ਮਹਾਂਰਾਸ਼ਟਰ ਦੇ ਰਾਏਗੜ੍ਹ ‘ਚ ਮਿਲੀ ਸ਼ੱਕੀ ਕਿਸ਼ਤੀ ਮਿਲੀ, ਏਕੇ 47 ਸਮੇਤ ਕਈ ਹਥਿਆਰ ਬਰਾਮਦ
(ਏਜੰਸੀ) ਮੁੰਬਈ। ਮਹਾਂਰਾਸ਼ਟਰ ਦੇ ਹਰੀਹਰੇਸ਼ਵਰ ਤੱਟ (ਰਾਇਗੜ੍ਹ ਜ਼ਿਲ੍ਹਾ) ‘ਤੇ ਸਮੁੰਦਰ ‘ਚ ਇਕ ਸ਼ੱਕੀ ਕਿਸ਼ਤੀ ਮਿਲਣ ‘ਤੇ ਹਲਚਲ ਮਚ ਗਈ। ਕਿਸ਼ਤੀ ‘ਚ ਏ.ਕੇ. 47, ਰਾਈਫਲਾਂ ਅਤੇ ਕੁਝ ਕਾਰਤੂਸ ਮਿਲੇ ਹਨ। ਇਸ ਤੋਂ ਬਾਅਦ ਪੂਰੇ ਰਾਏਗੜ੍ਹ ਜ਼ਿਲ੍ਹੇ ਵਿੱਚ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ। ਪੁਲਿਸ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਹਥਿਆਰਾਂ ਨੂੰ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਦੂਜੇ ਪਾਸੇ ਮੁੰਬਈ ਏਟੀਐਸ ਦੀ ਟੀਮ ਵੀ ਜਾਂਚ ਲਈ ਰਾਏਗੜ੍ਹ ਰਵਾਨਾ ਹੋ ਗਈ ਹੈ।
26/11 ਵਰਗੀ ਘਟਨਾ ਦੀ ਸੀ ਸਾਜਿਸ਼
ਜਿਕਰਯੋਗ ਹੈ ਕਿ 13 ਸਾਲ ਪਹਿਲਾਂ ਵੀ ਅੱਤਵਾਦੀ ਸਮੁੰਦਰੀ ਰਸਤੇ ਆਏ ਸਨ। ਮੁੰਬਈ ‘ਚ 26 ਨਵੰਬਰ 2008 ਨੂੰ ਅੱਤਵਾਦੀ ਹਮਲਾ ਹੋਇਆ ਸੀ। ਉਸ ਸਮੇਂ ਲਸ਼ਕਰ ਦੇ 10 ਅੱਤਵਾਦੀ ਪਾਕਿਸਤਾਨ ਤੋਂ ਸਮੁੰਦਰ ਦੇ ਰਸਤੇ ਭਾਰਤ ਆਏ ਸਨ। ਕਿਸ਼ਤੀ ਨੂੰ ਬੀਚ ‘ਤੇ ਛੱਡਣ ਤੋਂ ਬਾਅਦ ਵੱਖ-ਵੱਖ ਥਾਵਾਂ ‘ਤੇ ਗੋਲੀਬਾਰੀ ਸ਼ੁਰੂ ਹੋ ਗਈ। ਇਸ ਘਟਨਾ ਵਿੱਚ 160 ਲੋਕਾਂ ਦੀ ਮੌਤ ਹੋ ਗਈ ਸੀ।
ਬੰਗਾਲ ‘ਚ ਅਲਕਾਇਦਾ ਦੇ ਦੋ ਸ਼ੱਕੀ ਅੱਤਵਾਦੀ ਗ੍ਰਿਫਤਾਰ
ਪੱਛਮੀ ਬੰਗਾਲ ਦੇ ਉੱਤਰੀ 24 ਪਰਗਨਾ ਜ਼ਿਲੇ ‘ਚ ਵੀਰਵਾਰ ਨੂੰ ਅਲਕਾਇਦਾ ਦੇ ਦੋ ਸ਼ੱਕੀ ਅੱਤਵਾਦੀਆਂ ਨੂੰ ਇਕ ਟਿਕਾਣੇ ਤੋਂ ਗ੍ਰਿਫਤਾਰ ਕੀਤਾ ਗਿਆ। ਇਨ੍ਹਾਂ ਵਿੱਚੋਂ ਇੱਕ ਪੱਛਮੀ ਬੰਗਾਲ ਆਪਰੇਸ਼ਨ ਦਾ ਇੰਚਾਰਜ ਹੈ। ਪੁਲਿਸ ਨੇ ਗ੍ਰਿਫਤਾਰ ਕੀਤੇ ਗਏ ਅਲ-ਕਾਇਦਾ ਮੈਂਬਰਾਂ ਦੀ ਪਛਾਣ ਅਬਦੁਰ ਰਫੀਕ ਉਰਫ ਹਬੀਬੁਰ ਕਾਜ਼ੀ ਅਤੇ ਕਾਜ਼ੀ ਅਹਿਸਾਨ ਮੁੱਲਾ ਉਰਫ ਹਸਨ ਵਜੋਂ ਕੀਤੀ ਹੈ। ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਅਬਦੁਲ ਰਫੀਕ ਭਾਰਤੀ ਉਪ ਮਹਾਂਦੀਪ ਵਿੱਚ ਪੱਛਮੀ ਬੰਗਾਲ ਆਪਰੇਸ਼ਨ ਦਾ ਕਮਾਂਡੈਂਟ ਹੈ। ਉਹ ਬੰਗਲਾਦੇਸ਼ ਦੇ ਨਾਲ ਲੱਗਦੇ ਉੱਤਰ ਪੱਛਮੀ ਬੰਗਾਲ ਵਿੱਚ ਦਿਨਾਜਪੁਰ ਵਿੱਚ ਸਥਿਤ ਹੈ। ਪੱਛਮੀ ਬੰਗਾਲ ਪੁਲਿਸ ਦੀ ਸਪੈਸ਼ਲ ਟਾਸਕ ਫੋਰਸ ਨੇ ਖੁਫੀਆ ਜਾਣਕਾਰੀ ਦੇ ਬਾਅਦ ਬੁੱਧਵਾਰ ਨੂੰ ਉੱਤਰੀ 24 ਪਰਗਨਾ ਦੇ ਖਰੀਬਾਰੀ ਵਿੱਚ ਅੱਤਵਾਦੀਆਂ ਨੂੰ ਫੜਨ ਲਈ ਇੱਕ ਜਾਲ ਵਿਛਾਇਆ। ਉਨ੍ਹਾਂ ਨੂੰ ਉਮੀਦ ਸੀ ਕਿ ਅਲਕਾਇਦਾ ਦੇ ਇੱਕ ਹੋਰ ਮੈਂਬਰ ਅਬਦੁਰ ਰਫੀਕ ਮੁੱਲਾ ਨੂੰ ਪਹਿਲਾਂ ਤੋਂ ਨਿਰਧਾਰਤ ਸਥਾਨ ‘ਤੇ ਮਿਲਣਗੇ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
 'ਤੇ ਸਮੁੰਦਰ 'ਚ ਇਕ ਸ਼ੱਕੀ ਕਿਸ਼ਤੀ ਮਿਲਣ 'ਤੇ ਹਲਚਲ ਮਚ ਗਈ। ਕਿਸ਼ਤੀ 'ਚ ਏ.ਕੇ. 47,){kind=link}