ਅਸਾਮ ‘ਚ ਕਾਂਗਰਸ ਦੇ 20 ਤੋਂ ਵੱਧ ਵਿਧਾਇਕਾਂ ਨੇ ਬਦਲਿਆ ਪਾਲਾ
(ਸੱਚ ਕਹੂੰ ਨਿਊਜ਼) ਨਵੀਂ ਦਿੱਲੀ। 15ਵੇਂ ਰਾਸ਼ਟਰਪਤੀ ਦੀ ਚੋਣ ਲਈ ਵੋਟਿੰਗ ਸ਼ੁਰੂ ਹੋ ਗਈ ਹੈ। ਚੋਣ ‘ਚ ਕੁੱਲ 4800 ਚੁਣੇ ਗਏ ਸੰਸਦ ਮੈਂਬਰ ਅਤੇ ਵਿਧਾਇਕ ਹਿੱਸਾ ਲੈ ਰਹੇ ਹਨ। ਦੇਸ਼ ਦੇ ਕਈ ਸੂਬਿਆਂ ਤੋਂ ਕਰਾਸ ਵੋਟਿੰਗ ਦੀਆਂ ਖਬਰਾਂ ਵੀ ਮਿਲ ਰਹੀਆਂ ਹਨ। ਗੁਜਰਾਤ ਵਿੱਚ ਐਨਸੀਪੀ ਦੇ ਵਿਧਾਇਕ ਕੰਧਾਲ ਜਡੇਜਾ, ਯੂਪੀ ਵਿੱਚ ਸਪਾ ਵਿਧਾਇਕ ਸ਼ਿਵਪਾਲ ਯਾਦਵ ਅਤੇ ਸ਼ਾਹਜੀਲ ਇਸਲਾਮ ਅਤੇ ਓਡੀਸ਼ਾ ਵਿੱਚ ਕਾਂਗਰਸ ਦੇ ਵਿਧਾਇਕ ਮੁਕੀਮ ਨੇ ਕਰਾਸ ਵੋਟਿੰਗ ਕੀਤੀ ਹੈ। ਸਾਰਿਆਂ ਨੇ ਐਨਡੀਏ ਉਮੀਦਵਾਰ ਦ੍ਰੋਪਦੀ ਮੁਰਮੂ ਨੂੰ ਵੋਟ ਦਿੱਤੀ ਹੈ।
ਬੰਗਾਲ ‘ਚ ਭਾਜਪਾ ਨੇ ਕਰਾਸ ਵੋਟਿੰਗ ਨੂੰ ਰੋਕਣ ਲਈ ਪਹਿਲਾਂ ਵਿਧਾਇਕਾਂ ਨੂੰ ਕੋਲਕਾਤਾ ਦੇ ਇਕ ਹੋਟਲ ‘ਚ ਰੱਖਿਆ, ਫਿਰ ਸਾਰਿਆਂ ਨੂੰ ਵਿਧਾਨ ਸਭਾ ‘ਚ ਲਿਆ ਕੇ ਵੋਟਿੰਗ ਕਰਵਾਈ। ਪਾਰਟੀ ਨੇ ਕਰਾਸ ਵੋਟਿੰਗ ਨੂੰ ਰੋਕਣ ਦੀ ਜ਼ਿੰਮੇਵਾਰੀ ਸ਼ੁਭੇਂਦੂ ਅਧਿਕਾਰੀ, ਮਨੋਜ ਤਿੱਗਾ ਅਤੇ ਸਵਪਨ ਮਜੂਮਦਾਰ ਨੂੰ ਸੌਂਪੀ ਹੈ।
ਵੋਟ ਪਾਉਣ ਪਹੁੰਚੀ ਸੋਨੀਆ ਗਾਂਧੀ
ਕਾਂਗਰਸ ਦੀ ਅੰਤਰਿਮ ਪ੍ਰਧਾਨ ਸੋਨੀਆ ਗਾਂਧੀ, ਕਾਂਗਰਸ ਨੇਤਾ ਮਲਿਕਾਰਜੁਨ ਖੜਗੇ, ਅਧੀਰ ਰੰਜਨ ਚੌਧਰੀ, ਸ਼ਸ਼ੀ ਥਰੂਰ ਨੇ ਸੰਸਦ ਵਿੱਚ ਪਹੁੰਚ ਕੇ ਰਾਸ਼ਟਰਪਤੀ ਚੋਣ ਲਈ ਆਪਣੀ ਵੋਟ ਪਾਈ।
