ਅੰਕਾਰਾ, ਏਜੰਸੀ
ਤੁਰਕੀ ‘ਚ ਪਿਛਲੇ ਇੱਕ ਹਫ਼ਤੇ ਦੌਰਾਨ ਚਲਾਏ ਗਏ ਸੁਰੱਖਿਆ ਅਭਿਆਨ ਦੌਰਾਨ ਦੋ ਬੰਦੂਕਧਾਰੀ ਮਾਰੇ ਗਏ ਜਦੋਂ ਕਿ 16 ਹੋਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਤੁਰਕੀ ਦੇ ਗ੍ਰਹਿ ਮੰਤਰਾਲਾ ਨੇ ਇੱਕ ਬਿਆਨ ਜਾਰੀ ਕਰਕੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ। ਬਿਆਨ ਦੇ ਮੁਤਾਬਕ ਇਸ ਹਫ਼ਤੇ ਪੂਰੇ ਤੁਰਕੀ ‘ਚ ਅੱਤਵਾਦ-ਵਿਰੋਧੀ ਸੁਰੱਖਿਆ ਮੁਹਿੰਮ ਚਲਾਏ ਗਏ। ਸੁਰੱਖਿਆ ਬਲਾਂ ਨੇ 2829 ਮੁਹਿੰਮ ਚਲਾਕੇ ਪੀਕੇਕੇ , ਆਈਐਸਆਈਐਸ ਅਤੇ ਗੁਲੇਨ ਨਾਲ ਸੰਪਰਕ ਹੋਣ ਦੇ ਦੋਸ਼ ‘ਚ 956 ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਇਸ ਮੁਹਿੰਮ ਦੌਰਾਨ ਬੰਦੂਕਧਾਰੀਆਂ ਦੇ ਕਈ ਠਿਕਾਣਿਆਂ ਨੂੰ ਵੀ ਵਿਨਾਸ਼ ਕੀਤਾ ਗਿਆ।
ਮੁਹਿੰਮ ਦੌਰਾਨ 19 ਭਾਰੀ ਹਥਿਆਰ, 17 ਗ੍ਰਨੇਡ ਅਤੇ 1747 ਗੋਲਾ-ਬਾਰੂਦ ਬਰਾਮਦ ਕੀਤੇ ਗਏ। ਤੁਰਕੀ ਦੀ ਫੌਜ ਨੇ ਵੈਨ ਪ੍ਰਾਂਤ ਦੇ ਇਪੇਕਯੋਲੂ ‘ਚ ਸੋਮਵਾਰ ਨੂੰ ਚਲਾਈ ਗਈ ਮੁਹਿੰਮ ‘ਚ 167 ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਗ੍ਰਿਫਤਾਰ ਲਿਆ। ਤੁਰਕੀ ਦੇ ਸੁਰੱਖਿਆ ਡਾਇਰੈਕਟੋਰੇਟ ਨਾਲ ਜਾਰੀ ਬਿਆਨ ਅਨੁਸਾਰ ਪ੍ਰਵਾਸੀਆਂ ਨੂੰ ਗੈਰ-ਕਾਨੂੰਨੀ ਰੂਪ ਨਾਲ ਤੁਰਕੀ ਦੀ ਹੱਦ ‘ਚ ਪਰਵੇਸ਼ ਕਰਨ ਦੇ ਦੋਸ਼ ‘ਚ ਗ੍ਰਿਫਤਾਰ ਕੀਤਾ ਗਿਆ। ਗ੍ਰਿਫਤਾਰ ਕੀਤੇ ਗਏ ਪ੍ਰਵਾਸੀਆਂ ‘ਚ 112 ਅਫਗਾਨੀ ਨਾਗਰਿਕ ਅਤੇ 55 ਪਾਕਿਸਤਾਨੀ ਨਾਗਰਿਕ ਸ਼ਾਮਲ ਹਨ।
Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
