ਇਨ੍ਹਾਂ ’ਚ 16 ਔਰਤਾਂ ਤੇ 10 ਬੱਚੇ ਵੀ ਸ਼ਾਮਲ
ਚੈਨਈ (ਏਜੰਸੀ)। Tamil Nadu Breaking News: ਸ਼ਨਿੱਚਰਵਾਰ ਸ਼ਾਮ ਨੂੰ ਤਾਮਿਲਨਾਡੂ ਦੇ ਕਰੂਰ ’ਚ ਅਦਾਕਾਰ ਵਿਜੇ ਦੀ ਰੈਲੀ ’ਚ ਭਗਦੜ ਮਚ ਗਈ। ਮੁੱਖ ਮੰਤਰੀ ਸਟਾਲਿਨ ਅਨੁਸਾਰ, ਇਸ ਹਾਦਸੇ ’ਚ 39 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਿਨ੍ਹਾਂ ’ਚ 16 ਔਰਤਾਂ ਅਤੇ 10 ਬੱਚੇ ਸ਼ਾਮਲ ਹਨ। 51 ਲੋਕ ਆਈਸੀਯੂ ’ਚ ਹਨ। ਮਰਨ ਵਾਲਿਆਂ ਦੀ ਗਿਣਤੀ ਹੋਰ ਵਧਣ ਦਾ ਖਦਸ਼ਾ ਹੈ। ਤਾਮਿਲਨਾਡੂ ਪੁਲਿਸ ਅਨੁਸਾਰ, ਵਿਜੇ ਦੀ ਰੈਲੀ ਲਈ 10,000 ਲੋਕਾਂ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਹਾਲਾਂਕਿ, 120,000 ਵਰਗ ਫੁੱਟ ਖੇਤਰ ’ਚ 50,000 ਤੋਂ ਵੱਧ ਲੋਕ ਇਕੱਠੇ ਹੋਏ ਸਨ। ਅਦਾਕਾਰ ਛੇ ਘੰਟੇ ਦੇਰੀ ਨਾਲ ਪਹੁੰਚੇ।
ਇਹ ਖਬਰ ਵੀ ਪੜ੍ਹੋ : Punjab Food Sector: ਪੰਜਾਬ ਦਾ ਖਾਧ ਖੇਤਰ! ਏਆਈ ਤੇ ਐਗਰੀਟੈਕ ਨਾਲ ਬਦਲੀ ਤਸਵੀਰ
ਵਿਜੇ ਨੂੰ ਦੱਸਿਆ ਗਿਆ ਕਿ ਇੱਕ 9 ਸਾਲ ਦੀ ਲੜਕੀ ਲਾਪਤਾ ਹੈ। ਉਸਨੇ ਸਟੇਜ ਤੋਂ ਉਸਨੂੰ ਲੱਭਣ ਦੀ ਅਪੀਲ ਕੀਤੀ, ਜਿਸ ਕਾਰਨ ਭਗਦੜ ਮਚ ਗਈ। ਇਸ ਦੌਰਾਨ, ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਐਮਕੇ ਸਟਾਲਿਨ ਨੇ ਇੱਕ ਰਾਤ ਪਹਿਲਾਂ ਇੱਕ ਉੱਚ ਪੱਧਰੀ ਮੀਟਿੰਗ ਕੀਤੀ ਤੇ ਉਸੇ ਰਾਤ ਦੇਰ ਨਾਲ ਕਰੂਰ ਪਹੁੰਚੇ। ਸਟਾਲਿਨ ਮ੍ਰਿਤਕਾਂ ਨੂੰ ਸ਼ਰਧਾਂਜਲੀ ਦੇਣ ਤੇ ਜ਼ਖਮੀਆਂ ਨੂੰ ਮਿਲਣ ਲਈ ਹਸਪਤਾਲ ਗਏ। ਇਸ ਦੌਰਾਨ, ਗ੍ਰਹਿ ਮੰਤਰਾਲੇ ਨੇ ਘਟਨਾ ਬਾਰੇ ਸੂਬਾ ਸਰਕਾਰ ਤੋਂ ਰਿਪੋਰਟ ਮੰਗੀ ਹੈ। ਘਟਨਾ ਤੋਂ ਬਾਅਦ ਵਿਜੇ ਜ਼ਖਮੀਆਂ ਨਾਲ ਨਹੀਂ ਮਿਲੇ ਤੇ ਸਿੱਧੇ ਚਾਰਟਰਡ ਫਲਾਈਟ ਰਾਹੀਂ ਚੇਨਈ ਚਲੇ ਗਏ। Tamil Nadu Breaking News
