ਕੁਆਲੀਫਾਇਰ ‘ਚ ਸਾਰੇ ਮੈਚ ਹਾਰੇ (ODI World Cup 2023)
ਆਇਰਲੈਡਂ । ਵਨਡੇ ਵਿਸ਼ਵ ਕੱਪ ਲਈ ਆਇਰਲੈਡਂ ਕੁਆਲੀਫਾਇਰ ਨਹੀਂ ਕਰ ਸਕਿਆ ਇਸ ਦੇ ਨਾਲ ਆਇਰਲੈਂਡ ਵਿਸ਼ਵ ਕੱਪ ਤੋਂ ਬਾਹਰ ਹੋ ਗਿਆ ਹੈ। ਕੁਆਲੀਫਾਇਰ ‘ਚ ਸੁਪਰ-6 ਪੜਾਅ ਲਈ ਸਾਰੀਆਂ ਟੀਮਾਂ ਦਾ ਪੱਕਾ ਹੋ ਗਿਆ। ਗਰੁੱਪ ਬੀ ‘ਚ ਸ਼੍ਰੀਲੰਕਾ ਨੇ ਐਤਵਾਰ ਨੂੰ ਆਇਰਲੈਂਡ ਨੂੰ 133 ਦੌੜਾਂ ਨਾਲ ਹਰਾਇਆ। ਇਸ ਹਾਰ ਨਾਲ ਆਇਰਲੈਂਡ ਗਰੁੱਪ-ਬੀ ਤੋਂ ਬਾਹਰ ਹੋ ਕੇ ਸੁਪਰ-6 ਲਈ ਕੁਆਲੀਫਾਈ ਨਹੀਂ ਕਰ ਸਕਿਆ ਅਤੇ ਸ੍ਰੀਲੰਕਾ ਨੇ 6 ਅੰਕਾਂ ਨਾਲ ਕੁਆਲੀਫਾਈ ਕਰ ਲਿਆ। (ODI World Cup 2023)
ਐਤਵਾਰ ਨੂੰ ਇੱਕ ਹੋਰ ਮੈਚ ਵਿੱਚ ਸਕਾਟਲੈਂਡ ਨੇ ਓਮਾਨ ਨੂੰ 76 ਦੌੜਾਂ ਨਾਲ ਹਰਾਇਆ। ਇਸ ਨਾਲ ਸਕਾਟਲੈਂਡ ਵੀ ਗਰੁੱਪ-ਬੀ ਤੋਂ ਸੁਪਰ-6 ‘ਚ ਪਹੁੰਚ ਗਿਆ ਹੈ। ਦੂਜੇ ਪਾਸੇ ਓਮਾਨ ਨੇ ਹਾਰ ਦੇ ਬਾਵਜੂਦ ਕੁਆਲੀਫਾਈ ਕਰ ਲਿਆ ਕਿਉਂਕਿ ਟੀਮ ਨੇ ਗਰੁੱਪ ਗੇੜ ‘ਚ 2 ਮੈਚ ਜਿੱਤੇ, ਜਦੋਂਕਿ ਆਇਰਲੈਂਡ ਅਤੇ ਯੂਏਈ ਆਪਣੇ ਸਾਰੇ ਮੈਚ ਹਾਰ ਗਏ, ਇਸ ਤਰ੍ਹਾਂ ਉਹ ਸੁਪਰ-6 ‘ਚ ਜਗ੍ਹਾ ਬਣਾਉਣ ਤੋਂ ਖੁੰਝ ਗਈ।
ਸ੍ਰੀਲੰਕਾ ਨੇ ਆਇਰਲੈਂਡ ਨੂੰ ਦਿੱਤਾ ਸੀ 326 ਦੌੜਾਂ ਦਾ ਟੀਚਾ
ਆਇਰਲੈਂਡ ਨੇ ਐਤਵਾਰ ਨੂੰ ਬੁਲਾਵਾਯੋ ਦੇ ਕਵੀਨਜ਼ ਸਪੋਰਟਸ ਕਲੱਬ ‘ਚ ਸ਼੍ਰੀਲੰਕਾ ਖਿਲਾਫ ਟਾਸ ਜਿੱਤ ਕੇ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ। ਸ਼੍ਰੀਲੰਕਾ ਦੇ ਸਲਾਮੀ ਬੱਲੇਬਾਜ਼ ਪਥੁਮ ਨਿਸਾਂਕਾ ਅਤੇ ਦਿਮੁਥ ਕਰੁਣਾਰਤਨੇ ਨੇ 48 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਨਿਸਾਂਕਾ 20 ਦੌੜਾਂ ਬਣਾ ਕੇ ਆਊਟ ਹੋ ਗਏ, ਉਨ੍ਹਾਂ ਦੇ ਨਾਲ ਅਗਲੀ ਹੀ ਗੇਂਦ ‘ਤੇ ਕੁਸਲ ਮੈਂਡਿਸ ਵੀ ਆਊਟ ਹੋ ਗਏ।
ਸ਼ੁਰੂਆਤੀ ਝਟਕਿਆਂ ਤੋਂ ਬਾਅਦ, ਸਲਾਮੀ ਬੱਲੇਬਾਜ਼ ਕਰੁਣਾਰਤਨੇ ਨੇ ਨੰਬਰ 4 ‘ਤੇ ਸਦਾਰਾ ਸਮਰਾਵਿਕਰਮਾ ਦੇ ਨਾਲ ਸ਼੍ਰੀਲੰਕਾ ਦੀ ਪਾਰੀ ਦੀ ਅਗਵਾਈ ਕੀਤੀ। ਦੋਵਾਂ ਨੇ 168 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਅਤੇ ਟੀਮ ਦੇ ਸਕੋਰ ਨੂੰ 200 ਦੌੜਾਂ ਤੋਂ ਪਾਰ ਪਹੁੰਚਾਇਆ। ਸਮਰਾਵਿਕਰਮਾ 82 ਦੌੜਾਂ ਬਣਾ ਕੇ ਆਊਟ ਹੋ ਗਏ ਜਦਕਿ ਕਰੁਣਾਰਤਨੇ ਨੇ 103 ਦੌੜਾਂ ਬਣਾਈਆਂ। ਦੋਵਾਂ ਤੋਂ ਬਾਅਦ ਚਰਿਥ ਅਸਲੰਕਾ ਨੇ 38 ਅਤੇ ਧਨੰਜੇ ਡੀ ਸਿਲਵਾ ਨੇ 42 ਦੌੜਾਂ ਬਣਾ ਕੇ ਟੀਮ ਨੂੰ 300 ਦੌੜਾਂ ਦੇ ਪਾਰ ਪਹੁੰਚਾਇਆ।
ਸ਼੍ਰੀਲੰਕਾ ਨੇ ਵੀ ਇਕ ਸਿਰੇ ‘ਤੇ ਲਗਾਤਾਰ ਵਿਕਟਾਂ ਗੁਆ ਦਿੱਤੀਆਂ ਅਤੇ ਟੀਮ 49.5 ਓਵਰਾਂ ‘ਚ 325 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਆਇਰਲੈਂਡ ਵੱਲੋਂ ਮਾਰਕ ਐਡੇਅਰ ਨੇ 4 ਅਤੇ ਬੈਰੀ ਮੈਕਕਾਰਥੀ ਨੇ 3 ਵਿਕਟਾਂ ਲਈਆਂ। ਗੈਰੇਥ ਡੇਲਾਨੇ ਨੇ 2 ਵਿਕਟਾਂ ਹਾਸਲ ਕੀਤੀਆਂ, ਜਦਕਿ ਇਕ ਬੱਲੇਬਾਜ਼ ਰਨ ਆਊਟ ਹੋਇਆ।
ਆਇਰਲੈਂਡ ਦੀ ਸ਼ੁਰੂਆਤ ਰਹੀ ਖਰਾਬ
ਪਹਾੜ ਜਿੱਡੇ 326 ਦੌੜਾਂ ਦੇ ਵੱਡੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਆਇਰਲੈਂਡ ਦੀ ਸ਼ੁਰੂਆਤ ਖ਼ਰਾਬ ਰਹੀ। ਟੀਮ ਨੇ 21 ਦੌੜਾਂ ‘ਤੇ ਸਲਾਮੀ ਬੱਲੇਬਾਜ਼ ਪਾਲ ਸਟਰਲਿੰਗ ਦਾ ਵਿਕਟ ਗੁਆ ਦਿੱਤਾ। ਐਂਡੀ ਮੈਕਬ੍ਰਾਈਨ ਵੀ 39 ਦੌੜਾਂ ਦੇ ਸਕੋਰ ‘ਤੇ ਆਊਟ ਹੋ ਗਏ। 58 ਦੌੜਾਂ ਦੇ ਸਕੋਰ ਤੱਕ ਟੀਮ ਨੇ ਕਪਤਾਨ ਐਂਡੀ ਬਲਬਰਨੀ ਅਤੇ ਲੋਰਕਨ ਟਕਰ ਦੀਆਂ ਵਿਕਟਾਂ ਵੀ ਗੁਆ ਦਿੱਤੀਆਂ। ਆਇਰਲੈਂਡ ਦੀ ਪੂਰੀ ਟੀਮ 192 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਹਸਰੰਗਾ ਤੋਂ ਇਲਾਵਾ ਮਹਿਸ਼ ਤੀਕਸ਼ਾਨਾ ਨੇ 2 ਵਿਕਟਾਂ ਹਾਸਲ ਕੀਤੀਆਂ। ਜਦੋਂ ਕਿ ਕਾਸੁਨ ਰਜਿਥਾ, ਲਾਹਿਰੂ ਕੁਮਾਰਾ ਅਤੇ ਦਾਸੁਨ ਸ਼ਨਾਕਾ ਨੇ 1-1 ਵਿਕਟ ਹਾਸਲ ਕੀਤੀ।
