ਭੈਣ ਹਨੀਪ੍ਰੀਤ ਇੰਸਾਂ ਨੇ ਵੀਰ ਬਹਾਦਰ ‘ਰਾਜਗੁਰੂ’ ਦੇ ਜਨਮ ਦਿਨ ’ਤੇ ਕੀਤਾ ਟਵੀਟ
(ਐਮਕੇ ਸ਼ਾਈਨਾ) ਚੰਡੀਗੜ੍ਹ। ਭਾਰਤ ਨੂੰ ਆਜ਼ਾਦੀ ਦਿਵਾਉਣ ਲਈ ਬਹੁਤ ਸਾਰੇ ਸੂਰਵੀਰਾਂ ਦਾ ਖੂਨ ਡੁੱਲ੍ਹਿਆ ਹੈ। ਉਨ੍ਹਾਂ ਯੋਧਿਆਂ ’ਚੋਂ ਇੱਕ ਭਾਰਤ ਦੇ ਸੱਚੇ ਸਪੂਤ ਜਿਨ੍ਹਾਂ ਨੇ ਸਿਰਫ 22 ਸਾਲ ਦੀ ਉਮਰ ’ਚ ਸਾਡੇ ਦੇਸ਼ ਦੀ ਆਜ਼ਾਦੀ ਲਈ ਹੱਸਦੇ-ਹੱਸਦੇ ਫਾਂਸੀ ਦੇ ਫੰਦੇ ’ਤੇ ਝੂਲ ਗਿਆ ਤੇ ਭਾਰਤ ਮਾਤਾ ਦੇ ਸਨਮਾਨ ਖਾਤਰ ਆਪਣੇ ਪ੍ਰਾਣ ਤਿਆਗ ਦਿੱਤੇ।
ਜੀ ਹਾਂ ਅਸੀਂ ਗੱਲ ਕਰ ਰਹੇ ਹਾਂ ਸ਼ਹੀਦ ਸ਼ਿਵਰਾਮ ਹਰੀ ਰਾਜਗੁਰੂ ਦੀ ਜਿਨ੍ਹਾਂ ਦਾ ਅੱਜ ਭਾਵ 24 ਅਗਸਤ ਨੂੰ ਜਨਮਦਿਨ ਵੀ ਹੈ। ਅੱਜ ਉਨ੍ਹਾਂ ਦੇ ਜਨਮਦਿਨ ’ਤੇ ਉਨ੍ਹਾਂ ਦੀ ਕੁਰਬਾਨੀਆਂ ਨੂੰ ਯਾਦ ਕਰਦਿਆਂ ਟਵੀਟ ਕਰਕੇ ਭੈਣ ਹਨੀਪ੍ਰੀਤ ਇੰਸਾਂ ਨੇ ਲਿਖਿਆ,“ ਸ੍ਰੀ ਸ਼ਿਵਰਾਮ ਹਰੀ ਰਾਜਗੁਰੂ ਜੀ ਦੀ ਜੈਅੰਤੀ ’ਤੇ ਕੋਟਿ-ਕੋਟਿ ਨਮਨ। ਵਿਦੇਸ਼ੀ ਸ਼ਾਸਨ ਦੇ ਅੱਤਿਆਚਾਰਾਂ ਖਿਲ਼ਾਫ ਲੜਨ ਲਈ ਉਨ੍ਹਾਂ ਦਾ ਬਲੀਦਾਨ ਤੇ ਦੇਸ਼ ਦੀ ਆਜ਼ਾਦੀ ਲਈ ਕ੍ਰਾਂਤੀ ਲਿਆਉਣ ’ਚ ਅਸਾਧਾਰਨ ਵਚਨਬੱਧਤਾ ਕਾਬਿਲੇ ਤਾਰੀਫ ਹੈ।” ਭੈਣ ਹਨੀਪ੍ਰੀਤ ਇੰਸਾਂ ਨੌਜਵਾਨਾਂ ਨੂੰ ਦੇਸ਼ ਲਈ ਚੰਗਾ ਕਰਨ ਲਈ ਹਮੇਸ਼ਾ ਪ੍ਰੇਰਿਤ ਕਰਦੀ ਰਹਿੰਦੀ ਹੈ ਤਾਂ ਕਿ ਉਹ ਵੀ ਦੇਸ਼ ਨੂੰ ਫਿਰ ਤੋਂ ਸੋਨੇ ਦੀ ਚਿੜੀਆ ਬਣਾਉਣ ’ਚ ਸਹਿਯੋਗ ਕਰਨ। ਸ਼ਹੀਦ ਸ਼ਿਵਰਾਮ ਹਰੀ ਰਾਜਗੁਰੂ ਦਾ ਜੀਵਨ ਕਿਹੋ ਜਿਹਾ ਸੀ ਤੇ ਉਨ੍ਹਾਂ ਨੇ ਦੇਸ਼ ਦੀ ਆਜ਼ਾਦੀ ਲਈ ਕੀ ਕੀਤਾ ਆਓ ਜਾਣਦੇ ਹਾਂ….
Tributes to Sri Shivaram Hari Rajguru on his birth anniversary. His sacrifice to fight against the atrocities of the Colonial Rule and extraordinary commitment in bringing a revolution for the nation's freedom is worth appreciating.
