ਔਰਤਾਂ ਘਰ ਬੈਠੇ ਕਰ ਸਕਦੀਆਂ ਨੇ ਚੰਗੀ ਕਮਾਈ, ਬੱਸ ਸ਼ੁਰੂ ਕਰੋ ਇਹ ਸੌਖੇ ਜਿਹੇ ਬਿਜ਼ਨਸ, ਜਾਣੋ ਕਿਵੇ?

Earn Money

How to earn money at home for housewife

ਅੱਜ ਦੇ ਸਮੇਂ ’ਚ ਪੈਸਾ ਇਨਸਾਨ ਲਈ ਸਭ ਤੋਂ ਵੱਡੀ ਜ਼ਰੂਰਤ ਬਣ ਗਿਆ ਹੈ। ਇੱਕ ਪੁਰਸ਼ ਤੋਂ ਲੈ ਕੇ ਮਹਿਲਾ ਤੱਕ ਆਪਣੀਆਂ ਜ਼ਰੂਰਤਾਂ ਨੂੰ ਪੂਰੀਆਂ ਕਰਨ ਲਈ ਖੁਦ ਪੈਸਾ ਕਮਾਉਣਾ (Earn Money) ਚਹੁੰਦਾ ਹੈ ਤੇ ਕਮਾਉਣਾ ਵੀ ਚਾਹੀਦਾ ਹੈ। ਇਸ ਦੀ ਅੱਜ ਦੇ ਮਹਿੰਗਾਈ ਦੇ ਯੁੱਗ ਵਿੱਚ ਜ਼ਰੂਰਤ ਵੀ ਬਹੁਤ ਹੈ। ਜੇਕਰ ਤੁਸੀਂ ਵੀ ਇੱਕ ਘਰੇਲੂ ਔਰਤ ਹੋ ਭਾਵ ਹਾਊਸਵਾਈਫ਼ ਹੋ ਤੇ ਤੁਸੀਂ ਚਾਹੁੰਦੇ ਹੋ ਕਿ ਆਪਣੇ ਖਰਚ ਲਈ ਕਿਸੀ ’ਤੇ ਨਿਰਭਰ ਨਾ ਹੋਣਾ ਪਵੇ ਤਾਂ ਅੱਜ ਅਸੀਂ ਇੱਥੇ ਤੁਹਾਨੂੰ ਬਹੁਤ ਹੀ ਬਿਹਤਰੀਨ ਤਰੀਕੇ ਦੱਸਣ ਜਾ ਰਹੇ ਹਾਂ। ਤੁਸੀਂ ਇਨ੍ਹਾਂ ਕਾਰੋਬਾਰਾਂ (ਬਿਜ਼ਨਸ) ਨੂੰ ਘਰ ਬੈਠੇ ਬਿਨਾ ਕੋਈ ਖਰਚਾ ਕੀਤੇ ਸ਼ੁਰੂ ਕਰ ਸਕਦੇ ਹੋ।

