25 ਮੀਟਰ ਪਿਸਟਲ ਸ਼ੂਟਿੰਗ ਵਿੱਚ ਚੌਥੇ ਸਥਾਨ ‘ਤੇ ਰਹੀ | Manu Bhaker
ਪੈਰਿਸ (ਏਜੰਸੀ)। ਭਾਰਤੀ ਨਿਸ਼ਾਨੇਬਾਜ਼ ਅਤੇ ਹਰਿਆਣਾ ਦੀ ਧੀ ਮਨੂ ਭਾਕਰ 3 ਅਗਸਤ ਨੂੰ ਚੱਲ ਰਹੇ ਪੈਰਿਸ ਓਲੰਪਿਕ ਵਿੱਚ 25 ਮੀਟਰ ਪਿਸਟਲ ਨਿਸ਼ਾਨੇਬਾਜ਼ੀ ਮੁਕਾਬਲੇ ਵਿੱਚ ਆਪਣਾ ਇਤਿਹਾਸਕ ਤੀਜਾ ਤਮਗਾ ਜਿੱਤਣ ਤੋਂ ਖੁੰਝ ਗਈ। 22 ਸਾਲਾ ਮਨੂ ਭਾਕਰ (Manu Bhaker), ਜੋ ਪਹਿਲਾਂ ਹੀ ਦੋ ਕਾਂਸੀ ਦੇ ਤਗਮੇ ਜਿੱਤ ਚੁੱਕੀ ਹੈ, ਚੌਥੇ ਸਥਾਨ ‘ਤੇ ਰਹੀ ਅਤੇ 8 ਔਰਤਾਂ ਦੇ ਫਾਈਨਲ ‘ਚ 28 ਅੰਕ ਲੈ ਕੇ ਖੇਡਾਂ ਦੇ ਇਸੇ ਐਡੀਸ਼ਨ ‘ਚ ਤਮਗੇ ਦੀ ਹੈਟ੍ਰਿਕ ਪੂਰੀ ਕਰਨ ਤੋਂ ਪਿੱਛੇ ਰਹਿ ਗਈ। ਉਹ ਸ਼ੂਟ ਆਫ ਵਿੱਚ ਕਾਂਸੀ ਦਾ ਤਗ਼ਮਾ ਜੇਤੂ ਹੰਗਰੀ ਦੀ ਵੇਰੋਨਿਕਾ ਮੇਜਰ ਤੋਂ ਹਾਰ ਗਈ।
ਇਹ ਵੀ ਪੜ੍ਹੋ: ਮਹਿਲਾ ਐੱਸਐੱਚਓ ’ਤੇ ਦਾਤਰ ਨਾਲ ਹਮਲਾ
ਉਕਤ ਮੈਚ ‘ਚ ਦੱਖਣੀ ਕੋਰੀਆ ਦੀ ਜਿਓਨ ਯਾਂਗ ਨੇ ਸੋਨ ਤਗਮਾ, ਫਰਾਂਸ ਦੀ ਕੈਮਿਲ ਜੇਦਰਜ਼ੇਵਸਕੀ ਨੇ ਚਾਂਦੀ ਦਾ ਤਗਮਾ ਜਿੱਤਿਆ ਜਦੋਂਕਿ ਹੰਗਰੀ ਦੀ ਵੇਰੋਨਿਕਾ ਮੇਜਰ ਤੀਜੇ ਸਥਾਨ ‘ਤੇ ਰਹੀ। ਯਾਂਗ ਅਤੇ ਜੇਡਰਜ਼ੇਵਸਕੀ 37-37 ਅੰਕਾਂ ‘ਤੇ ਬਰਾਬਰ ਰਹੇ, ਜਿਸ ਨਾਲ ਸ਼ੂਟ-ਆਫ ਹੋਇਆ, ਜਿਸ ਵਿੱਚ ਕੋਰੀਅਨ ਨੇ ਚੈਟੌਰੌਕਸ ਸ਼ੂਟਿੰਗ ਸੈਂਟਰ ‘ਤੇ 4-1 ਨਾਲ ਜਿੱਤ ਦਰਜ ਕੀਤੀ।
Manu Bhaker ਨੇ ਪਹਿਲੇ ਦੋ ਮੈਡਲ ਜਿੱਤੇ ਸਨ
ਇੱਕ ਮਹਿਲਾ ਵਿਅਕਤੀਗਤ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਵਿੱਚ ਅਤੇ ਦੂਜਾ ਸਰਬਜੋਤ ਸਿੰਘ ਨਾਲ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਈਵੈਂਟ ਵਿੱਚ। ਇਸ ਜੋੜੀ ਨੇ ਕਾਂਸੀ ਦੇ ਤਗ਼ਮੇ ਦੇ ਮੁਕਾਬਲੇ ਵਿੱਚ ਦੱਖਣੀ ਕੋਰੀਆ ਦੇ ਲੀ ਵੋਨਹੋ ਅਤੇ ਓਹ ਯੇ ਜਿਨ ਦੀ ਜੋੜੀ ਨੂੰ 16-10 ਨਾਲ ਹਰਾਇਆ। Manu Bhaker
