ਮਲੋਟ (ਮਨੋਜ)। ਮਲੋਟ ਦੇ 17 ਸਾਲਾ ਅੰਸ਼ਿਤ ਗਰਗ ਸਪੁੱਤਰ ਸੁਰਿੰਦਰ ਕੁਮਾਰ ਸੈਕਟਰੀ ਨੇ ਇਲਾਕੇ ਦਾ ਨਾਂ ਰੌਸ਼ਨ ਕਰਦੇ ਹੋਏ ਇੰਡਿਆ ਬੁੱਕ ਆਫ ਰਿਕਾਰਡ ਵਿੱਚ ਆਪਣਾ ਨਾਂ ਦਰਜ ਕਰਵਾਇਆ ਹੈ, ਹੌਲੀ ਐਂਜਲ ਸਕੂਲ ਦੇ ਵਿਦਿਆਰਥੀ ਅੰਸ਼ਿਤ ਗਰਗ ਨੇ ਅੱਖਾਂ ਉਪਰ ਪੱਟੀ ਬੰਨ ਕੇ 3 ਮਿੰਟ ਅਤੇ 48 ਸੈਕੇਂਡ ਵਿਚ 101 ਤੋ 125 ਤੱਕ ਮਲਟੀਪਲਿਕੇਸ਼ਨ ਟੇਬਲਜ (ਪਹਾੜੇ) ਬੋਲ ਕੇ ਇੰਡੀਆ ਬੁੱਕ ਆਫ ਰਿਕਾਰਡ ਵਿੱਚ ਆਪਣਾ ਰਿਕਾਰਡ ਦਰਜ ਕਰਵਾਇਆ, ਇਥੇ ਇਹ ਵੀ ਜਿਕਰਯੋਗ ਹੈ ਕਿ ਅੰਸ਼ਿਤ ਗਰਗ ਸ਼ਾਇਨਿੰਗ ਸਟਾਰ ਅਬੇਕਸ ਇੰਸਟੀਚਊਟ ਦਾ ਵਿਦਿਆਰਥੀ ਰਹਿ ਚੁੱਕਿਆ ਹੈ, ਅੰਸ਼ਿਤ ਨੇ ਇਹ ਰਿਕਾਰਡ ਅਬੈਕਸ ਤਕਨੀਕ ਨੂੰ ਇਸਤੇਮਾਲ ਕਰਕੇ ਬਣਾਇਆ ਹੈ, ਉਸਦੀ ਇਸ ਪ੍ਰਾਪਤੀ ਤੇ ਇਲਾਕੇ ਦੇ ਪਤਵੰਤੇ ਵਿਅਕਤੀਆਂ ਵੱਲੋਂ ਵਧਾਈ ਦਿੱਤੀ ਗਈ ਹੈ।
