ਡੇਰਾ ਸ਼ਰਧਾਲੂਆਂ ਦੀ ਮੱਦਦ ਨਾਲ ਬਚਾਓ ਕਾਰਜ ਜਾਰੀ
Road Accident: ਗੁਰੂਹਰਸਹਾਏ (ਵਿਜੈ ਹਾਂਡਾ)। ਸਵੇਰੇ ਸਵੇਰੇ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਮੋਹਨ ਕੇ ਹਿਠਾੜ ਤੋਂ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਅਨੁਸਾਰ ਹਲਕਾ ਗੁਰੂਹਰਸਹਾਏ ਨਾਲ-ਨਾਲ ਸਬੰਧਿਤ ਫਿਰੋਜਪੁਰ ਫਾਜਿਲਕਾ ਜੀਟੀ ਰੋਡ ‘ਤੇ ਸਥਿਤ ਪਿੰਡ ਮੋਹਨ ਕੇ ਹਿਠਾੜ ਵਿਖੇ ਵਾਪਰੇ ਦਰਦਨਾਕ ਸੜਕ ਹਾਦਸੇ ਵਿੱਚ 8 ਤੋਂ 10 ਵਿਅਕਤੀਆਂ ਦੇ ਮਾਰੇ ਜਾਣ ਦੀ ਦੁਖਦਾਈ ਘਟਨਾ ਹੈ।
ਇਹ ਖਬਰ ਵੀ ਪੜ੍ਹੋ : Delhi Polls: ਕਿਉਂ ਪਹੁੰਚੀ CM ਮਾਨ ਦੇ ਘਰ ਚੋਣ ਕਮਿਸ਼ਨ ਦੀ ਟੀਮ, ਜਾਣੋ ਕਾਰਨ
ਪਿੰਡ ਵਾਸੀਆਂ ਅਨੁਸਾਰ ਜਲਾਲਾਬਾਦ ਸਾਈਡ ਤੋਂ ਆ ਰਹੇ ਫਰੂਟ ਨਾਲ ਲੱਦੇ ਕੈਟਰ ਦੀ ਪਿੱਕਅਪ ਨਾਲ ਸਿੱਧੀ ਟੱਕਰ ਹੋ ਗਈ। ਜਿਸ ਵਿੱਚ 25 ਦੇ ਲਗਭਗ ਸਵਾਰ ਸਨ ਤੇ ਇਹ ਲੋਕ ਵਿਆਹ-ਸ਼ਾਦੀ ’ਤੇ ਮਿਹਨਤ ਮਜ਼ਦੂਰੀ ਦੇ ਤੌਰ ’ਤੇ ਵੇਟਰ ਦਾ ਕੰਮ ਕਰਨ ਜਾ ਰਹੇ ਸਨ ਤੇ ਇਹ ਸਾਰੇ ਗੁਰੂਹਰਸਹਾਏ ਸ਼ਹਿਰ ਤੇ ਨਾਲ ਲੱਗਦੇ ਪਿੰਡ ਦੇ ਸਨ। ਘਰ ਤੋਂ ਨਿਕਲਣ ਤੋਂ ਮਹਿਜ਼ 7 ਕਿਲੋਮੀਟਰ ਦੂਰੀ ਤੇ ਇਹਨਾਂ ਨਾਲ ਭਿਆਨਕ ਹਾਦਸਾ ਵਾਪਰ ਗਿਆ। ਇਹਨਾਂ ਜ਼ਖਮੀਆਂ ਨੂੰ ਡੇਰਾ ਸ਼ਰਧਾਲੂਆਂ ਤੇ ਪਿੰਡ ਵਾਸੀਆਂ ਵਲੋਂ ਐਂਬੂਲੈਂਸਾਂ ਰਾਹੀਂ ਜਲਾਲਾਬਾਦ ਦੇ ਹਸਪਤਾਲ ਲਈ ਲਿਆਂਦਾ ਗਿਆ ਤੇ ਉਸ ਤੋਂ ਬਾਅਦ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਫਰੀਦਕੋਟ ਰੈਫਰ ਕਰ ਦਿੱਤਾ ਗਿਆ।
