Government Schemes
ਚੰਡੀਗੜ੍ਹ। ਸਰਕਾਰਾਂ ਦੁਆਰਾ ਜਨਤਾ ਨੂੰ ਕਈ ਤਰ੍ਹਾਂ ਦੀਆਂ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ। ਜਿਸ ਵਿੱਚ ਆਰਿਥਕ ਸਹਾਇਤਾ ਤੋਂ ਲੈ ਕੇ ਮੁਫ਼ਤ ਰਾਸ਼ਨ ਦੀ ਸਹੂਲਤ ਉਪਲੱਬਧ ਹਨ। ਜੋ ਲੋਕ ਆਰਥਿਕ ਰੂਪ ’ਚ ਕਮਜ਼ੋਰ ਹਨ ਉਨ੍ਹਾਂ ਲੋਕਾਂ ਨੂੰ ਇਨ੍ਹਾਂ ਯੋਜਨਾਵਾਂ ਦੇ ਜ਼ਰੀਏ ਕਾਫ਼ੀ ਫ਼ਾਇਦਾ ਪਹੰੁਚਾਇਆ ਜਾ ਰਿਹਾ ਹੈ। ਸਰਕਾਰ ਉਨ੍ਹਾਂ ਲੋਕਾਂ ਨੂੰ ਹਰ ਤਰ੍ਹਾਂ ਦੀ ਮੱਦਦ ਕਰ ਰਹੀ ਹੈ ਜੋ ਗਰੀਬੀ ਰੇਖਾ ਤੋਂ ਹੇਠਾਂ ਜੀਵਨ ਬਤੀਤ ਕਰ ਰਹੇ ਹਨ। (Government Schemes)
ਅਜਿਹੇ ਲੋਕਾਂ ਲਈ ਸਰਕਾਰ ਨੇ ਬੀਪੀਐੱਲ ਕਾਰਡ ਜਾਰੀ ਕੀਤਾ ਹੈ ਅਤੇ ਉਨ੍ਹਾਂ ਸਾਰੀਆਂ ਯੋਜਨਾਵਾਂ ਦਾ ਫਾਇਦਾ ਦੇ ਰਹੀ ਹੈ ਜਿਸ ਤੋਂ ਉਹ ਵਾਂਝੇ ਰਹਿ ਰਹੇ ਹਨ। ਬੀਪੀਐੱਲ ਕਾਰਡ ਦੁਆਰਾ ਗਰੀਬ ਤੇ ਜ਼ਰੂਰਤਮੰਦ ਲੋਕਾਂ ਦੀਆਂ ਸਾਰੀਆਂ ਜ਼ਰੂਰਤਾਂ ਪੂਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਜਿਨ੍ਹਾਂ ਕੋਲ ਬੀਪੀਐੱਲ ਕਾਰਡ ਹੈ ਉਨ੍ਹਾਂ ਨੂੰ ਹਰਿਆਣਾ ਸਰਕਾਰ ਕੀ-ਕੀ ਲਾਭ ਦੇ ਰਹੀ ਹੈ?
ਖੁਰਾਕ ਸਮੱਗਰੀ ਜਾਂ ਰਾਸ਼ਨ | Government Schemes
ਜਿਨ੍ਹਾਂ ਲੋਕਾਂ ਕੋਲ ਬੀਪੀਐੱਲ ਕਾਰਡ ਹੈ ਸਰਕਾਰ ਉਨ੍ਹਾਂ ਨੂੰ ਰਿਆਇਤੀ ਦਰਾਂ ’ਤੇ ਖੁਰਾਕ ਸਮੱਗਰੀ ਉਪਲੱਬਧ ਕਰਵਾ ਰਹੀ ਹੈ। ਇਸ ਦੇ ਤਹਿਤ ਸਰਕਾਰ ਇਹ ਵੀ ਯਕੀਨੀ ਕਰ ਰਹੀ ਹੈ ਕਿ ਜਿਨ੍ਹਾਂ ਕੋਲ ਸੀਮਤ ਆਮਦਨ ਦੇ ਸਾਧਨ ਹਨ ਉਨ੍ਹਾਂ ਨੂੰ ਹਰ ਤਰ੍ਹਾਂ ਦੀ ਮੱਦਦ ਮਿਲੇ। ਕਈ ਸੂਬੇ ਤਾਂ ਅਜਿਹੇ ਵੀ ਹਨ ਜੋ ਬੀਪੀਐੱਲ ਕਾਰਡ ਰਾਹੀਂ ਲੋਕਾਂ ਨੂੰ ਮੁਫ਼ਤ ਰਾਸ਼ਨ ਤੇ ਕਣਕ ਦੇ ਰਹੇ ਹਨ। ਹਰਿਆਣਾ ਸਰਕਾਰ ਵੱਲੋਂ ਇਹ ਸਕੀਮ ਬਿਲਕੁਲ ਮੁਫ਼ਤ ਦਿੱਤੀ ਜਾ ਰਹੀ ਹੈ।
ਇਲਾਜ਼ ਲਈ ਸਹੂਲਤਾਂ | Government Schemes