Delhi | Congress MPs Sonia Gandhi, Shashi Tharoor, and Mallikarjun Kharge cast their votes for the Presidential polls pic.twitter.com/7KoiIkOMGE
— ANI (@ANI) July 18, 2022
ਓਡੀਸ਼ਾ ਦੇ ਕਾਂਗਰਸ ਵਿਧਾਇਕ ਨੇ ਦ੍ਰੋਪਦੀ ਮੁਰਮੂ ਨੂੰ ਵੋਟ ਪਾਈ
ਓਡੀਸ਼ਾ ਦੇ ਕਾਂਗਰਸ ਵਿਧਾਇਕ ਮੁਹੰਮਦ ਮੋਕਿਮ ਨੇ ਕਿਹਾ ਕਿ ਮੈਂ ਕਾਂਗਰਸ ਦਾ ਵਿਧਾਇਕ ਹਾਂ ਪਰ ਮੈਂ ਐਨਡੀਏ ਦੀ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰ ਦ੍ਰੋਪਦੀ ਮੁਰਮੂ ਨੂੰ ਵੋਟ ਪਾਈ ਹੈ। ਇਹ ਮੇਰਾ ਨਿੱਜੀ ਫੈਸਲਾ ਹੈ ਕਿਉਂਕਿ ਮੈਂ ਆਪਣੇ ਦਿਲ ਦੀ ਗੱਲ ਸੁਣੀ ਹੈ ਜਿਸ ਨੇ ਮੈਨੂੰ ਧਰਤੀ ਲਈ ਕੁਝ ਕਰਨ ਲਈ ਪ੍ਰੇਰਿਤ ਕੀਤਾ ਅਤੇ ਇਸ ਲਈ ਮੈਂ ਉਸ ਨੂੰ ਵੋਟ ਪਾਈ।
ਦ੍ਰੋਪਦੀ ਮੁਰਮੂ ਦਾ ਪੱਲੜਾ ਭਾਰੀ
ਇਸ ਪੋਲ ‘ਚ ਕੁੱਲ 4800 ਚੁਣੇ ਗਏ ਸੰਸਦ ਮੈਂਬਰ ਅਤੇ ਵਿਧਾਇਕ ਹਿੱਸਾ ਲੈ ਰਹੇ ਹਨ। ਚੋਣਾਂ ਵਿੱਚ ਐਨਡੀਏ ਦੀ ਉਮੀਦਵਾਰ ਦ੍ਰੋਪਦੀ ਮੁਰਮੂ ਦੀ ਜਿੱਤ ਅਤੇ ਇਸ ਦੇ ਨਾਲ ਹੀ ਦੇਸ਼ ਦੇ ਉੱਚ ਸੰਵਿਧਾਨਕ ਅਹੁਦੇ ’ਤੇ ਪਹਿਲੀ ਵਾਰ ਆਦਿਵਾਸੀ ਔਰਤ ਦੀ ਤਾਜਪੋਸ਼ੀ ਤੈਅ ਹੈ। 27 ਪਾਰਟੀਆਂ ਦੇ ਸਮਰਥਨ ਨਾਲ ਦ੍ਰੋਪਦੀ ਮੁਰਮੂ ਦਾ ਪੱਲੜਾ ਭਾਰੀ ਹੈ।
