ਅਬੋਹਰ। ਸਥਾਨਕ ਫਾਜ਼ਿਲਕਾ ਰੋਡ ’ਤੇ ਜੋਹੜੀ ਮੰਦਰ ’ਚ ਆਪਣੀ ਮਾਂ ਨਾਲ ਮੱਥਾ ਟੇਕਣ ਆਈ ਇੱਕ ਨੌਜਵਾਨ ਲੜਕੀ ਦਾ ਇੱਕ ਮਨਚਲੇ ਨੇ ਚਾਕੂ ਨਾਲ ਗਲਾ ਰੇਤ ਦਿੱਤਾ। ਮੁਲਜ਼ਮ ਮੰਦਰ ਦੇ ਅੰਦਰ ਹੀ ਲੁਕ ਕੇ ਬੈਠਾ ਹੋਇਆ ਸੀ। ਲੜਕੀ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਜਿਸ ਨੂੰ ਇਲਾਜ਼ ਲਈ ਤੁਰੰਤ ਸਰਕਾਰੀ ਹਸਪਤਾਲ ’ਚ ਭਰਤੀ ਕਰਵਾਇਆ ਗਿਆ ਸੀ। ਜਿੱਥੋਂ ਉਸ ਨੂੰ ਮੁੱਢਲਾ ਇਲਾਜ਼ ਦੇ ਕੇ ਰੈਫਰ ਕਰ ਦਿੱਤਾ ਗਿਆ ਹੈ। (Abohar News)
ਮੰਦਰ ਦੇ ਅੰਦਰ ਕੀਤਾ ਹਮਲਾ | Abohar News
ਪੀੜਤ ਈਦਗਾਹ ਬਸਤੀ ਨਿਵਾਸੀ ਅਰਸ਼ਿਤਾ (22) ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਸਵੇਰੇ 10:15 ਵਜੇ ਦੇ ਕਰੀਬ ਆਪਣੀ ਮਾਂ ਨਾਲ ਜੋਹੜੀ ਮੰਦਰ ’ਚ ਮੱਥਾ ਟੇਕਣ ਲਈ ਆਈ ਸੀ। ਇਸ ਦੌਰਾਨ ਮੰਦਰ ’ਚ ਬਣੀ ਬਗੀਚੀ ’ਚ ਲੁਕ ਕੇ ਬੈਠੇ ਨੌਜਵਾਨ ਨੇ ਲੜਕੀ ਨੂੰ ਘੇਰ ਕੇ ਉਸ ਦੇ ਗਲੇ ’ਤੇ ਤੇਜ਼ਧਾਰ ਹਥਿਆਰ ਨਾਲ ਵਾਰ ਕੀਤਾ ਤੇ ਗਲਾ ਰੇਤ ਦਿੱਤਾ। ਵਾਰਦਾਤ ਤੋਂ ਬਾਅਦ ਮੁਲਜ਼ਮ ਮੌਕੇ ਤੋਂ ਫਰਾਰ ਹੋ ਗਿਆ।
ਗੁਆਂਢੀਆਂ ਦੀ ਮੱਦਦ ਨਾਲ ਹਸਪਤਾਲ ਪਹੰੁਚਾਇਆ
ਜਖ਼ਮੀ ਹਾਲਤ ’ਚ ਲੜਕੀ ਨੂੰ ਮੌਕੇ ’ਤੇ ਤੜਫਦੀ ਹਾਲਤ ’ਚ ਗੁਆਂਢੀਆਂ ਦੀ ਮੱਦਦ ਨਾਲ ਹਸਪਤਾਲ ਭੇਜਿਆ ਗਿਆ। ਜਿੱਥੋਂ ਮੁੱਢਲੇ ਇਲਾਜ਼ ਤੋਂ ਬਾਅਦ ਉਸ ਨੂੰ ਸ੍ਰੀ ਗੰਗਾਨਗਰ ਲਈ ਰੈਫ਼ਰ ਕਰ ਦਿੱਤਾ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਲੜਕੀ ਇੱਕ ਸ਼ੋਅਰੂਮ ’ਚ ਕੰਮ ਕਰਦੀ ਹੈ ਤੇ ਇੱਕ ਲੜਕਾ ਕੁਝ ਦਿਨਾਂ ਤੋਂ ਉਸ ਨੂੰ ਪ੍ਰੇਸ਼ਾਨ ਕਰ ਰਿਹਾ ਸੀ। ਪੁਲਿਸ ਮੌਕੇ ’ਤੇ ਪਹੰੁਚ ਕੇ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਮੁਤਾਬਿਕ ਮੁਲਜ਼ਮ ਨੂੰ ਜਲਦੀ ਹੀ ਕਾਬੂ ਕਰ ਕੇ ਉਸ ਦਾ ਰਿਮਾਂਡ ਲਿਆ ਜਾਵੇਗਾ।
 ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਸਵੇਰੇ 10:15 ਵਜੇ ਦੇ ਕਰੀਬ ਆਪਣੀ ਮਾਂ ਨਾਲ ਜੋਹੜੀ ਮੰਦਰ ’ਚ){kind=link}