ਤੁਹਾਨੂੰ ਦੱਸ ਦਈਏ ਕਿ ਜਿਨ੍ਹਾਂ ਕੋਲ ਬੀਪੀਐੱਲ ਕਾਰਡ ਹੈ ਉਨ੍ਹਾਂ ਨੂੰ ਸਰਕਾਰੀ ਹਸਪਤਾਲਾਂ ਤੇ ਸਿਹਤ ਕੇਂਦਰ ’ਤੇ ਮੁਫ਼ਤ ਮੈਡੀਕਲ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ। ਇਸ ’ਚ ਦਵਾਈਆਂ ਤੰਕ ਪਹੰੁਚ, ਡਾਇਗਨੋਸਟਿਕ ਟੈਸਟ ਤੇ ਹਸਪਤਾਲ ’ਚ ਭਰਤੀ ਸ਼ਾਮਲ ਹੈ, ਜੋ ਗਰੀਬਾਂ ’ਤੇ ਸਿਹਤ ਸਬੰਧੀ ਦੇਖਭਾਲ ਖਰਚੇ ਦਾ ਬੋਝ ਕਾਫ਼ੀ ਘੱਟ ਕਰਦਾ ਹੈ।
ਪੱਕੇ ਮਕਾਨਾਂ ਲਈ ਸਹਾਇਤਾ
ਇਸ ਤੋਂ ਇਲਾਵਾ ਜਿਨ੍ਹਾਂ ਲੋਕਾਂ ਕੋਲ ਬੀਪੀਐੱਲ ਕਾਰਡ ਹੈ ਉਹ ਮਕਾਨਾਂ ਦੇ ਨਿਰਮਾਣ ਲਈ ਜਾਂ ਇਸ ’ਚ ਸੁਧਾਰ ਲਈ ਬਿਨੈ ਕਰ ਸਕਦੇ ਹਨ ਅਤੇ ਉਨ੍ਹਾਂ ਲਈ ਵਿੱਤੀ ਸਹਾਇਤਾ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਸਬਸਿਡੀ ਵਾਲਾ ਬਿਜਲੀ ਕੁਨੈਕਸ਼ਨ ਵੀ ਦਿੱਤਾ ਜਾਵੇਗਾ ਜਿਨ੍ਹਾਂ ’ਤੇ ਉਨ੍ਹਾਂ ਦਾ ਬਿਜਲੀ ਬਿੱਲ ਵੀ ਘੱਟ ਆਵੇਗਾ।
ਬੁਢਾਪਾ ਪੈਨਸ਼ਨ, ਵਿਧਵਾ ਪੈਨਸ਼ਨ, ਅੰਗਹੀਣ ਪੈਨਸ਼ਨ ਤੇ ਹੋਰ ਆਰਥਿਕ ਸਹਾਇਤਾ
ਇਸ ਤੋਂ ਇਲਾਵਾ ਸਰਕਾਰ ਉਨ੍ਹਾਂ ਬੀਪੀਐੱਲ ਕਾਰਡ ਧਾਰਕਾਂ ਨੂੰ ਜੋ ਵਿਧਵਾ, ਬਜ਼ੁਰਗ, ਦਿਵਿਆਂਗ ਵਿਅਕਤੀ ਹਨ ਹਰ ਮਹੀਨੇ ਪੈਨਸ਼ਨ ਦੇ ਕੇ ਆਰਥਿਕ ਸਹਾਇਤਾ ਕੀਤੀ ਜਾਂਦੀ ਹੈ। ਇਹ ਯੋਜਨਾ ਸਰਕਾਰ ਦੁਆਰਾ ਆਰਥਿਕ ਰੂਪ ’ਚ ਕਮਜ਼ੋਰ ਲੋਕਾਂ ਨੂੰ ਮਜ਼ਬੂਤ ਬਣਾਉਣ ਲਈ ਚਲਾਈ ਜਾ ਰਹੀ ਹੈ।
ਸਿੱਖਿਆ ਸਹਾਇਤਾ | Government Schemes
ਇਸ ਤੋਂ ਇਲਾਵਾ ਆਰਥਿਕ ਰੂਪ ’ਚ ਕਮਜ਼ੋਰ ਵਰਗ ਦੇ ਵਿਦਿਆਰਥੀਆਂ ਨੂੰ ਬੀਪੀਐੱਲ ਕਾਰਡ ਦੇ ਤਹਿਤ ਵਜੀਫ਼ਾ, ਉੱਚ ਸਿੱਖਿਆ ਅਤੇ ਮੁਫ਼ਤ ’ਚ ਪੜ੍ਹਨ ਸਮੱਗਰੀ ਦੇਣ ਦੀ ਯੋਜਨਾ ਵੀ ਚਲਾਈ ਜਾ ਰਹੀ ਹੈ ਤਾਂ ਕਿ ਸਮਾਜ ਦਾ ਕਮਜ਼ੋਰ ਵਰਗ ਵੀ ਚੰਗੀ ਸਿੱਖਿਆ ਪ੍ਰਾਪਤ ਕਰ ਸਕੇ ਅਤੇ ਉਹ ਸਭ ਦੇ ਬਰਾਬਰ ਅੱਗੇ ਵਧ ਸਕੇ।
