ਸਪੋਰਟਸ ਡੈਸਕ। Asia Cup 2025: ਏਸ਼ੀਅਨ ਕ੍ਰਿਕੇਟ ਕੌਂਸਲ ਦੇ ਪ੍ਰਧਾਨ ਮੋਹਸਿਨ ਨਕਵੀ ਨੇ ਸ਼ਨਿੱਚਰਵਾਰ ਨੂੰ ਏਸ਼ੀਆ ਕੱਪ ਦੀਆਂ ਤਰੀਕਾਂ ਦਾ ਐਲਾਨ ਕੀਤਾ। ਪੁਰਸ਼ ਕ੍ਰਿਕੇਟ ਟੀਮ ਵਿਚਕਾਰ ਏਸ਼ੀਆ ਕੱਪ 9 ਤੋਂ 28 ਸਤੰਬਰ ਤੱਕ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ’ਚ ਖੇਡਿਆ ਜਾਵੇਗਾ। ਟੂਰਨਾਮੈਂਟ ’ਚ ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਗਰੁੱਪ ਮੈਚ ਐਤਵਾਰ (14 ਸਤੰਬਰ) ਨੂੰ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਭਾਰਤ ਤੇ ਪਾਕਿਸਤਾਨ ਦੀਆਂ ਟੀਮਾਂ ਟੂਰਨਾਮੈਂਟ ’ਚ ਇੱਕੋ ਗਰੁੱਪ ਵਿੱਚ ਹਨ। ਅਜਿਹੀ ਸਥਿਤੀ ਵਿੱਚ, ਉਨ੍ਹਾਂ ਦੇ ਐਤਵਾਰ (21 ਸਤੰਬਰ) ਨੂੰ ਸੁਪਰ 4 ਮੈਚ ਵਿੱਚ ਇੱਕ ਦੂਜੇ ਨਾਲ ਦੁਬਾਰਾ ਟਕਰਾਉਣ ਦੀ ਉਮੀਦ ਹੈ।
ਇਹ ਖਬਰ ਵੀ ਪੜ੍ਹੋ : CET Exam News: CET ਪ੍ਰੀਖਿਆ ਦੌਰਾਨ ਹੋਇਆ ਕੁੱਝ ਅਜਿਹਾ, ਪੂਰੇ ਭਾਰਤ ’ਚ ਬਣਿਆ ਚਰਚਾ ਦਾ ਵਿਸ਼ਾ, ਜਾਣੋ…
ਭਾਰਤ ਦੀ ਮੁਹਿੰਮ 10 ਸਤੰਬਰ ਨੂੰ ਯੂਏਈ ਵਿਰੁੱਧ | Asia Cup 2025
ਟੀਮ ਇੰਡੀਆ ਏਸ਼ੀਆ ਕੱਪ ’ਚ ਆਪਣੀ ਮੁਹਿੰਮ 10 ਸਤੰਬਰ ਨੂੰ ਯੂਏਈ ਵਿਰੁੱਧ ਸ਼ੁਰੂ ਕਰੇਗੀ। ਭਾਰਤ ਦੇ ਸਾਰੇ ਮੈਚ ਦੁਬਈ ’ਚ ਹੋਣ ਦੀ ਸੰਭਾਵਨਾ ਹੈ। ਭਾਰਤ, ਪਾਕਿਸਤਾਨ, ਯੂਏਈ ਤੇ ਓਮਾਨ ਨੂੰ ਗਰੁੱਪ-ਏ ’ਚ ਰੱਖਿਆ ਗਿਆ ਹੈ। ਇਸੇ ਤਰ੍ਹਾਂ, ਸ਼੍ਰੀਲੰਕਾ, ਬੰਗਲਾਦੇਸ਼, ਅਫਗਾਨਿਸਤਾਨ ਤੇ ਹਾਂਗਕਾਂਗ ਗਰੁੱਪ-ਬੀ ’ਚ ਹਨ। ਏਸੀਸੀ ਇਸ 19 ਮੈਚਾਂ ਦੇ ਟੂਰਨਾਮੈਂਟ ਲਈ 17 ਮੈਂਬਰੀ ਟੀਮਾਂ ਨੂੰ ਇਜਾਜ਼ਤ ਦੇਵੇਗਾ। ਮੈਚ ਦੁਬਈ ਤੇ ਅਬੂ ਧਾਬੀ ’ਚ ਖੇਡੇ ਜਾਣਗੇ।
ਟੂਰਨਾਮੈਂਟ 9 ਤੋਂ 28 ਸਤੰਬਰ ਤੱਕ ਹੋਵੇਗਾ | Asia Cup 2025
ਇਸ ਤੋਂ ਪਹਿਲਾਂ, ਨਕਵੀ ਨੇ ਟਵਿੱਟਰ ’ਤੇ ਟੂਰਨਾਮੈਂਟ ਦਾ ਰਸਮੀ ਐਲਾਨ ਕੀਤਾ ਸੀ। ਨਕਵੀ ਪਾਕਿਸਤਾਨ ਕ੍ਰਿਕਟ ਬੋਰਡ ਦੇ ਚੇਅਰਮੈਨ ਵੀ ਹਨ। ਨਕਵੀ ਨੇ ਪੋਸਟ ਕੀਤਾ, ‘ਮੈਨੂੰ ਯੂਏਈ ’ਚ ਏਸੀਸੀ ਪੁਰਸ਼ ਏਸ਼ੀਆ ਕੱਪ 2025 ਦੀਆਂ ਤਰੀਕਾਂ ਦਾ ਐਲਾਨ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ। ਇਹ ਟੂਰਨਾਮੈਂਟ 9 ਤੋਂ 28 ਸਤੰਬਰ ਤੱਕ ਹੋਵੇਗਾ। ਅਸੀਂ ਕ੍ਰਿਕੇਟ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਉਮੀਦ ਕਰ ਰਹੇ ਹਾਂ।’
