਵੀਚੰਦਰਨ ਅਸ਼ਵਿਨ ਦੀ ਪਤਨੀ ਪ੍ਰੀਤੀ ਨਰਾਇਣ ਨੇ ਆਪਣੇ ਪਤੀ ਲਈ ਇੱਕ ਭਾਵੁਕ ਪੋਸਟ ਪਾਈ ਹੈ। ਅਸ਼ਵਿਨ ਨੇ ਹਾਲ ਹੀ ’ਚ ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਸੰਨਿਆਸ ਦਾ ਐਲਾਨ ਕੀਤਾ ਸੀ, ਤੇ ਅਸਟਰੇਲੀਆ ਦੌਰੇ ਦੇ ਅੱਧ ਵਿਚਕਾਰ ਹੀ ਘਰ ਪਰਤ ਗਏ ਸਨ। ਅਸ਼ਵਿਨ ਨੇ ਇਹ ਫੈਸਲਾ ਅਸਟਰੇਲੀਆ ਖਿਲਾਫ ਬ੍ਰਿਸਬੇਨ ’ਚ ਖੇਡੇ ਗਏ ਤੀਜੇ ਟੈਸਟ ਮੈਚ ਤੋਂ ਬਾਅਦ ਲਿਆ ਸੀ, ਜਿਸ ਨੇ ਪੂਰੀ ਕ੍ਰਿਕੇਟ ਜਗਤ ਨੂੰ ਹੈਰਾਨ ਕਰ ਦਿੱਤਾ ਸੀ। ਜਦੋਂ ਤੋਂ ਅਸ਼ਵਿਨ ਨੇ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ, ਸੋਸ਼ਲ ਮੀਡੀਆ ’ਤੇ ਇਸ ਖਿਡਾਰੀ ਨੂੰ ਵਧਾਈਆਂ ਦੇਣ ਵਾਲਿਆਂ ਦਾ ਹੜ੍ਹ ਆ ਗਿਆ ਹੈ।
ਇਹ ਖਬਰ ਵੀ ਪੜ੍ਹੋ : Punjab School Holiday News: ਪੰਜਾਬ ਦੇ ਸਰਕਾਰੀ ਸਕੂਲਾਂ ’ਚ ਛੁੱਟੀਆਂ ਸਬੰਧੀ ਵਿਭਾਗ ਵੱਲੋਂ ਹਦਾਇਤਾਂ ਜਾਰੀ, ਜਾਣੋ
ਹੁਣ ਉਨ੍ਹਾਂ ਦੀ ਪਤਨੀ ਪ੍ਰੀਤੀ ਨੇ ਵੀ ਇਸ ਸਾਬਕਾ ਆਫ ਸਪਿਨਰ ਲਈ ਇੱਕ ਭਾਵੁਕ ਪੋਸਟ ਲਿਖ ਕੇ ਆਪਣੇ ਕ੍ਰਿਕੇਟ ਪ੍ਰਤੀ ਧੰਨਵਾਦ ਪ੍ਰਗਟ ਕੀਤਾ ਹੈ ਯਾਤਰਾ ਬਾਰੇ ਵੀ ਦੱਸਿਆ ਹੈ। ਪ੍ਰੀਤੀ ਨੇ ਇਹ ਵੀ ਦੱਸਿਆ ਕਿ ਕਿਵੇਂ ਦੋਵੇਂ ਜ਼ਿੰਦਗੀ ਦੇ ਉਤਰਾਅ-ਚੜ੍ਹਾਅ ਦੌਰਾਨ ਇੱਕ-ਦੂਜੇ ਨਾਲ ਖੜ੍ਹੇ ਰਹੇ। ਪ੍ਰੀਤੀ ਨੇ ਇੰਸਟਾਗ੍ਰਾਮ ਪੋਸਟ ’ਤੇ ਲਿਖਿਆ, ਪਿਛਲੇ 2 ਦਿਨ ਮੇਰੇ ਲਈ ਧੁੰਦਲੇ ਰਹੇ ਹਨ। ਮੈਂ ਸੋਚਦਾ ਰਿਹਾ ਕਿ ਕੀ ਲਿਖਾਂ। ਇਸ ਤਰ੍ਹਾਂ ਮੈਂ ਆਪਣੇ ਹਰ ਸਮੇਂ ਦੇ ਪਸੰਦੀਦਾ ਕ੍ਰਿਕੇਟਰ ਨੂੰ ਅਲਵਿਦਾ ਕਿਹਾ। ਜਦੋਂ ਮੈਂ ਅਸ਼ਵਿਨ ਦੀ ਪ੍ਰੈੱਸ ਕਾਨਫਰੰਸ ਵੇਖੀ ਤਾਂ ਮੈਨੂੰ ਛੋਟੇ-ਵੱਡੇ ਪਲ ਯਾਦ ਆਉਣ ਲੱਗੇ। ਪਿਛਲੇ 13-14 ਸਾਲਾਂ ਦੀਆਂ ਬਹੁਤ ਯਾਦਾਂ ਹਨ।