ਟਿਫਨ ਸਰਵਿਸ ਦਾ ਬਿਜ਼ਨਸ | Earn Money

ਆਪਣੇ ਕੰਮ ਕਾਰ ਨੂੰ ਲੈ ਕੇ ਅਕਸਰ ਲੋਕ ਆਪਣਾ ਘਰ ਛੱਡ ਕੇ ਸ਼ਹਿਰ ਜਾਂ ਦੂਜੇ ਇਲਾਕਿਆਂ ਵਿੱਚ ਰਹਿੰਦੇ ਹਨ। ਅਿਜਹੇ ’ਚ ਉਨ੍ਹਾਂ ਲਈ ਰੋਜ਼ਾਨਾ ਹੋਟਲ ਜਾਂ ਬਾਹਰ ਦਾ ਭੋਜਨ ਖਾਣਾ ਬਹੁਤ ਹੀ ਮੁਸ਼ਕਿਲ ਹੋ ਜਾਦਾ ਹੈ।
ਅਜਿਹੇ ’ਚ ਤੁਸੀਂ ਇਨ੍ਹਾਂ ਲੋਕਾਂ ਲਈ ਬਣਾ ਬਣਾ ਕੇ ਢੇਰ ਸਾਰੇ ਪੈਸੇ ਕਮਾ ਸਕਦੇ ਹੋ। ਇਸ ਲਈ ਤੁਸੀਂ ਪੀਜੀ ਵਾਲੇ ਇਲਾਕੇ ’ਚ ਜਾ ਕੇ ਉੱਥੇ ਆਪਣੇ ਕੰਮ ਦੀ ਜਾਣਕਾਰੀ ਦੇ ਕੇ ਆਰਡਰ ਲੈ ਸਕਦੇ ਹੋ। ਜਿਵੇਂ-ਜਿਵੇਂ ਲੋਕ ਤੁਹਾਡੀ ਸਰਵਿਸ ਬਾਰੇ ਜਾਨਣਗੇ ਉਵੇਂ-ਉਵੇਂ ਤੁਹਾਡਾ ਬਿਜ਼ਨਸ ਵਧਦਾ ਜਾਵੇਗਾ।

ਪੈਂਟਰੀ ਜਾਂ ਕੰਟੀਨ ਲਈ ਖਾਣਾ ਬਣਾਉਣਾ | business ideas for women

ਪੈਂਟਰੀ ਅਤੇ ਕੰਟੀਨ ਲਈ ਖਾਣਾ ਬਣਾਉਣਾ ਕਮਾਈ ਕਰਨ ਦਾ ਇੱਕ ਬਿਹਤਰੀਨ ਆਪਸ਼ਨ ਹੈ। ਉਹ ਲੋਕ ਤੁਹਾਨੂੰ ਕੁਝ ਨਿਸ਼ਚਿਤ ਲੋਕਾਂ ਦੇ ਖਾਣੇ ਦੀ ਜਾਣਕਾਰੀ ਦੇ ਦੇਣਗੇ। ਇਸ ਤੋਂ ਬਾਅਦ ਲੋਕਾਂ ਦੇ ਹਿਸਾਬ ਨਾਲ ਖਾਣਾ ਬਣਾ ਕੇ ਸਿਰਫ਼ ਉਸ ਨੂੰ ਭਿਜਵਾਉਣਾ ਹੋਵੇਗਾ।
ਕੁਝ ਇਸ ਤਰੀਕੇ ਨਾਲ ਕਿਸੇ ਦਫ਼ਤਰ ’ਚ ਬਾਹਰ ਤੋਂ ਖਾਣ ਵਾਲੇ ਲੋਕਾਂ ਦਾ ਵੀ ਆਰਡਰ ਲੈ ਸਕਦੇ ਹੋ ਅਤੇ ਚੰਗਾ ਮੁਨਾਫ਼ਾ ਕਮਾ ਸਕਦੇ ਹੋ।

