ਜ਼ਰੂਰਤਮੰਦ ਨੂੰ ਮਿਲਿਆ ਸਹਾਰਾ, ਪੰਛੀਆਂ ਲਈ 353 ਪਾਣੀ ਦੇ ਕਟੋਰੇ ਵੰਡੇ
MSG Gurumantar Bhandara: ਸਰਸਾ (ਸੱਚ ਕਹੂੰ ਨਿਊਜ਼)। ਸ਼ਾਹ ਸਤਿਨਾਮ ਜੀ-ਸ਼ਾਹ ਮਸਤਾਨਾ ਜੀ ਧਾਮ ’ਚ ਸ਼ਰਧਾ, ਸੇਵਾ ਤੇ ਮਾਨਵਤਾ ਦਾ ਅਨੋਖਾ ਸੰਗਮ ਵੇਖਣ ਨੂੰ ਮਿਲਿਆ, ਜਦੋਂ ਐਮਐਸਜੀ ਗੁਰੂਮੰਤਰ ਭੰਡਾਰਾ ਧੂਮਧਾਮ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਇਸ ਮੌਕੇ ’ਤੇ ਸ਼ਰਧਾਲੂਆਂ ਨੇ ਵੱਧ-ਚੜ੍ਹ ਕੇ ਹਿੱਸਾ ਲਿਆ ਤੇ ਗੁਰੂ ਜੀ ਪ੍ਰਤੀ ਆਪਣੀ ਆਸਥਾ ਪ੍ਰਗਟ ਕੀਤੀ। ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਸਮਾਜ ਸੇਵਾ ਤੇ ਮਾਨਵਤਾ ਭਲਾਈ ਸੀ। ਭੰਡਾਰੇ ਦੌਰਾਨ 53 ਅਤਿ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਵੰਡਿਆ, ਜਿਸ ਨਾਲ ਕਈ ਘਰਾਂ ’ਚ ਖੁਸ਼ੀਆਂ ਦੀ ਰੌਸ਼ਨੀ ਪਹੁੰਚੀ। MSG Gurumantar Bhandara
ਇਹ ਖਬਰ ਵੀ ਪੜ੍ਹੋ : Iran US Israel War: ਕੁਵੈਤ ਹਵਾਈ ਅੱਡੇ ’ਤੇ ਈਰਾਨ ਦਾ ਡਰੋਨ ਹਮਲਾ, ਟੈਂਕ ਨੂੰ ਲੱਗੀ ਅੱਗ
ਡੇਰਾ ਸ਼ਰਧਾਲੂਆਂ ਨੇ ਦੱਸਿਆ ਕਿ ਸੇਵਾ ਕਾਰਜ਼ ਹੀ ਸੱਚੀ ਭਗਤੀ ਹੈ ਤੇ ਇਸ ਭਾਵਨਾ ਨਾਲ ਇਹ ਪਹਿਲ ਕੀਤੀ ਗਈ। ਨਾਲ ਹੀ ਪੰਛੀਆਂ ਲਈ 353 ਪਾਣੀ ਦੇ ਕਟੋਰੇ ਵੰਡੇ ਗਏ, ਤਾਂਕਿ ਵੱਧਦੀ ਗਰਮੀ ’ਚ ਪੰਛੀਆਂ ਨੂੰ ਪਾਣੀ ਦੀ ਕਮੀ ਦਾ ਸਾਹਮਣਾ ਨਾ ਕਰਨਾ ਪਵੇ। ਜਿਵੇਂ ਇਨਸਾਨਾਂ ਨੂੰ ਪਾਣੀ ਦੀ ਜ਼ਰੂਰਤ ਹੁੰਦੀ ਹੈ, ਉਵੇਂ ਹੀ ਪੰਛੀਆਂ ਲਈ ਵੀ ਪਾਣੀ ਬਹੁਤ ਜ਼ਰੂਰੀ ਹੈ। ਗਰਮੀ ਦੇ ਮੌਸਮ ’ਚ ਅਕਸਰ ਪੰਛੀਆਂ ਨੂੰ ਪਾਣੀ ਨਹੀਂ ਮਿਲ ਪਾਉਂਦਾ, ਜਿਸ ਨਾਲ ਉਨ੍ਹਾਂ ਦੀ ਜਾਨ ਨੂੰ ਖਤਰਾ ਹੋ ਜਾਂਦਾ ਹੈ। ਅਜਿਹੇ ’ਚ ਕਟੋਰੇ ਵੰਡ ਕੇ ਲੋਕਾਂ ਨੂੰ ਆਪਣੇ ਘਰਾਂ ਦੀਆਂ ਛੱਤਾਂ ਤੇ ਵਿਹੜਿਆਂ ’ਚ ਪਾਣੀ ਰੱਖਣ ਲਈ ਪ੍ਰੇਰਿਤ ਕੀਤਾ ਗਿਆ।
