ਪੁਲਿਸ ਨੇ ਜ਼ਬਤ ਕੀਤੇ ਹਥਿਆਰ ਤੇ ਕਾਰ
ਜੈਪੁਰ: ਵਿਵਾਦ ਕਾਰਨ ਦੋ ਦਿਨ ਪਹਿਲਾਂ ਵੈਸ਼ਾਲੀ ਨਗਰ ਵਿੱਚ ਪਤਨੀ ਨੂੰ ਗੋਲੀ ਮਾਰ ਕੇ ਫਰਾਰ ਹੋਏ ਸੇਵਾ ਮੁਕਤ ਫੌਜੀ ਭਵਾਨੀ ਸਿੰਘ ਨੇ ਸ਼ੁੱਕਰਵਾਰ ਦੇਰ ਅਜਮੇਰ ਰੋਡ ‘ਤੇ ਮਹਿਲਾ ਦੇ ਕੋਲ ਆਪਣੇ ਆਪ ਨੂੰ ਗੋਲੀ ਮਾਰ ਲਈ। ਚੁਰੂ ਪੁਲਿਸ ਨੇ ਸ਼ਨਿਚਰਵਾਰ ਸਵੇਰੇ ਉਸ ਦੀ ਲਾਸ਼ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਕੇ ਹਥਿਆਰ ਤੇ ਕਾਰ ਜ਼ਬਤ ਕਰ ਲਈ।
ਜ਼ਿਕਰਯੋਗ ਹੈ ਕਿ ਵੈਸ਼ਾਲੀ ਨਗਰ ਵਾਸੀ ਫੌਜ ‘ਚੋਂ ਸੇਵਾ ਮੁਕਤ ਹੋਏ ਭਵਾਨੀ ਸਿੰਘ ਨੇ ਵੀਰਵਾਰ ਦੁਪਹਿਰ ਇੱਕ ਨਿੱਜੀ ਸਕੂਲ ਦੇ ਆਪਣੀ ਪਤਨੀ ਪੂਨਮ ਨੂੰ ਗੋਲੀ ਮਾਰ ਦਿੱਤੀ। ਗੋਲੀ ਲੱਗਣ ਨਾਲ ਜ਼ਖ਼ਮੀ ਹੋਈ ਪੂਨਮ ਅਜੇ ਵੀ ਹਸਪਤਾਲ ਵਿੱਚ ਦਾਖਲ ਹੈ। ਇਸ ਦਰਮਿਆਨ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਭਵਾਨੀ ਦੇ ਲੈਟ ਵਿੱਚ ਤਲਾਸ਼ੀ ਦੌਰਾਨ ਉਸ ਵੱਲੋਂ ਲਿਖਿਆ ਖੁਦਕੁਸ਼ੀ ਨੋਟ ਜ਼ਬਤ ਕੀਤਾ ਸੀ। ਪੁਲਿਸ ਉਸ ਦੀ ਭਾਲ ਕਰ ਰਹੀ ਹੈ।
ਸ਼ਨਿੱਚਰਵਾਰ ਸਵੇਰੇ ਮਹਿਲਾ ਕੋਲ ਕਿਸੇ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ ਕਿ ਇੱਕ ਜਣੇ ਨੂੰ ਕਿਸੇ ਨੇ ਗੋਲੀ ਮਾਰ ਦਿੱਤੀ ਹੈ। ਚੁਰੂ ਐੱਸਐਚਓ ਸੁਰਿੰਦਰ ਸਿੰਘ ਮੌਕੇ ‘ਤੇ ਪਹੁੰਚੇ ਤਾਂ ਮ੍ਰਿਤਕ ਦੀ ਪਛਾਣ ਭਵਾਨੀ ਸਿੰਘ ਦੇ ਰੂਪ ‘ਚ ਹੋਈ।