ਆਚਾਰ ਬਣਾ ਕੇ ਪੈਸਾ ਕਮਾਉਣਾ

ਆਚਾਰਾ ਖਾਣਾ ਲੋਕ ਬਹੁਤ ਪਸੰਦ ਕਰਦੇ ਹਨ। ਸਰਦੀ ਹੋਵੇ ਭਾਵੇਂ ਗਰਮੀ ਖਾਣੇ ਦੇ ਨਾਲ ਲੋਕ ਆਚਾਰ ਬਹੁਤ ਹੀ ਸੁਆਦ ਨਾਲ ਖਾਂਦੇ ਹਨ। ਅਜਿਹੇ ’ਚ ਆਚਾਰ ਬਣਾਉਣ ਦਾ ਕੰਮ ਵੀ ਇੱਕ ਬਹੁਤ ਵਧੀਆ ਕਮਾਈ ਦਾ ਸਾਧਨ ਬਣ ਸਕਦਾ ਹੈ।
ਤੁਹਾਨੂੰ ਬੱਸ ਆਚਾਰ ਦਾ ਸੈਂਪਲ ਤੁਹਾਡੇ ਨੇੜੇ-ਤੇੜੇ ਦੀ ਕਰਿਆਣੇ ਦੀਆਂ ਦੁਕਾਨਾਂ ਵਾਲਿਆਂ ਨੂੰ ਦੇਣਾ ਪਵੇਗਾ ਅਤੇ ਬਨਣ ਤੋਂ ਬਾਅਦ ਉਸ ਨੂੰ ਡਿਲੀਵਰ ਕਰਨਾ ਹੈ। ਇਸ ਦੇ ਨਾਲ ਹੀ ਤੁਸੀਂ ਆਪਣੇ ਆਚਾਰ ਨੂੰ ਆਨਲਾਈਨ ਵੀ ਵੇਚ ਸਕਦੇ ਹੋ।

ਫੂਡ ਵਲਾਗਿੰਗ ਅੱਜ ਦਾ ਸਭ ਤੋਂ ਸ਼ਾਨਦਾਰ ਕਮਾਈ ਦਾ ਸਾਧਨ

ਫੂਡ ਵਲਾਗਿੰਗ ਕਰਕੇ ਵੀ ਚੰਗਾ ਪੈਸਾ ਕਮਾਇਆ ਜਾ ਸਕਦਾ ਹੈ। ਇਸ ਲਈ ਤੁਹਾਨੂੰ ਬੱਸ ਇਹ ਕਰਨਾ ਪਵੇਗਾ ਕਿ ਖਾਣਾ ਬਣਾਉਂਦੇ ਸਮੇਂ ਵੀਡੀਓ ਰਿਕਾਰਡਿੰਗ ਕਰ ਕੇ ਉਸ ਨੂੰ ਯੂ ਟਿਊਬ ’ਤੇ ਅਪਲੋਡ ਕਰ ਦੇਣੀ ਹੈ।

ਜਿਵੇਂ-ਜਿਵੇਂ ਤੁਹਾਡੇ ਸਬਸਕਰਾਈਬਰ ਤੇ ਵਿਊਜ਼ ਦੀ ਗਿਣਤੀ ਵਧਦੀ ਜਾਵੇਗੀ ਯੂ ਟਿਊਬ ਤੁਹਾਨੂੰ ਉਸਦੇ ਹਿਸਾਬ ਨਾਲ ਪੈਸਾ ਦੇਣਾ ਸ਼ੁਰੂ ਕਰ ਦੇਵੇਗਾ। ਉੱਤੇ ਦੱਸੇ ਗਏ ਇਨ੍ਹਾਂ ਸਾਰੇ ਤਰੀਕਿਆਂ ਦੀ ਮੱਦਦ ਨਾਲ ਤੁਸੀਂ ਹਰ ਮਹੀਨੇ ਚੰਗੀ ਕਮਾਈ ਕਰ ਸਕਦੇ ਹੋ।

ਜੇਕਰ ਇਹ ਤਰੀਕੇ ਚੰਗੇ ਲੱਗੇ ਤਾਂ ਪੋਸਟ ਸ਼ੇਅਰ ਕਰਨਾ ਨਾ ਭੁੱਲਿਓ। ਅਪਣਾ ਲਓ ਇਨ੍ਹਾਂ ਤਰੀਕਿਆਂ ਨੂੰ ਤੇ ਹੋ ਜਾਓ ਆਤਮਨਿਰਭਰ।

ਇਹ ਵੀ ਪੜ੍ਹੋ : ਆਨਲਾਈਨ ਖੇਡਾਂ ’ਤੇ ਜੀਐਸਟੀ ਸਹੀ ਕਦਮ, ਪਰ ਬੰਦ ਹੋਣਾ ਪੱਕਾ ਹੱਲ