Vande Bharat Express: ਇਸ ਤਰੀਕ ਤੋਂ ਸ਼ੁਰੂ ਹੋਵੇਗੀ ਵੰਦੇ ਭਾਰਤ ਐਕਸਪ੍ਰੈੱਸ, ਜਾਣੋ ਕਿਰਾਏ ਤੇ ਰੁਕਣ ਦੇ ਵੇਰਵੇ

Posted By

12 February, 2025 5:48 PM IST

Vande Bharat Express: ਜੰਮੂ ਕਸ਼ਮੀਰ (ਏਜੰਸੀ)। ਕਟੜਾ ਤੋਂ ਸ਼੍ਰੀਨਗਰ ਤੱਕ ਰੇਲ ਰਾਹੀਂ ਯਾਤਰਾ ਕਰਨ ਦਾ ਸੁਪਨਾ ਹੁਣ ਪੂਰਾ ਹੋਣ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਰੇਲ ਸੇਵਾ ਫਰਵਰੀ ਮਹੀਨੇ ’ਚ ਹੀ ਸ਼ੁਰੂ ਹੋ ਰਹੀ ਹੈ। ਹਾਸਲ ਹੋਏ ਵੇਰਵਿਆਂ ਮੁਤਾਬਕ, ਵੰਦੇ ਭਾਰਤ ਐਕਸਪ੍ਰੈਸ 17 ਫਰਵਰੀ ਨੂੰ ਕਸ਼ਮੀਰ ਲਈ ਸ਼ੁਰੂ ਕੀਤੀ ਜਾਵੇਗੀ ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਟਰੇਨ ਦਾ ਉਦਘਾਟਨ ਕਰਨਗੇ। ਜੋ ਕਿ ਊਧਮਪੁਰ-ਸ਼੍ਰੀਨਗਰ-ਬਾਰਾਮੂਲਾ ਰੇਲ ਲਿੰਕ ਪ੍ਰੋਜੈਕਟ ਦਾ ਹਿੱਸਾ ਹੈ। ਇਹ ਪ੍ਰੋਜੈਕਟ ਕਸ਼ਮੀਰ ਦੇ ਰੇਲ ਸੰਪਰਕ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ, ਜਿਸਦੀ ਲੰਬੇ ਸਮੇਂ ਤੋਂ ਉਡੀਕ ਕੀਤੀ ਜਾ ਰਹੀ ਸੀ।

ਇਹ ਖਬਰ ਵੀ ਪੜ੍ਹੋ : Rajasthan New Highway: ਰਾਜਸਥਾਨ ਦੇ 5 ਸ਼ਹਿਰਾਂ ਦੀ ਬੱਲੇ-ਬੱਲੇ ਕਰ ਦੇਵੇਗਾ ਇਹ ਨਵਾਂ ਐੱਕਸਪ੍ਰੈੱਸਵੇਅ ਹਾਈਵੇਅ, ਜਾਣੋ…

ਇਸ ਰੇਲਗੱਡੀ ਦੇ ਸੁਰੱਖਿਆ ਮਾਪਦੰਡਾਂ ਸੰਬੰਧੀ ਸਾਰੀਆਂ ਜ਼ਰੂਰੀ ਜਾਂਚਾਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਵੰਦੇ ਭਾਰਤ ਐਕਸਪ੍ਰੈਸ ਨੂੰ ਖਾਸ ਤੌਰ ’ਤੇ ਜੰਮੂ ਤੇ ਕਸ਼ਮੀਰ ਦੇ ਕਠੋਰ ਸਰਦੀਆਂ ਦੇ ਹਾਲਾਤਾਂ ’ਚ ਚਲਾਉਣ ਲਈ ਤਿਆਰ ਕੀਤਾ ਗਿਆ ਹੈ। ਇਸ ’ਚ ਉੱਨਤ ਜਲਵਾਯੂ-ਰੋਧਕ ਤਕਨਾਲੋਜੀਆਂ ਤੇ ਹੀਟਿੰਗ ਸਿਸਟਮ ਸ਼ਾਮਲ ਹਨ ਜੋ ਪਾਣੀ ਤੇ ਬਾਇਓ-ਟਾਇਲਟ ਟੈਂਕਾਂ ਨੂੰ ਜੰਮਣ ਤੋਂ ਰੋਕਦੇ ਹਨ। ਇਸ ਤੋਂ ਇਲਾਵਾ, ਟਰੇਨ ਦੇ ਏਅਰ ਬ੍ਰੇਕ ਸਿਸਟਮ ਨੂੰ ਵੀ ਜ਼ੀਰੋ ਤੋਂ ਘੱਟ ਤਾਪਮਾਨ ’ਚ ਸੁਚਾਰੂ ਢੰਗ ਨਾਲ ਕੰਮ ਕਰਨ ਲਈ ਅਨੁਕੂਲ ਬਣਾਇਆ ਗਿਆ ਹੈ। ਇਸ ਟਰੇਨ ’ਚ ਡਰਾਈਵਰ ਦੇ ਅਗਲੇ ਲੁੱਕਆਊਟ ਸ਼ੀਸ਼ੇ ਲਈ ਵਿੰਡਸ਼ੀਲਡ ’ਚ ਹੀਟਿੰਗ ਐਲੀਮੈਂਟ ਲੱਗੇ ਹੋਏ ਹਨ।

