ਗੇਂਦਬਾਜ਼ੀ ਐਕਸ਼ਨ ਜ਼ਹੀਰ ਖਾਨ ਵਰਗਾ
Sushila Meena: ਮੁੰਬਈ। ਇੱਕ 12 ਸਾਲਾਂ ਦੀ ਲਡ਼ਕੀ ਦਾ ਵੀਡੀਓ ਸ਼ੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ ‘ਚ ਇਕ ਸਕੂਲੀ ਵਿਦਿਆਰਥਣ ਤੇਜ਼ ਗੇਂਦਬਾਜ਼ੀ ਕਰਦੀ ਨਜ਼ਰ ਆ ਰਹੀ ਹੈ। ਉਸ ਦਾ ਗੇਂਦਬਾਜ਼ੀ ਐਕਸ਼ਨ ਜ਼ਹੀਰ ਖਾਨ ਵਰਗਾ ਹੈ। ਇਹ ਵੀਡੀਓ ਸੁਸ਼ੀਲਾ ਮੀਨਾ ਦਾ ਹੈ। ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੇ ਇਕ 12 ਸਾਲ ਦੀ ਬੱਚੀ ਦੀ ਤੇਜ਼ ਗੇਂਦਬਾਜ਼ੀ ਦਾ ਵੀਡੀਓ ਸ਼ੋਸਲ ਮੀਡੀਆ ’ਤੇ ਸ਼ੇਅਰ ਕੀਤਾ ਹੈ। ਸਚਿਨ ਨੇ ਇਹ ਵੀਡੀਓ ਸ਼ੁੱਕਰਵਾਰ, 20 ਦਸੰਬਰ ਸ਼ਾਮ 5:40 ਵਜੇ ਸਾਬਕਾ ਤੇਜ਼ ਗੇਂਦਬਾਜ਼ ਜ਼ਹੀਰ ਖਾਨ ਨੂੰ ਟੈਗ ਕਰਦੇ ਹੋਏ ਪੋਸਟ ਕੀਤਾ।
ਇਹ ਵੀ ਪੜ੍ਹੋ: Crime News: ਧੋਖੇ ਨਾਲ ਏਟੀਐੱਮ ਬਦਲ ਕੇ ਲੱਖਾਂ ਰੁਪਏ ਕੱਢਵਾ ਕੇ ਰਫੂ ਚੱਕਰ ਹੋਏ ਠੱਗ
ਤੇਂਦੁਲਕਰ ਨੇ ਜ਼ਹੀਰ ਖਾਨ ਤੋਂ ਪੁੱਛਿਆ, ‘ਸਰਲ, ਆਸਾਨ ਅਤੇ ਦੇਖਣ ‘ਚ ਬਹੁਤ ਪਿਆਰਾ! ਸੁਸ਼ੀਲਾ ਦੀ ਗੇਂਦਬਾਜ਼ੀ ਵਿੱਚ ਤੁਹਾਡੀ ਝਲਕ ਦਿਖ ਰਹੀ ਹੈ ਜ਼ਹੀਰ ਖਾਨ। ਕੀ ਤੁਸੀਂ ਵੀ ਵੀਡੀਓ ਵੇਖੀ ਹੈ?’ ਇਸ ‘ਤੇ ਜ਼ਹੀਰ ਖਾਨ ਨੇ ਸ਼ੁੱਕਰਵਾਰ 20 ਦਸੰਬਰ ਨੂੰ ਸ਼ਾਮ 7:04 ਵਜੇ ਜਵਾਬ ਦਿੱਤਾ, ‘ਤੁਸੀਂ ਬਿਲਕੁਲ ਸਹੀ ਹੋ। ਮੈਂ ਤੁਹਾਡੇ ਨਾਲ ਪੂਰੀ ਤਰ੍ਹਾਂ ਸਹਿਮਤ ਹਾਂ। ਇਸ ਦਾ ਐਕਸ਼ਨ ਤੇ ਬਹੁਤ ਪ੍ਰਭਾਵਸ਼ਾਲੀ ਹੈ। ਉਹ ਪਹਿਲਾਂ ਬਹੁਤ ਉਤਸ਼ਾਹਿਤ ਨਜ਼ਰ ਆ ਰਹੀ ਹੈ।
ਰਾਜਸਥਾਨ ਤੋਂ ਹੈ ਸੁਸ਼ੀਲਾ ਮੀਨਾ
ਸੁਸ਼ੀਲਾ ਰਾਜਸਥਾਨ ਦੇ ਪ੍ਰਤਾਪਗੜ੍ਹ ਜ਼ਿਲ੍ਹੇ ਦੀ ਧਾਰਿਆਵੜ ਤਹਿਸੀਲ ਦੇ ਰਾਮੇਰ ਤਾਲਾਬ ਪਿੰਡ ਦੀ ਵਸਨੀਕ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੁਸ਼ੀਲਾ ਗਰੀਬ ਪਰਿਵਾਰ ਤੋਂ ਹੈ। ਉਸ ਦੇ ਮਾਤਾ-ਪਿਤਾ ਮਜ਼ਦੂਰੀ ਅਤੇ ਖੇਤੀ ਕਰਕੇ ਆਪਣਾ ਗੁਜ਼ਾਰਾ ਕਮਾਉਂਦੇ ਹਨ। ਪਿਤਾ ਦਾ ਨਾਂਅ ਰਤਨ ਲਾਲ ਮੀਨਾ ਹੈ, ਜਦੋਂ ਕਿ ਮਾਂ ਦਾ ਨਾਂਅ ਸ਼ਾਂਤੀ ਬਾਈ ਮੀਨਾ ਹੈ। ਸੁਸ਼ੀਲਾ ਸਕੂਲ ਪੱਧਰ ‘ਤੇ ਕ੍ਰਿਕਟ ਮੁਕਾਬਲਿਆਂ ‘ਚ ਹਿੱਸਾ ਲੈਂਦੀ ਰਹਿੰਦੀ ਹੈ ਪ੍ਰਸ਼ੰਸਕ ਉਨ੍ਹਾਂ ਨੂੰ ਲੇਡੀ ਜ਼ਹੀਰ ਖਾਨ ਕਹਿੰਦੇ ਹਨ। ਸੁਸ਼ੀਲਾ ਦੇ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ‘ਤੇ ਪ੍ਰਸ਼ੰਸਕ ਵੱਖ-ਵੱਖ ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ। ਕੋਈ ਉਨ੍ਹਾਂ ਨੂੰ ਲੇਡੀ ਜ਼ਹੀਰ ਖਾਨ ਆਖਦਾ ਹੈ।
Smooth, effortless, and lovely to watch! Sushila Meena’s bowling action has shades of you, @ImZaheer.
Do you see it too? pic.twitter.com/yzfhntwXux— Sachin Tendulkar (@sachin_rt) December 20, 2024
