RBI Latest News : 500 ਰੁਪਏ ਦੇ ਨੋਟ ’ਚ ਖਰਾਬੀ ਨੂੰ ਲੈ ਕੇ ਇਕ ਵੱਡੀ ਖਬਰ ਸੁਰਖੀਆਂ ’ਚ ਹੈ। 2000 ਦੇ ਨੋਟਾਂ ’ਤੇ ਪਾਬੰਦੀ ਕਾਰਨ ਬਾਜਾਰ ’ਚ 500 ਰੁਪਏ ਦੇ ਨਕਲੀ ਨੋਟ ਚੱਲ ਰਹੇ ਹਨ। ਇਹ ਇੱਕ ਵੱਡੇ ਖਤਰੇ ਵਜੋਂ ਉੱਭਰ ਰਿਹਾ ਹੈ। ਇਸ ਦੌਰਾਨ ਸੋਸ਼ਲ ਮੀਡੀਆ ’ਤੇ 500 ਰੁਪਏ ਦੇ ਨੋਟ ਨੂੰ ਲੈ ਕੇ ਕੁਝ ਫਰਜੀ ਮੈਸੇਜ਼ ਵੀ ਵਾਇਰਲ ਹੋ ਰਹੇ ਹਨ। (RBI Latest News)
ਹਾਲ ਹੀ ’ਚ ਸੋਸਲ ਮੀਡੀਆ ’ਤੇ ਆਰਬੀਆਈ ਗਵਰਨਰ ਦੇ ਦਸਤਖਤ ਵਾਲਾ ਇੱਕ ਸੰਦੇਸ਼ ਵਾਇਰਲ ਹੋ ਰਿਹਾ ਹੈ, ਜਿਸ ਦੀ ਸੱਚਾਈ ਪੀਬੀਆਈ ਫੈਕਟ ਚੈਕਰ ਨੇ ਸਾਹਮਣੇ ਰੱਖੀ ਹੈ। ਜੇਕਰ ਤੁਸੀਂ 500 ਰੁਪਏ ਦੇ ਨੋਟ ਨਾ ਲੈਣ ਬਾਰੇ ਕਿਤੇ ਸੁਣਿਆ ਜਾਂ ਪੜ੍ਹਿਆ ਹੈ, ਤਾਂ ਸਾਵਧਾਨ ਹੋ ਜਾਓ। ਕਿਉਂਕਿ ਪੀਆਈਬੀ ਫੈਕਟ ਚੈਕ ਵਿੱਚ ਇਹ ਗੱਲ ਪੂਰੀ ਤਰ੍ਹਾਂ ਫਰਜੀ ਹੈ। ਅਜਿਹੇ ’ਚ ਤੁਹਾਨੂੰ ਇਸ ਸੰਦੇਸ਼ ’ਤੇ ਧਿਆਨ ਦੇਣ ਤੋਂ ਬਚਣਾ ਚਾਹੀਦਾ ਹੈ।
ਆਓ ਜਾਣਦੇ ਹਾਂ ਪੂਰੀ ਸੱਚਾਈ :-
ਅੱਜ-ਕੱਲ੍ਹ ਸੋਸ਼ਲ ਮੀਡੀਆ ’ਤੇ ਇੱਕ ਸੰਦੇਸ਼ ਜੋ ਤੇਜੀ ਨਾਲ ਵਾਇਰਲ ਹੋ ਰਿਹਾ ਹੈ, ਵਿੱਚ ਕਿਹਾ ਗਿਆ ਹੈ ਕਿ 500 ਰੁਪਏ ਦੇ ਨੋਟ ਨੂੰ ਸਵੀਕਾਰ ਨਾ ਕਰੋ, ਜਿਸ ਵਿੱਚ ਹਰੇ ਰੰਗ ਦੀ ਪੱਟੀ ਆਰਬੀਆਈ ਗਵਰਨਰ ਦੇ ਦਸਤਖਤ ਦੇ ਨੇੜੇ ਨਹੀਂ ਬਲਕਿ ਗਾਂਧੀ ਜੀ ਦੀ ਤਸਵੀਰ ਦੇ ਨੇੜੇ ਹੈ। ਇਹ ਸੰਦੇਸ਼ ਪੂਰੀ ਤਰ੍ਹਾਂ ਗੁੰਮਰਾਹਕੁੰਨ ਹੈ। ਇਸ ਮੈਸੇਜ ਦੇ ਵਾਇਰਲ ਹੋਣ ਕਾਰਨ ਲੋਕਾਂ ਵਿੱਚ ਉਲਝਣ ਦੀ ਸਥਿਤੀ ਪੈਦਾ ਹੋ ਗਈ ਹੈ।
ਪੰਜ ਸੌ ਰੁਪਏ ’ਤੇ ਵੱਡਾ ਅਪਡੇਟ