ਜੋ ਸਰਦੀਆਂ ’ਚ ਸਪੱਸ਼ਟ ਦ੍ਰਿਸ਼ਟੀ ਨੂੰ ਯਕੀਨੀ ਬਣਾਉਂਦੇ ਹਨ। ਇਸ ਰੇਲਗੱਡੀ ਦੇ ਚੱਲਣ ਨਾਲ, ਕਸ਼ਮੀਰ ਦੀ ਯਾਤਰਾ ਨੂੰ ਹੋਰ ਸੁਵਿਧਾਜਨਕ ਤੇ ਆਸਾਨ ਬਣਾਉਣ ਦਾ ਸੁਪਨਾ ਸਾਕਾਰ ਹੋਵੇਗਾ। ਪ੍ਰਧਾਨ ਮੰਤਰੀ ਮੋਦੀ ਵੱਲੋਂ ਇਸ ਰੇਲਗੱਡੀ ਨੂੰ ਹਰੀ ਝੰਡੀ ਦਿਖਾਏ ਜਾਣ ਤੋਂ ਬਾਅਦ, ਇਹ ਸੇਵਾ ਜਨਤਾ ਲਈ ਉਪਲਬਧ ਹੋਵੇਗੀ। ਇਸ ਨਾਲ ਕਸ਼ਮੀਰ ਖੇਤਰ ’ਚ ਆਵਾਜਾਈ ਨੂੰ ਨਵੀਂ ਗਤੀ ਮਿਲੇਗੀ ਤੇ ਇਸਦੇ ਵਿਕਾਸ ’ਚ ਮਦਦ ਮਿਲੇਗੀ। Vande Bharat Express

ਇਹ ਰਹੇਗਾ ਰਸਤਾ | Vande Bharat Express

ਸ਼ੁਰੂ ’ਚ ਇਹ ਰੇਲਗੱਡੀ ਕਟੜਾ ਤੇ ਸ੍ਰੀਨਗਰ ਵਿਚਕਾਰ ਚੱਲੇਗੀ। ਕੁਝ ਮਹੀਨਿਆਂ ਬਾਅਦ, ਇਹ ਰਸਤਾ ਜੰਮੂ ਤੋਂ ਸ਼੍ਰੀਨਗਰ ਤੱਕ ਵਧਾਇਆ ਜਾਵੇਗਾ। ਇਸ ਰੂਟ ’ਤੇ ਰੇਲਗੱਡੀ ਲਗਭਗ ਢਾਈ ਤੋਂ ਤਿੰਨ ਘੰਟਿਆਂ ’ਚ ਯਾਤਰਾ ਪੂਰੀ ਕਰੇਗੀ। ਦਿੱਲੀ ਜਾਂ ਹੋਰ ਸ਼ਹਿਰਾਂ ਤੋਂ ਆਉਣ ਵਾਲੇ ਯਾਤਰੀਆਂ ਨੂੰ ਪਹਿਲਾਂ ਕਟੜਾ ਪਹੁੰਚਣਾ ਪਵੇਗਾ ਤੇ ਫਿਰ ਉੱਥੋਂ ਵੰਦੇ ਭਾਰਤ ਟਰੇਨ ਰਾਹੀਂ ਸ਼੍ਰੀਨਗਰ ਜਾਣਾ ਪਵੇਗਾ।

ਟਰੇਨ ਦਾ ਕਿਰਾਇਆ | Vande Bharat Express

ਇਸ ਟਰੇਨ ’ਚ ਸਿਰਫ਼ ਚੇਅਰ ਕਾਰ ਕੋਚ ਹੋਣਗੇ, ਜਿਸ ’ਚ ਜਨਰਲ ਚੇਅਰ ਕਾਰ ਤੇ ਐਗਜ਼ੀਕਿਊਟਿਵ ਚੇਅਰ ਕਾਰ ਸ਼ਾਮਲ ਹੋਣਗੇ। ਰੇਲਗੱਡੀ ਦਾ ਕਿਰਾਇਆ ਏਸੀ ਚੇਅਰ ਕਾਰ ਲਈ 1500 ਰੁਪਏ ਤੋਂ 1700 ਰੁਪਏ ਤੇ ਐਗਜ਼ੀਕਿਊਟਿਵ ਚੇਅਰ ਕਾਰ ਲਈ 2400 ਰੁਪਏ ਤੋਂ 2600 ਰੁਪਏ ਤੱਕ ਨਿਰਧਾਰਤ ਕੀਤਾ ਗਿਆ ਹੈ।