Train Accident Phagwara: ਫਗਵਾੜਾ (ਸੱਚ ਕਹੂੰ ਨਿਊਜ਼)। ਪੰਜਾਬ ’ਚ ਇੱਕ ਵੱਡਾ ਰੇਲ ਹਾਦਸਾ ਟਲ ਗਿਆ। ਸ਼ਹਿਰ ਫਗਵਾੜਾ ਰੇਲਵੇ ਸਟੇਸ਼ਨ ਨੇੜੇ ਜਦੋਂ ਰੇਲਵੇ ਸਟੇਸ਼ਨ ਤੋਂ ਲੁਧਿਆਣਾ ਜਾ ਰਹੀ ਮਾਲ ਗੱਡੀ ਦੇ ਡੱਬੇ ਦੀ ਹੁੱਕ ਢਿੱਲੀ ਹੋ ਗਈ ਅਤੇ ਡੱਬਾ ਵੱਖ ਹੋ ਗਿਆ। ਜਿਵੇਂ ਹੀ ਮਾਲ ਗੱਡੀ ਖੇੜਾ ਫਾਟਕ ‘ਤੇ ਪਹੁੰਚੀ ਤਾਂ ਇੰਜਣ ਕੁਝ ਡੱਬਿਆਂ ਨਾਲ ਅੱਗੇ ਵਧਿਆ ਅਤੇ ਇਕ ਡੱਬੇ ਦੀ ਹੁੱਕ ਢਿੱਲੀ ਹੋ ਗਈ, ਜਿਸ ਨਾਲ ਆਖਰੀ ਡੱਬਾ ਪਿੱਛੇ ਰਹਿ ਗਿਆ। ਖੁਸ਼ਕਿਸਮਤੀ ਨਾਲ ਉਹ ਫਾਟਕ ਦੇ ਪਿੱਛੇ ਰੁਕ ਗਏ, ਜੇਕਰ ਡੱਬੇ ਫਾਟਕ ਦੇ ਨੇੜੇ ਆ ਜਾਂਦੇ ਤਾਂ ਵੱਡਾ ਹਾਦਸਾ ਵਾਪਰ ਸਕਦਾ ਸੀ।
ਸੂਚਨਾ ਮਿਲਦੇ ਹੀ ਰੇਲਵੇ ਕਰਮਚਾਰੀ ਅਤੇ ਰੇਲਵੇ ਸਟੇਸ਼ਨ ਮਾਸਟਰ ਮੌਕੇ ‘ਤੇ ਪਹੁੰਚ ਗਏ। ਗੱਡੀ ਕਰੀਬ 20 ਮਿੰਟ ਫਾਟਕ ਕੋਲ ਰੁਕੀ ਰਹੀ। ਇਸ ਤੋਂ ਬਾਅਦ ਗੱਡੀ ਦੀ ਮੁਰੰਮਤ ਕਰਕੇ ਅੱਗੇ ਭੇਜ ਦਿੱਤਾ ਗਿਆ।
