ਨਵੀਂ ਦਿੱਲੀ (ਏਜੰਸੀ)। ਭਾਰਤ ਦੇ ਰਾਮਕੁਮਾਰ ਰਾਮਨਾਥਨ ਨੇ ਜਬਰਦਸਤ ਪ੍ਰਦਰਸ਼ਨ ਦੀ ਬਦੌਲਤ ਗਲਾਸਗੋ ‘ਚ ਚੱਲ ਰਹੇ 46,600 ਯੂਰੋ ਦੀ ਇਨਾਮੀ ਰਾਸ਼ੀ ਵਾਲੇ ਮਰੇ ਟਰਾਫੀ ਚੈਲੇਂਜੇਰ ਟੈਨਿਸ ਟੂਰਨਾਮੈਂਟ ‘ਚ ਪੁਰਸ਼ ਸਿੰਗਲ ਦੇ ਕੁਆਰਟਰਫਾਈਨਲ ਅਤੇ ਪੁਰਸ਼ ਡਬਲਜ਼ ਦੇ ਸੈਮੀਫਾਈਨਲ ‘ਚ ਜਗ੍ਹਾ ਬਣਾ ਲਈ ਹੈ ਪੰਜਵਾਂ ਦਰਜਾ ਰਾਮਨਾਥਨ ਨੇ 61 ਮਿੰਟ ਤੱਕ ਚੱਲੇ ਮੁਕਾਬਲੇ ‘ਚ ਹਾਲੈਂਡ ਦੇ ਬੋਟਿਚ ਵਾਨ ਡੀ ਜਾਂਡਸ਼ਲਪ ਨੂੰ ਲਗਾਤਾਰ ਸੈੱਟਾਂ ‘ਚ 6-4, 6-1 ਨਾਲ ਹਰਾ ਕੇ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਬਣਾ ਲਈ, ਜਿੱਥੇ ਉਨ੍ਹਾਂ ਦਾ ਮੁਕਾਬਲਾ 247ਵੀਂ ਰੈਂਕਿੰਗ ਦੇ ਜਰਮਨ ਖਿਡਾਰੀ ਡੇਨੀਅਲ ਮਸੂਰ ਨਾਲ ਹੋਵੇਗਾ ਰਾਮਨਾਥਨ ਨੇ ਮੈਚ ‘ਚ ਸੱਤ ਐਸ ਲਾਏ ਅਤੇ ਇੱਕ ਡਬਲ ਫਾਲਟ ਕੀਤਾ। (Ramanathan Single)
ਉਨ੍ਹਾਂ ਨੇ ਪੰਜ ਬ੍ਰੇਕ ਅੰਕਾਂ ‘ਚੋਂ ਚਾਰ ਜਿੱਤੇ 179ਵੀਂ ਰੈਂਕਿੰਗ ਦੇ ਭਾਰਤੀ ਸ਼ਟਲਰ ਨੇ ਕੁੱਲ 56 ਅੰਕ ਜਿੱਤੇ ਹਾਲੈਂਡ ਦੇ ਵਾਨ ਡੇ ਚਾਰ ਐਸ ਅਤੇ ਤਿੰਨ ਡਬਲ ਫਾਲਟ ਲਾਏ ਉਨ੍ਹਾਂ ਨੇ ਪੰਜ ਬ੍ਰੇਕ ਅੰਕਾਂ ਚੋਂ ਇੱਕ ਬਚਾਇਆ ਇਸ ਤੋਂ ਪਹਿਲਾਂ ਪੁਰਸ਼ ਡਬਲਜ਼ ਵਰਗ ‘ਚ ਰਾਮਨਾਥਨ ਨੇ ਚੈਕ ਗਣਰਾਜ ਦੇ ਆਪਣੇ ਜੋੜੀਦਾਰ ਮਾਰੇਕ ਗੇਨਜੇਲ ਨਾਲ ਕੁਆਰਟਰ ਫਾਈਨਲ ‘ਚ ਚੌਥਾ ਦਰਜਾ ਪੋਲੈਂਡ ਦੇ ਕਾਰੋਲ ਜੋਵਿਏਸਕੀ ਅਤੇ ਜਾਏਮਨ ਵਾਕਵੋ ਦੀ ਚੌਥਾ ਦਰਜਾ ਜੋੜੀ ਨੂੰ ਉਲਟਫੇਰ ਦਾ ਸ਼ਿਕਾਰ ਬਣਾਉਂਦਿਆਂ 6-4, 3-6, 1-03 ਨਾਲ ਇੱਕ ਘੰਟੇ 13 ਮਿੰਟਾਂ ‘ਚ ਜਿੱਤ ਦਰਜ ਕਰਕੇ ਸੈਮੀਫਾਈਨਲ ‘ਚ ਜਗ੍ਹਾ ਬਣਾ ਲਈਰਾਮਨਾਥਨ-ਗੇਨਜੇਲ ਨੇ ਮੈਚ ‘ਚ ਅੱਠ ਐਸ ਅਤੇ ਪੰਜ ਡਬਲ ਫਾਲਟ ਲਾਏ ਉਨ੍ਹਾਂ ਨੇ ਚਾਰ ‘ਚੋਂ ਤਿੰਨ ਬ੍ਰੇਕ ਅੰਕ ਬਚਾਏ ਅਤੇ ਇੱਕ ਦਾ ਫਾਇਦਾ ਚੁੱਕਿਆ ਭਾਰਤੀ-ਚੈਕ ਜੋੜੀ ਨੇ ਕੁੱਲ 53 ਅੰਕ ਜਿੱਤੇ ਉੱਥੇ ਵਿਰੋਧੀ ਜੋੜੀ ਨੇ ਪੰਜ ਐਸ ਲਾਏ ਅਤੇ ਇੱਕ ਡਬਲ ਫਾਲਟ ਕੀਤਾ ਪੋਲਿਸ਼ ਜੋੜੀ ਨੇ ਚਾਰ ‘ਚੋਂ ਇੱਕ ਬ੍ਰੇਕ ਅੰਕ ਅਤੇ ਕੁੱਲ 53 ਅੰਕ ਜਿੱਤੇ।