ਦੂਜੇ ਪਾਸੇ 2000 ਰੁਪਏ ਦੇ ਨੋਟ ਤੋਂ ਬਾਅਦ ਦੇਸ਼ ਦਾ ਸਭ ਤੋਂ ਵੱਡਾ ਨੋਟ 500 ਰੁਪਏ ਦਾ ਰਹਿ ਗਿਆ ਹੈ। ਇਸ ਲਈ ਲੋਕਾਂ ਨੂੰ 500 ਰੁਪਏ ਦੇ ਅਸਲੀ ਅਤੇ ਨਕਲੀ ਨੋਟ ਦੀ ਪਛਾਣ ਕਰਨੀ ਚਾਹੀਦੀ ਹੈ। ਭਾਰਤੀ ਰਿਜਰਵ ਬੈਂਕ ਮੁਤਾਬਕ 500 ਰੁਪਏ ਦੇ ਨੋਟ ਦੇ ਅਗਲੇ ਪਾਸੇ ਮਹਾਤਮਾ ਗਾਂਧੀ ਦੀ ਤਸਵੀਰ ਹੈ। 500 ਮੁੱਲ ਦੇ ਨੋਟਾਂ ’ਤੇ ਭਾਰਤੀ ਰਿਜਰਵ ਬੈਂਕ ਦੇ ਗਵਰਨਰ ਦੇ ਦਸਤਖਤ ਵੀ ਹੁੰਦੇ ਹਨ।
500 ਰੁਪਏ ਦੇ ਅਸਲੀ ਨੋਟ ਦੀ ਇਹ ਹੈ ਖਾਸੀਅਤ | 500 Rupee Note
- ਅਸਲ 500 ਰੁਪਏ ਦੇ ਨੋਟ ਦਾ ਅਧਿਕਾਰਤ ਆਕਾਰ 66 ਮਿਮੀ ਬਾਏ 150 ਮਿਮੀ ਹੈ।
- ਵਿਚਕਾਰ ਮਹਾਤਮਾ ਗਾਂਧੀ ਦੀ ਤਸਵੀਰ ਹੋਵੇਗੀ।
- ਦੇਵਨਾਗਰੀ ਵਿੱਚ ਪੰਜ ਦਾ ਮੁੱਲ ਲਿਖਿਆ ਹੋਵੇਗਾ।
- ‘ਭਾਰਤ’ ਅਤੇ ‘ਇੰਡੀਆ’ ਸੂਖਮ ਅੱਖਰਾਂ ਵਿੱਚ ਲਿਖੇ ਹੋਣਗੇ।
- ਮੁੱਲਵਰਗ ਅੰਕ 500 ਲਿਖਿਆ ਹੋਵੇਗਾ।
ਆਰਬੀਆਈ ਦੀ ਅਪੀਲ : ਫਰਜੀ ਵੀਡੀਓ ਤੋਂ ਸਾਵਧਾਨ ਰਹੋ | 500 Rupee Note
ਕਾਫੀ ਸਮੇਂ ਤੋਂ ਦੇਖਿਆ ਜਾ ਰਿਹਾ ਹੈ ਕਿ ਕਈ ਲੋਕ ਅਜਿਹੀਆਂ ਵੀਡੀਓ ਬਣਾ ਕੇ ਲੋਕਾਂ ਨੂੰ ਗੁੰਮਰਾਹ ਕਰਦੇ ਹਨ। ਆਰਬੀਆਈ ਨੇ ਕਿਹਾ ਹੈ ਕਿ ਤੁਸੀਂ ਵੀ ਇਨ੍ਹਾਂ ਵੀਡੀਓਜ ਦੀ ਸੱਚਾਈ ਦਾ ਪਤਾ ਲਗਾ ਸਕਦੇ ਹੋ। ਜੇਕਰ ਅਜਿਹਾ ਕੋਈ ਵੀਡੀਓ ਤੁਹਾਡੇ ਕੋਲ ਜਾਂ ਕਿਸੇ ਹੋਰ ਸੋਸਲ ਮੀਡੀਆ ਪਲੇਟਫਾਰਮ ਰਾਹੀਂ ਆਉਂਦਾ ਹੈ, ਤਾਂ ਉਸ ਨੂੰ ਸ਼ੇਅਰ ਨਾ ਕਰੋ। ਇਸ ਦੀ ਸੱਚਾਈ ਆਪ ਹੀ ਪਤਾ ਕਰੋ। ਇਸ ਦੇ ਲਈ, ਪੀਆਈਬੀ ਦੇ ਅਧਿਕਾਰਤ ਲਿੰਕ https://factcheck.pib.gov.in/ ’ਤੇ ਜਓ ਜਾਂ ਵੀਡੀਓ ਨੂੰ ਵਟਸਐਪ ਨੰਬਰ 8799711259 ਜਾਂ ਈਮੇਲ ਆਈਡੀ pibfactcheck@gmail.com ’ਤੇ ਭੇਜੋ ਤਾਂ ਕਿ ਇਸ ਦੀ ਸੱਚਾਈ ਬਾਰੇ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕੇ। ਪੂਰੀ ਜਾਂਚ ਤੋਂ ਬਾਅਦ ਪੀਆਈਬੀ ਤੁਹਾਨੂੰ ਵੀਡੀਓ ਬਾਰੇ ਜਾਣਕਾਰੀ ਪ੍ਰਦਾਨ ਕਰੇਗਾ।