ਸਥਾਨ ਦਾ ਫੈਸਲਾ 24 ਜੁਲਾਈ ਨੂੰ ਹੋਇਆ
ਏਸ਼ੀਆ ਕੱਪ ਲਈ ਸਥਾਨ ਦਾ ਫੈਸਲਾ 24 ਜੁਲਾਈ ਨੂੰ 133 ਦੀ ਮੀਟਿੰਗ ’ਚ ਕੀਤਾ ਗਿਆ ਸੀ। ਮੀਟਿੰਗ ’ਚ ਸਾਰੇ 25 ਮੈਂਬਰ ਦੇਸ਼ਾਂ ਨੇ ਹਿੱਸਾ ਲਿਆ। Asia Cup 2025
ਇਸ ਵਾਰ ਟੂਰਨਾਮੈਂਟ ਦਾ ਮੇਜ਼ਬਾਨ ਭਾਰਤ | Asia Cup 2025
ਬੀਸੀਸੀਆਈ ਇਸ ਟੂਰਨਾਮੈਂਟ ਦਾ ਮੇਜ਼ਬਾਨ ਹੈ। ਟੂਰਨਾਮੈਂਟ ਸੰਯੁਕਤ ਅਰਬ ਅਮੀਰਾਤ ’ਚ ਆਯੋਜਿਤ ਕੀਤਾ ਜਾ ਰਿਹਾ ਹੈ ਕਿਉਂਕਿ ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਮੌਜ਼ੂਦਾ ਤਣਾਅ ਕਾਰਨ, ਦੋਵੇਂ ਦੇਸ਼ 2027 ਤੱਕ ਸਿਰਫ ਨਿਰਪੱਖ ਥਾਵਾਂ ’ਤੇ ਮੈਚ ਖੇਡਣ ਲਈ ਆਪਸੀ ਸਹਿਮਤੀ ਦੇ ਚੁੱਕੇ ਹਨ। ਇਸ ਤਹਿਤ, ਪਾਕਿਸਤਾਨ ਇਸ ਸਾਲ ਮਾਰਚ ’ਚ ਚੈਂਪੀਅਨਜ਼ ਟਰਾਫੀ ਦਾ ਮੇਜ਼ਬਾਨ ਸੀ, ਪਰ ਭਾਰਤ ਨੇ ਦੁਬਈ ’ਚ ਸਾਰੇ ਮੈਚ ਖੇਡੇ ਤੇ ਚੈਂਪੀਅਨਸ਼ਿਪ ਜਿੱਤੀ।
ਭਾਰਤ ਤੇ ਪਾਕਿਸਤਾਨ ਤਿੰਨ ਵਾਰ ਹੋ ਸਕਦੇ ਹਨ ਆਹਮੋ-ਸਾਹਮਣੇ | Asia Cup 2025
ਭਾਰਤ ਤੇ ਪਾਕਿਸਤਾਨ ਏਸ਼ੀਆ ਕੱਪ ’ਚ ਇੱਕੋ ਗਰੁੱਪ ’ਚ ਹੋਣਗੇ, ਜਿੱਥੇ ਦੋਵੇਂ ਇੱਕ ਵਾਰ ਆਹਮੋ-ਸਾਹਮਣੇ ਹੋਣਗੇ। ਇਸ ਤੋਂ ਬਾਅਦ, ਉਨ੍ਹਾਂ ਨੂੰ ਸੁਪਰ ਫੋਰ ਪੜਾਅ ’ਚ ਇੱਕ ਦੂਜੇ ਵਿਰੁੱਧ ਇੱਕ ਹੋਰ ਮੈਚ ਖੇਡਣ ਦਾ ਮੌਕਾ ਮਿਲੇਗਾ। ਜੇਕਰ ਦੋਵੇਂ ਟੀਮਾਂ ਫਾਈਨਲ ’ਚ ਪਹੁੰਚ ਜਾਂਦੀਆਂ ਹਨ, ਤਾਂ ਉਨ੍ਹਾਂ ਵਿਚਕਾਰ ਤੀਜਾ ਮੈਚ ਵੀ ਖੇਡਿਆ ਜਾ ਸਕਦਾ ਹੈ।
ਇਸ ਵਾਰ ਟੀ20 ਫਾਰਮੈਟ ਹੀ ਕਿਉਂ? | Asia Cup 2025
ਏਸ਼ੀਆ ਕੱਪ ਦਾ ਇਹ ਐਡੀਸ਼ਨ ਟੀ-20 ਫਾਰਮੈਟ ’ਚ ਹੋਵੇਗਾ। ਕਿਉਂਕਿ ਅਗਲਾ ਆਈਸੀਸੀ ਟੂਰਨਾਮੈਂਟ ਭਾਰਤ ਤੇ ਸ਼੍ਰੀਲੰਕਾ ’ਚ ਟੀ-20 ਵਿਸ਼ਵ ਕੱਪ ਹੈ, ਇਸ ਲਈ ਪਰੰਪਰਾ ਅਨੁਸਾਰ, ਇਸ ਵਾਰ ਏਸ਼ੀਆ ਕੱਪ ਟੀ-20 ਫਾਰਮੈਟ ’ਚ ਖੇਡਿਆ ਜਾਵੇਗਾ।
