ਇਸਲਾਮਾਬਾਦ, ਏਜੰਸੀ।
ਪਾਕਿਸਤਾਨਦੇ ਪ੍ਰਧਾਨਮੰਤਰੀ ਇਮਰਾਨ ਖਾਨ ਅੱਜ ਸਾਊਦੀ ਅਰਬ ਲੀਡਰਸ਼ਿਪ ਨਾਲ ਦੁਵੱਲੇ, ਖੇਤਰੀ ਅਤੇ ਅੰਤਰਾਸ਼ਟਰੀ ਮੁੱਦਿਆਂ ਸਮੇਤ ਵੱਖ-ਵੱਖ ਮੁੱਦਿਆਂ ‘ਤੇ ਚਰਚਾ ਕਰਨਗੇ। ਖਾਨ ਸਾਊਦੀ ਅਰਬ ਨੂੰ ਰਾਜਾ ਸਲਮਾਨ ਬਿਨ ਅਬਦੁਲਾਜੀਜ ਅਤੇ ਕਰਾਊਨ ਪ੍ਰਿੰਸ ਮੁਹੱਮਦ ਬਿਨ ਸਲਮਾਨ ਦੇ ਸੱਦੇ ‘ਤੇ ਸਾਊਦੀ ਅਰਬ ਦੀ ਦੋ ਦਿਨੀ ਯਾਤਰਾ ‘ਤੇ ਗਏ ਹੋਏ ਹਨ।
ਪਾਕਿਸਤਾਨ ਰੇਡਿਓ ਦੀ ਰਿਪੋਰਟ ਅਨੁਸਾਰ ਖਾਨ ਸਾਊਦੀ ਦੇ ਰਾਜਾ ਵੱਲੋਂ ਰਾਇਲ ਕੋਰਟ ‘ਚ ਸ਼ੁਰੂ ਹੋਣ ਵਾਲੇ ਸਰਕਾਰੀ ਭੋਜ ‘ਚ ਵੀ ਸ਼ਾਮਲ ਹੋਣਗੇ। ਰਿਆਦ ‘ਚ ਪਾਕਿਸਤਾਨ ਦੂਤਾਵਾਸ ਵੱਲੋਂ ਜਾਰੀ ਬਿਆਨ ਅਨੁਸਾਰ ਖਾਨ ਨੇ ਆਪਣੇ ਪ੍ਰਤੀਨਿਧੀਮੰਡਲ ਨਾਲ ਮੰਗਲਵਾਰ ਦੀ ਰਾਤ ਮੱਕਾ-ਤੁਲ-ਮੁਕਾਰਮਾ ‘ਚ ਉਮਰਾਹ ਕੀਤਾ।
ਖਾਨ ਖਾਨਾ ਕਾਬਾ ਵੀ ਗਏ ਅਤੇ ਮੁਸਲਿਮ ਜਗਤ ਅਤੇ ਪਾਕਿਸਤਾਨ ਦੀ ਖੁਸ਼ਹਾਲੀ ਅਤੇ ਸ਼ਾਂਤੀ ਲਈ ਪ੍ਰਾਰਥਨਾ ਤੇ ਨਮਾਜ ਅਦਾ ਕੀਤੀ। ਇਸ ਦੌਰਾਨ ਖਾਨ ਨਾਲ ਵਿਦੇਸ਼ ਮੰਤਰੀ ਸ਼ਾਹ ਮੁਹੱਮਦ ਕੁਰੈਸ਼ੀ, ਵਿੱਤ ਮੰਤਰੀ ਅਸਦ ਉਮਰ ਤੇ ਪ੍ਰਧਾਨ ਮੰਤਰੀ ਵਣਜ ਸਲਾਹਕਾਰ ਅਬਦੁਲ ਰਜਾਕ ਦਾਊਦ ਵੀ ਹਾਜਰ ਸਨ।
Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
