ਅਛੂਤ
ਭਗਵਾਨ ਬੁੱਧ ਦੀ ਧਰਮ ਸਭਾ ਚੱਲ ਰਹੀ ਸੀ ਗੌਤਮ ਬੁੱਧ ਧਿਆਨ ਮਗਨ ਅਵਸਥਾ ਵਿਚ ਬੈਠੇ ਚਿੰਤਨ ਕਰ ਰਹੇ ਸਨ ਉਦੋਂ ਬਾਹਰੋਂ ਕੋਈ ਵਿਅਕਤੀ ਚੀਕ ਕੇ ਬੋਲਿਆ, ‘‘ਅੱਜ ਮੈਨੂੰ ਇਸ ਸਭਾ ਵਿਚ ਬੈਠਣ ਦੀ ਆਗਿਆ ਕਿਉਂ ਨਹੀਂ ਦਿੱਤੀ ਗਈ ਹੈ?’’ ਸ਼ਾਂਤ ਸਭਾ ਵਿਚ ਉਸਦੇ ਕਰੋਧਮਈ ਬੋਲ ਗੂੰਜ ਉੱਠੇ ਪਰ ਬੁੱਧ ਉਸੇ ਤਰ੍ਹਾਂ ਹੀ ਧਿਆਨਮਗਨ ਹੀ ਬੈਠੇ ਰਹੇ ਉਸਨੇ ਮੁੜ ਪਹਿਲਾਂ ਤੋਂ ਵੀ ਉੱਚੀ ਅਵਾਜ ਵਿਚ ਆਪਣਾ ਪ੍ਰਸ਼ਨ ਦੁਹਰਾਇਆ ਸ਼ਿਸ਼ਾਂ ਨੇ ਸਭਾ ਦੀ ਸ਼ਾਂਤੀ ਨੂੰ ਬਣਾਈ ਰੱਖਣ ਲਈ ਭਗਵਾਨ ਬੁੱਧ ਨੂੰ ਉਸ ਲਈ ਅੰਦਰ ਆਉਣ ਦੀ ਆਗਿਆ ਦੇਣ ਲਈ ਕਿਹਾ ਬੁੱਧ ਨੇ ਕਿਹਾ, ‘‘ਉਹ ਅੰਦਰ ਬੈਠਣ ਦੇ ਯੋਗ ਨਹੀਂ ਹੈ ਉਹ ਅਛੂਤ ਹੈ’’
ਸ਼ਿਸ਼ ਹੈਰਾਨ ਹੋ ਗਏ ਅਤੇ ਬੋਲੇ, ‘‘ਭਗਵਾਨ, ਤੁਹਾਡੇ ਧਰਮ ਦੀ ਵਿਆਖਿਆ ਅਨੁਸਾਰ ਤਾਂ ਧਰਮ ਵਿਚ ਜਾਤ-ਪਾਤ ਲਈ ਕੋਈ ਸਥਾਨ ਨਹੀਂ ਹੈ ਕੋਈ ਉੱਚਾ-ਨੀਵਾਂ ਨਹੀਂ ਹੈ ਫਿਰ ਇਹ ਅਛੂਤ ਕਿਵੇਂ ਹੈ?’’
ਉਦੋਂ ਬੁੱਧ ਨੇ ਸ਼ਿਸ਼ਾਂ ਨੂੰ ਸਮਝਾਇਆ, ‘‘ਅੱਜ ਇਹ ਕਰੋਧ ਵਿਚ ਹੈ ਕਰੋਧ ਨਾਲ ਸ਼ਾਂਤੀ ਅਤੇ ਇਕਾਗਰਤਾ ਭੰਗ ਹੁੰਦੀ ਹੈ ਕਰੋਧੀ ਵਿਅਕਤੀ ਹਿੰਸਾ ਕਰਦਾ ਹੈ ਜੇਕਰ ਉਹ ਸਰੀਰਕ ਹਿੰਸਾ ਤੋਂ ਬਚ ਵੀ ਜਾਵੇ ਤਾਂ ਮਾਨਸਿਕ ਹਿੰਸਾ ਜ਼ਰੂਰ ਕਰਦਾ ਹੈ ਕਿਸੇ ਵੀ ਕਾਰਨ ਨਾਲ ਕਰੋਧ ਕਰਨ ਵਾਲਾ ਮਨੁੱਖ ਅਛੂਤ ਹੈ ਉਸ ਨੂੰ ਕੁਝ ਸਮੇਂ ਤੱਕ ਇਕਾਂਤ ਵਿਚ ਰਹਿ ਕੇ ਪਛਤਾਵਾ ਅਤੇ ਆਤਮ-ਮੰਥਨ ਕਰਨਾ ਚਾਹੀਦਾ ਹੈ ਤਾਂ ਹੀ ਉਸ ਨੂੰ ਪਤਾ ਲੱਗੇਗਾ ਕਿ ਅਹਿੰਸਾ ਮਹਾਨ ਕਰਤੱਵ ਹੈ ਪਰਮ ਧਰਮ ਹੈ’’ ਸ਼ਿਸ਼ ਸਮਝ ਗਏ ਕਿ ਅਛੂਤ ਦਾ ਅਸਲ ਅਰਥ ਕੀ ਹਨ
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ.
