‘ਖਤਰਨਾਕ ਹਵਾ’ ਵਧਾ ਰਹੀ ਰਾਜਧਾਨੀ ਦੀ ਮੁਸੀਬਤ
- ਦਿੱਲੀ-ਐਨਸੀਆਰ ਦੀ ਵਿਗੜੀ ਆਬੋ-ਹਵਾ
- ਵਾਤਾਵਰਨ ਮਾਹਿਰਾਂ ਨੇ ਹੈਲਥ ਐਮਰਜੰਸੀ ਦੱਸ ਸਕੂਲਾਂ ਨੂੰ ਬੰਦ ਕਰਕੇ ਲਾਕਡਾਊਨ ਲਾਉਣ ਦੀ ਦਿੱਤੀ ਸਲਾਹ
- ਕੇਜਰੀਵਾਲ ਸਰਕਾਰ ਨੇ ਕਿਹਾ, ਕੇਂਦਰ ਜਲਦ ਸੱਦੇ ਐਮਰਜੰਸੀ ਮੀਟਿੰਗ
ਏਜੰਸੀ ਨਵੀਂ ਦਿੱਲੀ। ਰਾਜਧਾਨੀ ਦਾ ਹਰ ਸਾਲ ਦੁਹਰਾਇਆ ਜਾਣ ਵਾਲਾ ਪ੍ਰਦੂਸ਼ਣ ਦਾ ਸੰਕਟ ਇੱਕ ਵਾਰ ਫਿਰ ਸਿਰ ਚੁੱਕੀ ਖੜ੍ਹਾ ਹੈ ਦੀਵਾਲੀ ਦੀ ਰਾਤ ਹੋਈ ਆਤਿਸ਼ਬਾਜ਼ੀ ਤੋਂ ਬਾਅਦ ਅਗਲੀ ਸਵੇਰ ਹਾਲਾਤ ਤੇਜ਼ੀ ਨਾਲ ਸੁਧਰੇ ਤਾਂ ਹਨ, ਪਰ ਪ੍ਰਦੂਸ਼ਣ ਦਾ ਪੱਧਰ ਹਾਲੇ ਵੀ ਖਤਰਨਾਕ ਜੋਨ ’ਚ ਬਣਿਆ ਹੋਇਆ ਹੈ ਪੂਰਾ ਦਿੱਲੀ ਐਨਸੀਆਰ ਇਸ ਸੰਕਟ ਨਾਲ ਜੂਝ ਰਿਹਾ ਹੈ ਰਾਜਧਾਨੀ ਦੀ ਆਬੋ-ਹਵਾ ’ਚ ਜ਼ਹਿਰ ਘੁਲਿਆ ਹੈ। ਦਿੱਲੀ ਮੁੜ ਤੋਂ ਪ੍ਰੇਸ਼ਾਨ ਹੋ ਉੱਠੀ ਹੈ ਜਿਨ੍ਹਾਂ ਹਵਾਵਾਂ ਨਾਲ ਜ਼ਿੰਦਗੀ ਦਾ ਪਾਰਾ ਮੀਟਰ ਤੈਅ ਹੁੰਦਾ ਹੈ, ਉਹ ਬੇਹੱਦ ਖਤਰਨਾਕ ਹੋ ਚੁੱਕੀਆਂ ਹਨ।
ਇੱਕ ਤਾਂ ਆਤਿਸ਼ਬਾਜ਼ੀ ਨੇ ਸੰਕਟ ਨੂੰ ਬੇਹਿਸਾਬ ਕਰ ਦਿੱਤਾ, ਦੂਜਾ ਗੁਆਂਢੀ ਸੂਬਿਆਂ ’ਚ ਸਾੜੀ ਜਾ ਰਹੀ ਪਰਾਲੀ ਨਾਲ ਉਸ ਸੰਕਟ ’ਚ ਵਾਧਾ ਹੋ ਗਿਆ ਹੁਣ ਨਾ ਤਾਂ ਇੰਡੀਆ ਗੇਟ ਸਾਫ-ਸਾਫ ਨਜ਼ਰ ਆ ਰਿਹਾ ਹੈ ਨਾ ਹੀ ਰਾਸ਼ਟਰਪਤੀ ਭਵਨ ਉੱਥੇ ਵਾਤਾਵਰਨ ਮਾਹਿਰ ਵਿਮਲੇਂਦੂ ਝਾਅ ਦਾ ਕਹਿਣਾ ਹੈ ਕਿ ਅਸੀਂ ਉੱਤਰ ਭਾਰਤ ’ਚ ਵਰਤਮਾਨ ਹਵਾ ਪ੍ਰਦੂਸ਼ਣ ਸੰਕਟ ਦੀ ਗੰਭੀਰਤਾ ਨੂੰ ਸਮਝੀਏ ਇਹ ਇੱਕ ਹੈਲਥ ਐਮਰਜੰਸੀ ਜਿਹੀ ਸਥਿਤੀ ਹੈ ਉਨ੍ਹਾਂ ਨੇ ਸੁਝਾਅ ਦਿੱਤਾ ਹੈ ਕਿ ਹਵਾ ਪ੍ਰਦੂਸ਼ਣ ਦੇ ਸੰਕਟ ਨੂੰ ਵੇਖਦਿਆਂ ਦਿੱਲੀ-ਐਨਸੀਆਰ ਅਤੇ ਉਸ ਦੇ ਆਸਪਾਸ ਸਕੂਲਾਂ ਨੂੰ ਬੰਦ ਕਰਨ, ਵਾਹਨਾਂ ਦੀ ਆਵਾਜਾਈ ਨੂੰ ਕੰਟਰੋਲ ਕਰਨ ਲਈ ਲਾਕਡਾਊਨ ਜਿਹੇ ਉਪਾਅ ਕੀਤੇ ਜਾਣੇ ਚਾਹੀਦੇ ਹਨ ਉੱਥੇ ਦਿੱਲੀ ਦੇ ਸੀਐਮ ਕੇਜਰੀਵਾਲ ਨੇ ਕਿਹਾ ਕਿ ਕੇਂਦਰ ਸਰਕਾਰ ਹਾਲਾਤ ਨੂੰ ਵੇਖਦਿਆਂ ਜਲਦ ਐਮਰਜੰਸੀ ਮੀਟਿੰਗ ਸੱਦੀ ਜਾਵੇ।
