1.25 ਲੱਖ ਕਰੋੜ ਰੁਪਏ ਦਾ ਹੋਵੇਗਾ ਨਿਵੇਸ਼
- ਗੂਗਲ ਅਤੇ ਅਲਫਾਬੇਟ ਦੇ ਸੀਈਓ ਸੁੰਦਰ ਪਿਚਾਈ ਨੇ ਕੀਤਾ ਵੱਡਾ ਐਲਾਨ
AI Hub Visakhapatnam: ਨਵੀਂ ਦਿੱਲੀ (ਏਜੰਸੀ)। ਗੂਗਲ ਅਤੇ ਅਲਫਾਬੇਟ ਦੇ ਸੀਈਓ ਸੁੰਦਰ ਪਿਚਾਈ ਨੇ ਏਆਈ ਇੰਪੈਕਟ ਸੰਮੇਲਨ ਵਿੱਚ ਐਲਾਨ ਕੀਤਾ ਕਿ ਗੂਗਲ ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਵਿੱਚ ਇੱਕ ਏਆਈ ਹੱਬ ਬਣਾਉਣ ਲਈ 15 ਬਿਲੀਅਨ ਡਾਲਰ (ਲਗਭਗ 1.25 ਲੱਖ ਕਰੋੜ ਰੁਪਏ ) ਦਾ ਨਿਵੇਸ਼ ਕਰੇਗਾ। ਪਿਚਾਈ ਨੇ ਕਿਹਾ, ‘ਮੈਨੂੰ ਇਹ ਇੱਕ ਸ਼ਾਂਤ, ਸਧਾਰਨ ਤੱਟਵਰਤੀ ਸ਼ਹਿਰ ਵਜੋਂ ਯਾਦ ਹੈ ਜੋ ਸੰਭਾਵਨਾਵਾਂ ਨਾਲ ਭਰਪੂਰ ਹੈ। ਹੁਣ ਗੂਗਲ ਭਾਰਤ ਵਿੱਚ ਸਾਡੇ 15 ਬਿਲੀਅਨ ਅਮਰੀਕੀ ਡਾਲਰ ਬੁਨਿਆਦੀ ਢਾਂਚੇ ਦੇ ਨਿਵੇਸ਼ ਦੇ ਹਿੱਸੇ ਵਜੋਂ ਉੱਥੇ ਇੱਕ ਪੂਰਨ ਏਆਈ ਹੱਬ ਸਥਾਪਤ ਕਰ ਰਿਹਾ ਹੈ। ਗੂਗਲ ਦੇ ਸੀਈਓ ਨੇ ਕਿਹਾ ਕਿ ਜਦੋਂ ਇਹ ਪੂਰਾ ਹੋ ਜਾਵੇਗਾ। AI Hub Visakhapatnam
ਇਹ ਖਬਰ ਵੀ ਪੜ੍ਹੋ : T20 World Cup 2026 Super 8 Schedule: ਸੁਪਰ ਅੱਠ ਦੇ ਮੈਚਾਂ ਦਾ ਪੂਰਾ ਸ਼ਡਿਊਲ, ਭਲਕੇ ਤੋਂ ਹੋਵੇਗੀ ਸ਼ੁਰੂਆਤ, ਪੜ੍ਹੋ …
ਤਾਂ ਹੱਬ ਵਿੱਚ ਗੀਗਾਵਾਟ-ਸਕੇਲ ਕੰਪਿਊਟਿੰਗ ਅਤੇ ਇੱਕ ਨਵਾਂ ਅੰਤਰਰਾਸ਼ਟਰੀ ਸਬਸੀ ਕੇਬਲ ਗੇਟਵੇ ਹੋਵੇਗਾ, ਜੋ ਭਾਰਤ ਭਰ ਦੇ ਲੋਕਾਂ ਅਤੇ ਕਾਰੋਬਾਰਾਂ ਲਈ ਨੌਕਰੀਆਂ ਅਤੇ ਅਤਿ-ਆਧੁਨਿਕ ਏਆਈ ਲਿਆਵੇਗਾ। ਪਿਚਾਈ ਨੇ ਕਿਹਾ ਕਿ ਉਹ ਭਾਰਤ ਵਿੱਚ ‘ਬਦਲਾਅ ਦੀ ਗਤੀ ਤੋਂ ਪ੍ਰਭਾਵਿਤ’ ਸਨ ਅਤੇ ਗਲੋਬਲ ਏਆਈ ਈਕੋਸਿਸਟਮ ਵਿੱਚ ਦੇਸ਼ ਦੀ ਵਧ ਰਹੀ ਭੂਮਿਕਾ ਦੀ ਪ੍ਰਸ਼ੰਸਾ ਕੀਤੀ। ਚੇਨੱਈ, ਤਾਮਿਲਨਾਡੂ ਦੇ ਰਹਿਣ ਵਾਲੇ ਪਿਚਾਈ ਨੇ ਯਾਦ ਕੀਤਾ ਕਿ ਕਿਵੇਂ ਉਨ੍ਹਾਂ ਦੇ ਪਿਤਾ, ਰੇਗੂੁਨਾਥ ਪਿਚਾਈ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਜਦੋਂ ਡਰਾਈਵਰ ਰਹਿਤ ਕਾਰਾਂ ਭਾਰਤ ਦੀਆਂ ਵਿਅਸਤ ਸੜਕਾਂ ’ਤੇ ਚੱਲ ਸਕਦੀਆਂ ਹਨ ਤਾਂ ਉਹ ‘ਬਹੁਤ ਪ੍ਰਭਾਵਿਤ’ ਹੋਣਗੇ।
ਉਨ੍ਹਾਂ ਨੇ ਪਿਛਲੇ ਸਾਲ ਲੱਖਾਂ ਕਿਸਾਨਾਂ ਨੂੰ ਏਆਈ-ਅਧਾਰਿਤ ਭਵਿੱਖਬਾਣੀਆਂ ਭੇਜਣ ਲਈ ਭਾਰਤ ਸਰਕਾਰ ਦੀ ਪ੍ਰਸ਼ੰਸਾ ਕੀਤੀ, ਕਿਹਾ ਕਿ ਇਹ ਇਸ ਦੇ ‘ਨਿਊਰਲ-ਜੀਸੀਐੱਮ’ ਮਾਡਲ ਦੁਆਰਾ ਅੰਸ਼ਕ ਤੌਰ ’ਤੇ ਸੰਭਵ ਹੋਇਆ ਹੈ। ਜ਼ਿਕਰਯੋਗ ਹੈ ਕਿ ‘ਨਿਊਰਲ-ਜੀਸੀਐੱਮ’ ਇੱਕ ਉੱਨਤ ਮੌਸਮ ਭਵਿੱਖਬਾਣੀ ਮਾਡਲ ਹੈ, ਜੋ ਮੌਸਮ ਦੀ ਭਵਿੱਖਬਾਣੀ ਕਰਨ ਲਈ ਰਵਾਇਤੀ ਮੌਸਮ ਮਾਡਲਾਂ ਅਤੇ ਮਸ਼ੀਨ ਸਿਖਲਾਈ ਨੂੰ ਜੋੜਦਾ ਹੈ। ਪਿਚਾਈ ਨੇ ਇਹ ਵੀ ਕਿਹਾ ਕਿ ਗੂਗਲ ਸਬਸੀ ਫਾਈਬਰ-ਆਪਟਿਕ ਕੇਬਲਾਂ ਦਾ ਇੱਕ ਵਿਸ਼ਾਲ ਨੈੱਟਵਰਕ ਬਣਾ ਰਿਹਾ ਹੈ, ਜਿਸ ਵਿੱਚ ‘ਯੂਅੱੈਸ-ਇੰਡੀਆ ਕਨੈਕਟ’ ਪਹਿਲਕਦਮੀ ਦੇ ਤਹਿਤ ਅਮਰੀਕਾ ਅਤੇ ਭਾਰਤ ਵਿਚਕਾਰ ਚਾਰ ਨਵੇਂ ਸਿਸਟਮ ਸ਼ਾਮਲ ਹਨ। ਜ਼ਿਕਰਯੋਗ ਹੈ ਕਿ ‘ਇੰਡੀਆ ਏਆਈ ਇੰਪੈਕਟ ਸਮਿਟ’ 20 ਫਰਵਰੀ ਤੱਕ ਚੱਲੇਗਾ ਅਤੇ ਤਿੰਨ ਥੀਮਾਂ ‘ਲੋਕ, ਗ੍ਰਹਿ ਅਤੇ ਤਰੱਕੀ’ ਤੇ ਕੇਂਦ੍ਰਿਤ ਹੈ। AI Hub Visakhapatnam