ਇਸ ਸੇਵਾ ਕਾਰਜ਼ ਰਾਹੀਂ ਸਮਾਜ਼ ਨੂੰ ਇਹ ਸੰਦੇਸ਼ ਦਿੱਤਾ ਗਿਆ ਕਿ ਜੀਵ-ਜੰਤੂਆਂ ਦੀ ਸੇਵਾ ਵੀ ਉਨ੍ਹੀਂ ਹੀ ਜ਼ਰੂਰੀ ਹੈ ਜਿਨੀ ਮਾਨਵਤਾ ਦੀ। ਨਾਲ ਹੀ ਲੋਕਾਂ ਨੂੰ ਅਪੀਲ ਕੀਤੀ ਗਈ ਕਿ ਉਹ ਨਿਯਮਿਤ ਰੂਪ ਨਾਲ ਇਨ੍ਹਾਂ ਕਟੋਰਿਆਂ ’ਚ ਸਾਫ ਪਾਣੀ ਭਰਨ, ਤਾਂਕਿ ਪੰਛੀਆਂ ਨੂੰ ਰਾਹਤ ਮਿਲ ਸਕੇ। ਐਮਐਸਜੀ ਗੁਰੂਮੰਤਰ ਭੰਡਾਰੇ ਦੇ ਇਸ ਪ੍ਰੋਗਰਾਮ ਨੇ ਇੱਕ ਵਾਰ ਫਿਰ ਇਹ ਸਾਬਤ ਕਰ ਦਿੱਤਾ ਕਿ ਸੱਚੀ ਭਗਤੀ ਸਿਰਫ ਪੂਜਾ ਤੱਕ ਸੀਮਤ ਨਹੀਂ ਹੈ, ਬਲਕਿ ਹਰ ਜੀਵ ਪ੍ਰਤੀ ਦਇਆ ਤੇ ਸੇਵਾ ਭਾਵਨਾ ਹੀ ਉਸ ਦਾ ਅਸਲੀ ਸਵਰੂਪ ਹੈ। ਇਸ ਮੌਕੇ ’ਤੇ ਪੂਜਨੀਕ ਗੁਰੂ ਜੀ ਦੇ ਅਨਮੋਲ ਬਚਨਾਂ ਨੂੰ ਸੁਣਾਇਆ ਗਿਆ।
ਇਸ ਮੌਕੇ ’ਤੇ ਨਸ਼ਾ ਮੁਕਤੀ ਸਬੰਧੀ ਵੀ ਜਾਗਰੂਕਤਾ ਫੈਲਾਉਣ ’ਤੇ ਵਿਸ਼ੇਸ਼ ਜੋਰ ਦਿੱਤਾ ਗਿਆ। ਪੂਜਨੀਕ ਗੁਰੂ ਜੀ ਦੇ ਪ੍ਰੇਰਨਾਦਾਇਕ ਸ਼ਬਦਾਂ ਨੂੰ ਸੁਣਾਉਂਦੇ ਹੋਏ ਸੰਦੇਸ਼ ਦਿੱਤਾ ਗਿਆ। ‘ਦੇਸ਼ ਕੀ ਜਵਾਨੀ, ਡ੍ਰਗ ਦੀ ਨਾਦਾਨੀ ਛੋੜੋ’। ਇਸ ਸੰਦੇਸ਼ ਨੇ ਹਾਜ਼ਰ ਲੋਕਾਂ, ਖਾਸ ਕਰਕੇ ਨੌਜਵਾਨਾਂ ਨੂੰ ਡੂੰਘਾ ਪ੍ਰਭਾਵਿਤ ਕੀਤਾ। ਡੇਰਾ ਸ਼ਰਧਾਲੂਆਂ ਨੇ ਕਿਹਾ ਕਿ ਨਸ਼ਾ ਨਾ ਸਿਰਫ ਵਿਅਕਤੀ ਸਗੋਂ ਪੂਰੇ ਪਰਿਵਾਰ ਤੇ ਸਮਾਜ ਨੂੰ ਤਬਾਹ ਕਰਦਾ ਹੈ। ਇਸ ਲਈ ਸਾਨੂੰ ਮਿਲਕੇ ਇਸ ਖਿਲਾਫ਼ ਆਵਾਜ਼ ਚੁੱਕਣੀ ਚਾਹੀਦੀ ਹੈ ਤੇ ਇੱਕ ਸਿਹਤਮੰਦ, ਜਾਗਰੂਕ ਸਮਾਜ ਦਾ ਨਿਰਮਾਂਣ ਕਰਨਾ ਚਾਹੀਦਾ ਹੈ। ਪ੍ਰੋਗਰਾਮ ਦੇ ਆਖਰ ’ਚ ਸਾਰਿਆਂ ਨੇ ਮਿਲਕੇ ਸਮਾਜ ਸੇਵਾ ਤੇ ਨਸ਼ਾ ਮੁਕਤ ਭਾਰਤ ਬਣਾਉਣ ਦਾ ਪ੍ਰਣ ਲਿਆ। ਇਸ ਭੰਡਾਰੇ ਨੇ ਨਾ ਸਿਰਫ ਲੋਕਾਂ ਨੂੰ ਭੋਜਨ ਕਰਵਾਇਆ, ਸਗੋਂ ਮਾਨਵਤਾ, ਏਕਤਾ ਤੇ ਜਾਗਰੂਕਤਾ ਦਾ ਸੰਦੇਸ਼ ਵੀ ਦਿੱਤਾ।