ਰਾਜਧਾਨੀ ’ਚ ਹਵਾ ਗੁਣਵੱਤਾ ਤੀਜੇ ਦਿਨ ਵੀ ਗੰਭੀਰ ਸ਼੍ਰੇਣੀ ’ਚ
ਰਾਜਧਾਨੀ ਦਿੱਲੀ ’ਚ ਐਤਵਾਰ ਦੀ ਸਵੇਰ ਠੰਢ ਰਹੀ ਅਤੇ ਘੱਟੋ-ਘੱਟ ਤਾਪਮਾਨ 14.2 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ, ਜੋ ਇਸ ਮੌਸਮ ਦੇ ਹਿਸਾਬ ਨਾਲ ਆਮ ਹੈ ਹਾਲਾਂਕਿ ਦਿੱਲੀ ’ਚ ਤੀਜੇ ਦਿਨ ਵੀ ਹਵਾ ਗੁਣਵੱਤਾ ’ਚ ਗਿਰਾਵਟ ਦਰਜ ਕੀਤੀ ਗਈ ਅਤੇ ਹਵਾ ਗੁਣਵੱਤਾ ਸੂਚਕਾਂਕ (ਅਦਕ) 433 ਦਰਜ ਕੀਤਾ ਗਿਆ । ਕੇਂਦਰ ਵੱਲੋਂ ਸੰਚਾਲਿਤ ਹਵਾ ਗੁਣਵੱਤਾ ਪ੍ਰਣਾਲੀ ਅਤੇ ਮੌਸਮ ਪੂਰਬ ਅਨੁਨਾਮ ਅਤੇ ਅਨੁਸੰਧਾਨ ਡੇਟਾ (ਸਫਰ) ਨੇ ਦੱਸਿਆ ਕਿ ਸੋਮਵਾਰ ਤੱਕ ਹਵਾ ਗੁਣਵੱਤਾ ’ਚ ਸੁਧਾਰ ਹੋਣ ਦੀ ਸੰਭਾਵਨਾ ਹੈ।
ਦਿੱਲੀ-ਐਨਸੀਆਰ ’ਚ ਇੱਕੋ ਜਿਹੇ ਹਾਲਾਤ
ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (ਸੀਪੀਸੀਬੀ) ਦੇ ਸਮੀਰ ਐਪ ਮੁਤਾਬਕ ਦਿੱਲੀ ’ਚ ਅੱਜ ਸਵੇਰੇ ਅੱਠ ਵਜੇ ਸ਼ਹਿਰ ਦਾ ਹਵਾ ਗੁਣਵੱਤਾ ਸੂਚਕਾਂਕ (ਏਕਿਊਆਈ) 437 ਦਰਜ ਕੀਤਾ ਗਿਆ, ਜੋ ਗੰਭੀਰ ਸ਼੍ਰੇਣੀ ’ਚ ਆਉਂਦਾ ਹੈ, ਉੱਥੇ ਸ਼ਨਿੱਚਰਵਾਰ ਨੂੰ ਇਹ 449 ਸੀ ਸਮੀਰ ਐਪ ਅਨੁਸਾਰ ਐਤਵਾਰ ਨੂੰ ਗਾਜੀਆਬਾਦ ’ਚ ਏਕਿਊਆਈ 456 ਦਰਜ ਕੀਤਾ ਗਿਆ, ਜਦੋਂਕਿ ਨੋਇਡਾ ’ਚ 454 ਅਤੇ ਗੇ੍ਰਟਰ ਨੋਇਡਾ ’ਚ ਇਹ 381 ਦਰਜ ਕੀਤਾ ਗਿਆ। ਉੱਥੇ ਫਰੀਦਾਬਾਦ ’ਚ ਏਕਿਊਆਈ 372, ਗੁਰੂਗ੍ਰਾਮ ’ਚ 439, ਬਾਗਪਤ ’ਚ 445 ਏਕਿਊਆਈ ਦਰਜ ਕੀਤਾ ਗਿਆ।
ਪਟਾਕੇ ਅਤੇ ਪਰਾਲੀ ਦੋਵਾਂ ਨੇ ਮਿਲ ਕੇ ਹਵਾ ਦੀ ਸਥਿਤੀ ਨੂੰ ਖਤਰਨਾਕ ਬਣਾਇਆ ਪਟਾਕੇ ਦਾ ਪ੍ਰਦੂਸ਼ਣ ਘੱਟ ਹੋ ਜਾਵੇਗਾ ਪਰ ਪਰਾਲੀ ਸਾੜਨ ਦੀਆਂ ਘਟਨਾਵਾਂ ਜਦੋਂ ਤੱਕ ਨਹੀਂ ਰੁਕਦੀਆਂ ਹਨ, ਉਦੋਂ ਤੱਕ ਪ੍ਰਦੂਸ਼ਣ ਦਾ ਖਤਰਾ ਬਣਿਆ ਰਹੇਗਾ।
ਗੋਪਾਲ ਰਾਏ, ਦਿੱਲੀ ਦੇ ਵਾਤਾਵਰਨ ਮੰਤਰੀ
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
