ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। Punjab Rain Alert: ਪੰਜਾਬ ’ਚ ਚੱਲ ਰਹੇ ਮੀਂਹ ਦੇ ਮੌਸਮ ਨੂੰ ਧਿਆਨ ’ਚ ਰੱਖਦੇ ਹੋਏ, ਸੂਬੇ ਦੇ ਕਈ ਜ਼ਿਲ੍ਹਿਆਂ ’ਚ ਕਈ ਤਰ੍ਹਾਂ ਦੀਆਂ ਪਾਬੰਦੀਆਂ ਲਾਈਆਂ ਗਈਆਂ ਹਨ। ਇਸ ਤਹਿਤ ਜ਼ਿਲ੍ਹਾ ਮੈਜਿਸਟਰੇਟ ਕੋਮਲ ਮਿੱਤਲ ਨੇ ਨਹਿਰਾਂ, ਚੋਅ (ਛੋਟੀਆਂ ਨਦੀਆਂ), ਨਦੀਆਂ, ਛੱਪੜਾਂ ਤੇ ਪਾਣੀ ਨਾਲ ਭਰੇ ਟੋਇਆਂ ਦੇ ਨੇੜੇ ਜਾਣ, ਨਹਾਉਣ ਤੇ ਪਸ਼ੂਆਂ ਨੂੰ ਪਾਣੀ ਦੇਣ ਜਾਂ ਨਹਾਉਣ ’ਤੇ ਪਾਬੰਦੀ ਲਾਈ ਹੈ। ਜਾਣਕਾਰੀ ਦਿੰਦੇ ਹੋਏ ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਭਾਰੀ ਮੀਂਹ ਕਾਰਨ ਇਨ੍ਹਾਂ ਜਲ ਸਰੋਤਾਂ ’ਚ ਪਾਣੀ ਬਹੁਤ ਤੇਜ਼ੀ ਨਾਲ ਵਹਿ ਰਿਹਾ ਹੈ। ਇਨ੍ਹਾਂ ਦੇ ਪਾਣੀ ਦਾ ਪੱਧਰ ਕਾਫ਼ੀ ਵੱਧ ਗਿਆ ਹੈ।
ਇਹ ਖਬਰ ਵੀ ਪੜ੍ਹੋ : Heart Attack: ਇਹ ਰਿਪੋਰਟ ਵੇਖ ਲਵੋ, ਇਸ ਲਈ ਪੈ ਰਹੇ ਹਨ ਦਿਲ ਦੇ ਦੌਰੇ!
ਗਰਮੀਆਂ ਦੇ ਮੌਸਮ ’ਚ, ਲੋਕ, ਖਾਸ ਕਰਕੇ ਬੱਚੇ, ਅਕਸਰ ਨਹਿਰਾਂ, ਚੋਅ, ਨਦੀਆਂ ਤੇ ਛੱਪੜਾਂ ’ਚ ਨਹਾਉਣ ਜਾਂ ਪਸ਼ੂਆਂ ਨੂੰ ਪਾਣੀ ਪੀਣ ਲਈ ਲੈ ਕੇ ਜਾਂਦੇ ਹਨ, ਜਿਸ ਕਾਰਨ ਅਣਸੁਖਾਵੀਂ ਘਟਨਾ ਵਾਪਰਨ ਦਾ ਖ਼ਤਰਾ ਰਹਿੰਦਾ ਹੈ। ਸੁਰੱਖਿਆ ਦੇ ਮੱਦੇਨਜ਼ਰ, ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਹਦਾਇਤਾਂ ਜਾਰੀ ਕੀਤੀਆਂ ਹਨ ਕਿ ਪਿੰਡਾਂ ਦੇ ਸਰਪੰਚ ਚੌਕੀਦਾਰਾਂ ਰਾਹੀਂ ਐਲਾਨ ਕਰਕੇ ਇਨ੍ਹਾਂ ਜਲ ਸਰੋਤਾਂ ਦੇ ਨੇੜੇ ਚੌਕਸੀ ਵਧਾਉਣ ਤੇ ਠੀਕਰੀ ਗਾਰਡ (ਨਾਕਾਬੰਦੀ) ਲਾਉਣ, ਤਾਂ ਜੋ ਲੋਕ ਇਨ੍ਹਾਂ ਖੇਤਰਾਂ ਵੱਲ ਨਾ ਜਾਣ ਤੇ ਕਿਸੇ ਵੀ ਤਰ੍ਹਾਂ ਦੀ ਅਣਸੁਖਾਵੀਂ ਘਟਨਾ ਤੋਂ ਬਚਿਆ ਜਾ ਸਕੇ। Punjab Rain Alert