— Honeypreet Insan (@insan_honey) August 24, 2022
ਇਤਿਹਾਸ ਦੀ ਗੱਲ ਕਰੀਏ ਤਾਂ ਰਾਜਗੁਰੂ ਦਾ ਜਨਮ 24 ਅਗਸਤ 1908 ਨੂੰ ਮਹਾਰਾਸ਼ਟਰ ਦੇ ਪੁਣੇ ਜ਼ਿਲ੍ਹੇ ਦੇ ਖੇੜਾ ਪਿੰਡ ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਦਾ ਨਾਮ ਸ਼੍ਰੀ ਹਰੀ ਨਰਾਇਣ ਅਤੇ ਮਾਤਾ ਦਾ ਨਾਮ ਪਾਰਵਤੀ ਬਾਈ ਸੀ। ਰਾਜਗੁਰੂ ਸਿਰਫ 6 ਸਾਲ ਦੇ ਸਨ ਜਦੋਂ ਉਨ੍ਹਾਂ ਦੇ ਪਿਤਾ ਸ਼੍ਰੀ ਹਰੀ ਨਰਾਇਣ ਜੀ ਦੀ ਮੌਤ ਹੋ ਗਈ। ਉਦੋਂ ਤੋਂ ਉਨ੍ਹਾਂ ਦੇ ਪਾਲਣ-ਪੋਸ਼ਣ ਅਤੇ ਪੜ੍ਹਾਈ ਦੀ ਜ਼ਿੰਮੇਵਾਰੀ ਉਨ੍ਹਾਂ ਦੀ ਮਾਤਾ ਅਤੇ ਵੱਡੇ ਭਰਾ ਨੇ ਨਿਭਾਈ। ਰਾਜਗੁਰੂ ਬਚਪਨ ਵਿੱਚ ਨਿਡਰ ਅਤੇ ਦਲੇਰ ਸਨ। ਉਹ ਹਮੇਸ਼ਾ ਖੁਸ਼ ਰਹਿੰਦਾ ਸੀ।
23 ਮਾਰਚ 1931 ਨੂੰ ਆਜ਼ਾਦੀ ਦਿਵਾਉਣ ਵਾਲਿਆਂ ਨੂੰ ਫਾਂਸੀ ਦਿੱਤੀ ਗਈ
ਸਾਂਡਰਸ ਦੇ ਕਤਲ ਤੋਂ ਬਾਅਦ, ਰਾਜਗੁਰੂ ਮਹਾਰਾਸ਼ਟਰ ਦੇ ਨਾਗਪੁਰ ਵਿੱਚ ਛੁਪ ਗਿਆ ਸੀ। ਉਥੇ ਉਸ ਨੇ ਫਰਾਰ ਮਜ਼ਦੂਰ ਦੇ ਘਰ ਸ਼ਰਨ ਲਈ। ਉੱਥੇ ਹੀ ਉਹ ਡਾ. ਕੇ.ਬੀ. ਹੇਡਗੇਵਾਰ ਨੂੰ ਮਿਲੇ, ਜਿਸ ਨਾਲ ਰਾਜਗੁਰੂ ਨੇ ਅੱਗੇ ਇੱਕ ਵੱਡੀ ਯੋਜਨਾ ਬਣਾਈ। ਪਰ ਅਫਸੋਸ, ਇਸ ਤੋਂ ਪਹਿਲਾਂ ਕਿ ਉਹ ਆਪਣੀ ਯੋਜਨਾ ‘ਤੇ ਅੱਗੇ ਵਧਦਾ, ਪੁਲਿਸ ਨੇ ਉਸਨੂੰ ਪੁਣੇ ਜਾਂਦੇ ਹੋਏ ਫੜ ਲਿਆ। ਇਸ ਤੋਂ ਬਾਅਦ 23 ਮਾਰਚ 1931 ਨੂੰ ਭਗਤ ਸਿੰਘ ਅਤੇ ਸੁਖਦੇਵ ਦੇ ਨਾਲ ਉਨ੍ਹਾਂ ਨੂੰ ਫਾਂਸੀ ਦੇ ਦਿੱਤੀ ਗਈ। ਤਿੰਨਾਂ ਦਾ ਸਸਕਾਰ ਪੰਜਾਬ ਦੇ ਫ਼ਿਰੋਜ਼ਪੁਰ ਜ਼ਿਲ੍ਹੇ ਵਿੱਚ ਸਤਲੁਜ ਦਰਿਆ ਦੇ ਕੰਢੇ ਕੀਤਾ ਗਿਆ। ਤਿੰਨਾਂ ਦਾ ਸਸਕਾਰ ਪੰਜਾਬ ਦੇ ਫਿਰੋਜ਼ਪੁਰ ਜ਼ਿਲ੍ਹੇ ਦੇ ਸਤਲੁਜ ਦਰਿਆ ਦੇ ਕੰਢੇ ਹੁਸੈਨਵਾਲਾ ਵਿਖੇ ਕੀਤਾ ਗਿਆ। ਇਸ ਤਰ੍ਹਾਂ ਅਜ਼ਾਦੀ ਦੇ ਇਸ ਮਤਵਾਲੇ ਨੇ ਆਪਣੇ ਦੋਸਤਾਂ ਦੇ ਨਾਲ ਹੀ ਭਾਰਤ ਮਾਤਾ ਦੇ ਲਈ ਹੱਸਦੇ ਹੱਸਦੇ ਆਪਣੀ ਜਾਨ ਕੁਰਬਾਨ ਕਰ ਦਿੱਤੀ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
