ਸੋਲ, ਏਜੰਸੀ
ਉੱਤਰ ਅਤੇ ਦੱਖਣ ਕੋਰੀਆ ਨੇ ਪਾਨਮੁੰਜੋਮ ਤੋਂ ਹਥਿਆਰਾਂ ਅਤੇ ਸੁਰੱਖਿਆ ਚੌਕੀਆਂ ਨੂੰ ਹਟਾਉਣ ਲਈ ਸਹਿਮਤੀ ਜਤਾਈ ਹੈ ਤੇ ਇਹ ਦੋਵਾਂ ਦੇਸ਼ਾਂ ਦੇ ਰਿਸ਼ਤੀਆਂ ‘ਚ ਸੁਧਾਰ ਦੀ ਦਿਸ਼ਾ ‘ਚ ਇੱਕ ਨਵਾਂ ਕਦਮ ਮੰਨਿਆ ਜਾ ਰਿਹਾ ਹੈ। ਪਾਨਮੁੰਜੋਮ ਸੰਯੁਕਤ ਸੁਰੱਖਿਆ ਖੇਤਰ (ਜੇਐਸਏ) ਦੇ ਰੂਪ ‘ਚ ਵੀ ਜਾਣਿਆ ਜਾਂਦਾ ਹੈ ਤੇ ਇਹ ਇੱਕ ਅਜਿਹਾ ਖੇਤਰ ਹੈ ਜਿੱਥੇ ਦੋਵਾਂ ਕੋਰੀਆਈ ਦੇਸ਼ਾਂ ਦੀਆਂ ਫੌਜਾਂ ਆਮਣੇ-ਸਾਹਮਣੇ ਹਨ।
ਸੁਰੱਖਿਆ ਚੌਕੀਆਂ ਨੂੰ ਹਟਾਉਣ ਦੀ ਪਹਿਲ ਦੋਵਾਂ ਦੇਸ਼ਾਂ ਦੇ ‘ਚ ਤਨਾਅ ਕਰਨ ਦੇ ਉਦੇਸ਼ ਨਾਲ ਕੀਤੀ ਗਈ ਹੈ। ਇੱਕ ਨਿਊਜ ਏਜੰਸੀ ਅਨੁਸਾਰ, ਇਸ ਮਹੀਨੇ ਦੀ ਸ਼ੁਰੁਆਤ ‘ਚ ਦੋਵਾਂ ਦੇਸ਼ਾਂ ਦੀਆਂ ਫੌਜਾਂ ਨੇ ਲਗਭਗ 800,000 ਬਰੂਦੀ ਟਿਕਾਣਿਆਂ ਨੂੰ ਸਰਹੱਦੀ ਖੇਤਰ ਤੋਂ ਹਟਾਇਆ। ਦੋਵਾਂ ਕੋਰੀਆਈ ਦੇਸ਼ਾਂ ਤੇ ਅਮਰੀਕਾ ਨੀਤ ਸੰਯੁਕਤ ਰਾਸ਼ਟਰ ਕਮਾਂਡ (ਯੂਐਨਸੀ) 25 ਅਕਤੂਬਰ ਤੱਕ ਸੰਯੁਕਤ ਸੁਰੱਖਿਆ ਖੇਤਰ ਨਾਲ ਹਥਿਆਰ ਅਤੇ ਫੌਜੀ ਚੌਕੀਆਂ ਨੂੰ ਹਟਾਉਣ ‘ਤੇ ਸਹਿਮਤ ਹੋਏ ਜਿਸਦੇ ਦੋ ਦਿਨ ਬਾਅਦ ਤਿੰਨੇ ਧਿਰ ਇਸਦੀ ਸੰਯੁਕਤ ਰੂਪ ਨਾਲ ਜਾਂਚ ਪੜਤਾਲ ਕਰਨਗੇ।
Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