ਏਆਈ ਮਨੁੱਖਤਾ ਦੇ ਇਤਿਹਾਸ ’ਚ ਇੱਕ ਵੱਡੀ ਕ੍ਰਾਂਤੀ: ਮੋਦੀ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਨੂੰ ਮਨੁੱਖਤਾ ਦੇ ਇਤਿਹਾਸ ਵਿੱਚ ਇੱਕ ਵੱਡੀ ਕ੍ਰਾਂਤੀ ਅਤੇ ਤਬਦੀਲੀ ਲਈ ਇੱਕ ਸਕਾਰਾਤਮਕ ਸ਼ਕਤੀ ਦੱਸਦਿਆਂ ਕਿਹਾ ਕਿ ਇਸ ਦੀ ਸਕਾਰਾਤਮਕ ਅਤੇ ਜ਼ਿੰਮੇਵਾਰ ਵਰਤੋਂ ਮਨੁੱਖਤਾ ਦੀ ਭਲਾਈ ਲਈ ਇੱਕ ਵਰਦਾਨ ਹੈ, ਪਰ ਇਸ ਦੀ ਦੁਰਵਰਤੋਂ ਤਬਾਹੀ ਵੱਲ ਲੈ ਜਾ ਸਕਦੀ ਹੈ। ਉਹ ਵੀਰਵਾਰ ਨੂੰ ਇੱਥੇ ‘ਇੰਡੀਆ ਏਆਈ ਇੰਪੈਕਟ’ ਕਾਨਫਰੰਸ ਵਿੱਚ ਦੁਨੀਆ ਭਰ ਦੇ ਪ੍ਰਮੁੱਖ ਏਆਈ ਮਾਹਿਰਾਂ, ਕਈ ਦੇਸ਼ਾਂ ਦੇ ਮੁਖੀਆਂ, ਸੰਯੁਕਤ ਰਾਸ਼ਟਰ ਦੇ ਸਕੱਤਰ ਜਨਰਲ ਅਤੇ ਉਦਯੋਗਪਤੀਆਂ ਨੂੰ ਸੰਬੋਧਨ ਕਰ ਰਹੇ ਸਨ। ਮੋਦੀ ਨੇ ਕਿਹਾ ਕਿ ਬਹੁਤ ਸਾਰੇ ਵੱਡੇ ਸਵਾਲ ਹਨ।
ਜਿਵੇਂ ਕਿ ਅਸੀਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਏਆਈ ਦਾ ਕਿਹੜਾ ਰੂਪ ਛੱਡਾਂਗੇ, ਅਤੇ ਇੱਕ ਹੋਰ ਵੀ ਵੱਡਾ ਸਵਾਲ ਇਹ ਹੈ ਕਿ ਅਸੀਂ ਅੱਜ ਏਆਈ ਨਾਲ ਕੀ ਕਰਦੇ ਹਾਂ। ਪਰਮਾਣੂ ਊਰਜਾ ਦੀ ਉਦਾਹਰਨ ਦਿੰਦੇ ਹੋਏ, ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਦਾ ਵਿਨਾਸ਼ ਦੇਖਿਆ ਹੈ ਅਤੇ ਹੁਣ ਮਨੁੱਖਤਾ ਵਿੱਚ ਇਸਦਾ ਸਕਾਰਾਤਮਕ ਯੋਗਦਾਨ ਦੇਖ ਰਹੇ ਹਾਂ। ਇਸੇ ਤਰ੍ਹਾਂ ਏਆਈ ਇੱਕ ਸਕਾਰਾਤਮਕ ਸ਼ਕਤੀ ਹੈ, ਜੇਕਰ ਇਹ ਭਟਕ ਜਾਂਦਾ ਹੈ, ਤਾਂ ਇਹ ਵਿਨਾਸ਼ਕਾਰੀ ਹੋ ਸਕਦਾ ਹੈ, ਪਰ ਜੇਕਰ ਇਸ ਨੂੰ ਸਹੀ ਢੰਗ ਨਾਲ ਨਿਰਦੇਸ਼ਤ ਕੀਤਾ ਜਾਵੇ, ਤਾਂ ਇਹ ਇੱਕ ਵਰਦਾਨ ਹੋ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਏਆਈ ਨੂੰ ਖੁੱਲ੍ਹੀ ਲਗਾਮ ਦੇਣੀ ਪਵੇਗੀ ਪਰ ਕੰਟਰੋਲ ਵੀ ਬਣਾਈ ਰੱਖਣਾ ਪਵੇਗਾ, ਭਵਿੱਖ ਇਸ ਗੱਲ ਤੋਂ ਤੈਅ ਹੋਵੇਗਾ ਕਿ ਅਸੀਂ ਇਸਨੂੰ ਕਿਸ ਦਿਸ਼ਾ ਵਿੱਚ ਲੈ ਜਾਂਦੇ ਹਾਂ।
