ਟ੍ਰੈਵਿਸ ਹੈੱਡ ਨੇ ਜੜਿਟਾ ਤੂਫਾਨੀ ਸੈਂਕੜਾ
- ਮਿਸ਼ੇਲ ਸਟਾਰਕ ਨੂੰ ਮਿਲੀਆਂ 10 ਵਿਕਟਾਂ
AUS vs ENG: ਸਪੋਰਟਸ ਡੈਸਕ। ਅਸਟਰੇਲੀਆ ਨੇ ਐਸ਼ੇਜ਼ ਸੀਰੀਜ਼ ਦਾ ਪਹਿਲਾ ਟੈਸਟ 8 ਵਿਕਟਾਂ ਨਾਲ ਜਿੱਤ ਲਿਆ ਹੈ। ਟੀਮ ਨੇ ਸ਼ਨਿੱਚਰਵਾਰ ਨੂੰ ਪਰਥ ਸਟੇਡੀਅਮ ’ਚ ਮੈਚ ਦੇ ਦੂਜੇ ਦਿਨ ਇੰਗਲੈਂਡ ਨੂੰ ਹਰਾ ਦਿੱਤਾ। ਟ੍ਰੈਵਿਸ ਹੈੱਡ ਦੇ 69 ਗੇਂਦਾਂ ਦੇ ਸੈਂਕੜੇ ਨੇ ਟੀਮ ਨੂੰ ਸਿਰਫ਼ 28.2 ਓਵਰਾਂ ’ਚ 205 ਦੌੜਾਂ ਦਾ ਟੀਚਾ ਹਾਸਲ ਕਰਨ ’ਚ ਮਦਦ ਕੀਤੀ। ਇੰਗਲੈਂਡ ਨੇ ਪਹਿਲੀ ਪਾਰੀ ’ਚ 172 ਦੌੜਾਂ ਬਣਾਈਆਂ, ਜਦੋਂ ਕਿ ਅਸਟਰੇਲੀਆ ਨੇ 132 ਦੌੜਾਂ ਬਣਾਈਆਂ। ਦੂਜੀ ਪਾਰੀ ’ਚ, ਇੰਗਲੈਂਡ ਸਿਰਫ਼ 164 ਦੌੜਾਂ ਹੀ ਬਣਾ ਸਕਿਆ, ਜਿਸ ਨਾਲ ਘਰੇਲੂ ਟੀਮ ਨੂੰ 205 ਦੌੜਾਂ ਦਾ ਟੀਚਾ ਮਿਲਿਆ। ਟ੍ਰੈਵਿਸ ਹੈੱਡ ਨੇ 83 ਗੇਂਦਾਂ ’ਚ 123 ਦੌੜਾਂ ਤੇ ਮਾਰਨਸ ਲਾਬੂਸ਼ਾਨੇ ਨੇ 49 ਗੇਂਦਾਂ ’ਚ 51 ਦੌੜਾਂ ਬਣਾ ਕੇ ਟੀਮ ਨੂੰ ਜਿੱਤ ਦਵਾ ਦਿੱਤੀ। ਸੀਰੀਜ਼ ਦਾ ਦੂਜਾ ਟੈਸਟ 4 ਦਸੰਬਰ ਤੋਂ ਬ੍ਰਿਸਬੇਨ ਦੇ ਗਾਬਾ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਇਹ ਮੈਚ ਇੱਕ ਦਿਨ-ਰਾਤ ਦਾ ਮੈਚ ਹੋਵੇਗਾ, ਜਿਸ ’ਚ ਗੁਲਾਬੀ ਗੇਂਦ ਨਾਲ ਖੇਡ ਖੇਡੀ ਜਾਵੇਗੀ।
ਇਹ ਖਬਰ ਵੀ ਪੜ੍ਹੋ : Delhi Air Quality: ਹੁਣ ਦਿੱਲੀ-ਐੱਨਸੀਆਰ ਬਣਿਆ ਗੈਸ ਚੈਂਬਰ
ਪਰਥ ਟੈਸਟ ਦੇ ਪਹਿਲੇ ਦਿਨ ਡਿੱਗੀਆਂ 19 ਵਿਕਟਾਂ | AUS vs ENG