ਪ੍ਰੀਤੀ ਨੇ ਅਸ਼ਵਿਨ ਦੇ ਸਫ਼ਰ ਨੂੰ ਯਾਦ ਕੀਤਾ | Ashwin
ਉਨ੍ਹਾਂ ਅੱਗੇ ਲਿਖਿਆ, ਉਹ ਵੱਡੀਆਂ ਜਿੱਤਾਂ, ‘ਪਲੇਅਰ ਆਫ ਦਾ ਸੀਰੀਜ਼’ ਪੁਰਸਕਾਰ, ਜਦੋਂ ਮੁਕਾਬਲਾ ਔਖਾ ਹੁੰਦਾ ਤਾਂ ਸਾਡੇ ਕਮਰੇ ’ਚ ਸ਼ਾਂਤੀ, ਖੇਡ ਰਣਨੀਤੀ ਬਣਾਉਂਦੇ ਹੋਏ ਲਗਾਤਾਰ ਵੀਡੀਓ ਵੇਖਣਾ ਤੇ ਹਰ ਮੈਚ ਤੋਂ ਪਹਿਲਾਂ ਰਾਹਤ ਦਾ ਸਾਹ ਲੈਣਾ… ਇਹ ਅਜਿਹੇ ਸਮੇਂ ਹਨ। ਜਦੋਂ ਅਸੀਂ ਇਸ ਦਾ ਆਨੰਦ ਮਾਣਿਆ। ਚੈਂਪੀਅਨਜ਼ ਟਰਾਫੀ ਫਾਈਨਲ, ਐਮਸੀਜੀ ’ਤੇ ਜਿੱਤ, ਸਿਡਨੀ ’ਚ ਡਰਾਅ ਤੇ ਗਾਬਾ ’ਤੇ ਜਿੱਤ। ਟੀ-20 ’ਚ ਤੁਹਾਡੀ ਵਾਪਸੀ। ਇਹ ਉਹ ਸਮਾਂ ਹੈ ਜਦੋਂ ਅਸੀਂ ਚੁੱਪ ਬੈਠੇ ਰਹੇ ਤੇ ਸਾਡੇ ਦਿਲ ਕਈ ਵਾਰ ਟੁੱਟੇ।
ਭਾਰਤ ਦੇ ਦੂਜੇ ਸਫਲ ਸਪਿਨਰ ਵਜੋਂ ਕਰੀਅਰ ਕੀਤਾ ਸਮਾਪਤ | Ashwin
ਅਸ਼ਵਿਨ ਨੇ ਟੈਸਟ ’ਚ ਭਾਰਤ ਦੇ ਦੂਜੇ ਸਭ ਤੋਂ ਸਫਲ ਗੇਂਦਬਾਜ਼ ਵਜੋਂ ਆਪਣਾ ਕਰੀਅਰ ਖਤਮ ਕੀਤਾ। ਅਸ਼ਵਿਨ ਨੇ 106 ਟੈਸਟ ਮੈਚਾਂ ’ਚ 537 ਵਿਕਟਾਂ ਲਈਆਂ ਤੇ ਉਹ ਸਾਬਕਾ ਸਪਿੰਨਰ ਅਨਿਲ ਕੁੰਬਲੇ ਤੋਂ ਬਿਲਕੁਲ ਪਿੱਛੇ ਹਨ ਜਿਨ੍ਹਾਂ ਨੇ ਆਪਣੇ ਟੈਸਟ ਕਰੀਅਰ ’ਚ 619 ਵਿਕਟਾਂ ਲਈਆਂ ਸਨ। ਇਸ 38 ਸਾਲਾ ਖਿਡਾਰੀ ਨੇ ਮੌਜੂਦਾ ਅਸਟਰੇਲੀਆ ਦੌਰੇ ’ਤੇ ਸਿਰਫ 1 ਮੈਚ ਖੇਡਿਆ ਹੈ। ਪਰਥ ’ਚ ਖੇਡੇ ਗਏ ਪਹਿਲੇ ਟੈਸਟ ਮੈਚ ਲਈ ਅਸ਼ਵਿਨ ਨੂੰ ਪਲੇਇੰਗ-11 ’ਚ ਮੌਕਾ ਨਹੀਂ ਦਿੱਤਾ ਗਿਆ ਸੀ, ਜਦਕਿ ਐਡੀਲੇਡ ’ਚ ਖੇਡੇ ਗਏ ਪਿੰਕ ਬਾਲ ਟੈਸਟ ਲਈ ਉਸ ਨੂੰ ਟੀਮ ’ਚ ਸ਼ਾਮਲ ਕੀਤਾ ਗਿਆ ਸੀ, ਜੋ ਉਸ ਦੇ ਕਰੀਅਰ ਦਾ ਆਖਰੀ ਮੈਚ ਸੀ। ਤੀਜੇ ਟੈਸਟ ’ਚ ਅਸ਼ਵਿਨ ਦੀ ਥਾਂ ਰਵਿੰਦਰ ਜਡੇਜਾ ਨੂੰ ਮੌਕਾ ਦਿੱਤਾ ਗਿਆ ਸੀ।
