ਪੁਲਿਸ ਵੱਲੋਂ ਪਾਵਰਕੌਮ ਦੇ ਮੁੱਖ ਦਫ਼ਤਰ ਅੱਗਿਓ ਡੰਡੇ ਦੇ ਜੋਰ ਤੇ ਧਰਨਾਕਾਰੀ ਕੀਤੇ ਤਿੱਤਰ ਬਿੱਤਰ | Linemen Union
- ਕਈ ਧਰਨਾਕਾਰੀ ਟਾਵਰ ਤੇ ਚੜ੍ਹੇ | Linemen Union
ਪਟਿਆਲਾ (ਖੁਸ਼ਵੀਰ ਸਿੰਘ ਤੂਰ)। ਪਾਵਰਕੌਮ ਦੇ ਮੁੱਖ ਦਫ਼ਤਰ ਅੱਗੇ ਭਰਤੀ ਦੀ ਮੰਗ ਲੈ ਕੇ ਧਰਨੇ ਤੇ ਬੈਠੇ ਅਪ੍ਰੇਟਿਸਸ਼ਿਪ ਲਾਈਮੈਨ ਯੂਨੀਅਨ ਦੇ ਕਾਰਕੁੰਨਾਂ ਨੂੰ ਪੁਲਿਸ ਨੇ ਭਜਾ ਭਜਾ ਕੇ ਕੁੱਟਿਆ ਅਤੇ ਉਨ੍ਹਾਂ ਦੇ ਧਰਨੇ ਨੂੰ ਉਖਾੜ ਦਿੱਤਾ ਗਿਆ। ਯੂਨੀਅਨ ਦੇ ਇਹ ਕਾਰਕੁੰਨ ਪਿਛਲੇ ਦਿਨ ਤੋਂ ਧਰਨੇ ਤੇ ਬੈਠੇ ਸਨ ਅਤੇ ਅੱਜ ਜਦੋਂ ਪੁਲਿਸ ਵੱਲੋਂ ਇਨ੍ਹਾਂ ਦੇ ਧਰਨੇ ਨੂੰ ਘੇਰਨ ਦਾ ਯਤਨ ਕੀਤਾ ਤਾ ਨੌਜਵਾਨਾਂ ਵੱਲੋਂ ਆਪਣਾ ਰੋਸ਼ ਪ੍ਰਦਰਸ਼ਨ ਅਤੇ ਨਾਅਰੇਬਾਰੀ ਤੇਜ਼ ਕਰ ਦਿੱਤੀ।
ਇਸ ਦੌਰਾਨ ਪੁਲਿਸ ਨੇ ਇਨ੍ਹਾਂ ਨੌਜਵਾਨਾਂ ਨੂੰ ਅੱਗੇ ਵੱਧਣ ਤੋਂ ਰੋਕਣ ਲਈ ਲਾਠੀਚਾਰਜ਼ ਕਰ ਦਿੱਤਾ ਅਤੇ ਨੌਜਵਾਨਾਂ ਨੂੰ ਧਰਨੇ ਤੋਂ ਤਿੱਤਰ ਬਿੱਤਰ ਕਰਦਿਆ ਦੂਰ ਤੱਕ ਖੁਦ ਡੀਐਸਪੀ ਇਨ੍ਹਾਂ ਪਿੱਛੇ ਭੱਜੇ। ਇਸ ਦੌਰਾਨ ਪੁਲਿਸ ਵੱਲੋਂ ਕਈਆਂ ਦੇ ਡੰਡਾ ਵੀ ਫੇਰਿਆ ਅਤੇ ਕਈਆਂ ਨੂੰ ਕਾਬੂ ਕਰ ਲਿਆ। ਪਤਾ ਲੱਗਾ ਹੈ ਕਿ ਰੋਸ਼ ਵਜੋਂ ਕਈ ਨੌਜਵਾਨ ਸ਼ਕਤੀ ਵਿਹਾਰ ਟਾਵਰ ਤੇ ਆਪਣੀ ਮੌਤ ਦੀ ਪਰਵਾਹ ਨਾ ਕਰਦਿਆ ਚੜ੍ਹ ਗਏ। ਖ਼ਬਰ ਲਿਖੇ ਜਾਣ ਤੱਕ ਨੌਜਵਾਨਾਂ ਵਿੱਚ ਪੁਲਿਸ ਦੀ ਇਸ ਕਾਰਵਾਈ ਦਾ ਭਾਰੀ ਰੋਸ਼ ਪਾਇਆ ਜਾ ਰਿਹਾ ਸੀ।