ਸ਼ੁੱਕਰਵਾਰ ਨੂੰ, ਮੈਚ ਦੇ ਪਹਿਲੇ ਦਿਨ 19 ਵਿਕਟਾਂ ਡਿੱਗੀਆਂ, ਜਿਨ੍ਹਾਂ ਵਿੱਚੋਂ ਸਾਰੀਆਂ ਤੇਜ਼ ਗੇਂਦਬਾਜ਼ਾਂ ਨੇ ਲਈਆਂ। ਇੰਗਲੈਂਡ ਦੁਪਹਿਰ ਦੇ ਖਾਣੇ ਤੋਂ ਬਾਅਦ 172 ਦੌੜਾਂ ’ਤੇ ਆਲ ਆਊਟ ਹੋ ਗਿਆ। ਦਿਨ ਦੀ ਖੇਡ ਖਤਮ ਹੋਣ ਤੱਕ, ਅਸਟਰੇਲੀਆ ਨੇ ਸਿਰਫ਼ 123 ਦੌੜਾਂ ’ਤੇ 9 ਵਿਕਟਾਂ ਗੁਆ ਦਿੱਤੀਆਂ ਸਨ। ਇੰਗਲੈਂਡ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਹ ਫੈਸਲਾ ਟੀਮ ਲਈ ਗਲਤ ਸਾਬਤ ਹੋਇਆ, ਕਿਉਂਕਿ ਉਹ 172 ਦੌੜਾਂ ’ਤੇ ਆਲ ਆਊਟ ਹੋ ਗਏ। ਹਾਲਾਂਕਿ, ਅਸਟਰੇਲੀਆ ਇਸ ਦਾ ਫਾਇਦਾ ਉਠਾਉਣ ਵਿੱਚ ਅਸਫਲ ਰਿਹਾ, ਦਿਨ ਦੇ ਅੰਤ ਤੱਕ 9 ਵਿਕਟਾਂ ਗੁਆ ਬੈਠਾ।
ਦੋਵੇਂ ਟੀਮਾਂ ਦੀ ਪਲੇਇੰਗ-11 | AUS vs ENG
ਅਸਟਰੇਲੀਆ : ਸਟੀਵ ਸਮਿਥ (ਕਪਤਾਨ), ਉਸਮਾਨ ਖਵਾਜਾ, ਜੇਕ ਵੈਦਰਲਡ, ਮਾਰਨਸ ਲਾਬੂਸ਼ਾਨੇ, ਟ੍ਰੈਵਿਸ ਹੈੱਡ, ਕੈਮਰਨ ਗ੍ਰੀਨ, ਐਲੇਕਸ ਕੈਰੀ (ਵਿਕਟਕੀਪਰ), ਮਿਸ਼ੇਲ ਸਟਾਰਕ, ਨਾਥਨ ਲਿਓਨ, ਬ੍ਰੈਂਡਨ ਡੌਗੇਟ ਤੇ ਸਕਾਟ ਬੋਲੈਂਡ।
ਇੰਗਲੈਂਡ : ਬੇਨ ਸਟੋਕਸ (ਕਪਤਾਨ), ਜੈਕ ਕਰੌਲੀ, ਬੇਨ ਡਕੇਟ, ਓਲੀ ਪੋਪ, ਜੋ ਰੂਟ, ਹੈਰੀ ਬਰੂਕ, ਜੈਮੀ ਸਮਿਥ, ਗੁਸ ਐਟਕਿੰਸਨ, ਬ੍ਰਾਈਡਨ ਕਾਰਸੇ, ਜੋਫਰਾ ਆਰਚਰ ਤੇ ਮਾਰਕ ਵੁੱਡ।
ਅਸਟਰੇਲੀਆ ਕੋਲ ਹੈ ਐਸ਼ੇਜ ਸੀਰੀਜ਼
ਅਸਟਰੇਲੀਆ ਕੋਲ ਇਸ ਸਮੇਂ ਐਸ਼ੇਜ਼ ਟਰਾਫੀ ਹੈ। ਟੀਮ ਨੇ 2021 ਦੇ ਸੀਜ਼ਨ ’ਚ ਪੰਜ ਵਿੱਚੋਂ ਚਾਰ ਮੈਚ ਜਿੱਤੇ, ਜਿਸ ਵਿੱਚੋਂ ਇੱਕ ਮੈਚ ਡਰਾਅ ਰਿਹਾ। ਫਿਰ 2023 ਦੀ ਲੜੀ 2-2 ਨਾਲ ਬਰਾਬਰੀ ’ਤੇ ਖਤਮ ਹੋਈ। ਅਸਟਰੇਲੀਆ ਤੇ ਇੰਗਲੈਂਡ ਵਿਚਕਾਰ ਐਸ਼ੇਜ਼ ਵਿੱਚ ਅਸਟਰੇਲੀਆ ਦਾ ਹੱਥ ਸਭ ਤੋਂ ਉੱਪਰ ਹੈ। ਹੁਣ ਤੱਕ ਦੋਵਾਂ ਦੇਸ਼ਾਂ ਵਿਚਕਾਰ 73 ਸੀਰੀਜ਼ ਖੇਡੀਆਂ ਗਈਆਂ ਹਨ, ਜਿਨ੍ਹਾਂ ਵਿੱਚੋਂ ਕੰਗਾਰੂਆਂ ਨੇ 34 ਆਪਣੇ ਨਾਂਅ ਕੀਤੀਆਂ ਹਨ। ਇਸ ਦੌਰਾਨ, ਇੰਗਲੈਂਡ ਨੇ 32 ਜਿੱਤੀਆਂ ਹਨ। ਬਾਕੀ ਸੱਤ ਸੀਰੀਜ਼ ਡਰਾਅ ਰਹੀਆਂ।
