ਸਿਹਤ ਤੇ ਪਰਿਵਾਰ ਕਲਿਆਣ ਵਿਭਾਗ ਦੇ ਸੀਨੀਅਰ ਅਧਿਕਾਰੀ ਦਾ ਖੁਲਾਸਾ
Mizoram Cancer Cases: ਆਇਜ਼ੌਲ (ਏਜੰਸੀ)। 1 ਮਾਰਚ ਭਾਰਤ ’ਚ ਮਿਜ਼ੋਰਮ ’ਚ ਕੈਂਸਰ ਦੇ ਮਾਮਲੇ ਤੇ ਮੌਤ ਦਰ ਸਭ ਤੋਂ ਵੱਧ ਹੈ। ਆਇਜ਼ੌਲ ਜ਼ਿਲ੍ਹੇ ’ਚ ਹਰ ਇੱਕ ਲੱਖ ਪੁਰਸ਼ਾਂ ਤੇ ਕੈਂਸਰ ਹੋਣ ਦੀ ਦਰ 269.4 ਹੈ। ਐਤਵਾਰ ਨੂੰ ਸਿਹਤ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਸਿਹਤ ਤੇ ਪਰਿਵਾਰ ਕਲਿਆਣ ਵਿਭਾਗ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਸੂਬੇ ’ਚ ਪੇਟ ਤੇ ਫੇਫੜਿਆਂ ਦਾ ਕੈਂਸਰ ਸਭ ਤੋਂ ਵੱਧ ਪਾਇਆ ਜਾ ਰਿਹਾ ਹੈ। ਇਸ ਦੇ ਮੁੱਖ ਕਾਰਨ ਤੰਬਾਕੂ ਤੇ ਸੁਪਾਰੀ ਦਾ ਸੇਵਨ, ਖੁਰਾਕ ਦੀਆਂ ਆਦਤਾਂ ਤੇ ਪੁਸ਼ਤੈਨੀ (ਜੈਨੇਟਿਕ) ਕਾਰਕ ਹਨ। Mizoram Cancer Cases
ਇਹ ਖਬਰ ਵੀ ਪੜ੍ਹੋ : Donald Trump: ਟਰੰਪ ਨੇ ਅਮਰੀਕੀ ਸੈਨਿਕਾਂ ਦੀ ਮੌਤ ਦਾ ਬਦਲਾ ਲੈਣ ਦਾ ਲਿਆ ਅਹਿਦ, ਟਕਰਾਅ ਵਧਿਆ
ਅਧਿਕਾਰੀ ਨੇ ਕਿਹਾ ਕਿ ਮਿਜ਼ੋਰਮ ਸਰਕਾਰ ਨੇ ਏਸ਼ੀਅਨ ਡਿਵੈਲਪਮੈਂਟ ਬੈਂਕ ਨਾਲ ਇੱਕ ਐਕਸਟਰਨਲੀ ਏਡਿਡ ਪ੍ਰੋਜੈਕਟ ਲੋਨ ਐਗਰੀਮੈਂਟ ’ਤੇ ਦਸਤਖਤ ਕੀਤੇ ਹਨ। ਇਹ ਪ੍ਰੋਜੈਕਟ ‘ਸਪੋਰਟਿੰਗ ਪਬਲਿਕ ਹੈਲਥ ਕੇਅਰ ਸਿਸਟਮ ਸਟ੍ਰੈਂਥਨਿੰਗ ਟੂ ਅਚੀਵ ਯੂਨੀਵਰਸਲ ਹੈਲਥਕੇਅਰ ਫਾਰ ਮਿਜ਼ੋਰਮ’ ਸਿਰਲੇਖ ਨਾਲ ਹੈ, ਜਿਸ ਨੂੰ ਮਿਜ਼ੋਰਮ ਯੂਨੀਵਰਸਲ ਹੈਲਥਕੇਅਰ ਸਕੀਮ ਕਿਹਾ ਜਾਂਦਾ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਵਰਲਡ ਬੈਂਕ ਵੱਲੋਂ ਵਿੱਤਪੋਸ਼ਿਤ ਮਿਜ਼ੋਰਮ ਹੈਲਥ ਸਿਸਟਮਜ਼ ਸਟ੍ਰੈਂਥਨਿੰਗ ਪ੍ਰਾਜੈਕਟ ਸਫਲਤਾਪੂਰਵਕ ਲਾਗੂ ਕੀਤਾ ਗਿਆ ਹੈ ਤੇ ਇਸ ਦੇ ਮਾਰਚ 2026 ਤੱਕ ਪੂਰਾ ਹੋਣ ਦੀ ਉਮੀਦ ਹੈ।
ਪ੍ਰਾਜੈਕਟ ਅਧੀਨ, ਹੈਲਥ ਐਂਡ ਫੈਮਿਲੀ ਵੈਲਫੇਅਰ ਡਿਪਾਰਟਮੈਂਟ ਅਧੀਨ ਆਇਜ਼ੌਲ ’ਚ ਮਿਜ਼ੋਰਮ ਸਟੇਟ ਸੁਪਰ ਸਪੈਸ਼ਲਿਟੀ ਕੈਂਸਰ ਐਂਡ ਰਿਸਰਚ ਸੈਂਟਰ ਬਣਾਇਆ ਜਾ ਰਿਹਾ ਹੈ। ਆਇਜ਼ੌਲ ’ਚ ਇੱਕ ਪ੍ਰੋਗਰਾਮ ਨੂੰ ਸੰਬੋਧਨ ਕਰਦੇ ਹੋਏ ਸੂਬੇ ਦੀ ਸਿਹਤ ਮੰਤਰੀ ਲਾਲਰਿਨਪੁਈ ਨੇ ਚਿੰਤਾ ਪ੍ਰਗਟਾਈ ਕਿ ਜਨਸੰਖਿਆ ਦੇ ਅਨੁਪਾਤ ’ਚ ਮਿਜ਼ੋਰਮ ’ਚ ਦੇਸ਼ ਦੇ ਸਭ ਤੋਂ ਵੱਧ ਕੈਂਸਰ ਮਾਮਲੇ ਦਰਜ ਕੀਤੇ ਜਾ ਰਹੇ ਹਨ। ਟਾਟਾ ਮੈਮੋਰੀਅਲ ਹਸਪਤਾਲ ਮੁੰਬਈ ਦੇ ਨਿਰਦੇਸ਼ਕ ਨੇ ਵੀ ਇਹ ਟਿੱਪਣੀ ਕੀਤੀ ਸੀ ਕਿ ਉੱਥੇ ਇਲਾਜ ਲਈ ਆਉਣ ਵਾਲੇ ਮਿਜ਼ੋਰਮ ਦੇ ਮਰੀਜ਼ਾਂ ’ਚ ਕੈਂਸਰ ਦੇ ਮਾਮਲਿਆਂ ਦੀ ਗਿਣਤੀ ਅਸਾਧਾਰਨ ਤੌਰ ’ਤੇ ਵੱਧ ਹੈ।
ਉਨ੍ਹਾਂ ਕਿਹਾ ਕਿ ਭਾਰਤ ’ਚ ਔਰਤਾਂ ’ਚ ਸਤਨ ਕੈਂਸਰ ਸਭ ਤੋਂ ਆਮ ਹੈ, ਉਸ ਤੋਂ ਬਾਅਦ ਸਰਵਾਈਕਲ ਕੈਂਸਰ ਆਉਂਦਾ ਹੈ। ਇਹ ਦੱਸਦੇ ਹੋਏ ਕਿ 99.7 ਪ੍ਰਤੀਸ਼ਤ ਸਰਵਾਈਕਲ ਕੈਂਸਰ ਦੇ ਮਾਮਲੇ ਹਿਊਮਨ ਪੈਪਿਲੋਮਾਵਾਇਰਸ (ਐੱਚਪੀਵੀ) ਕਾਰਨ ਹੁੰਦੇ ਹਨ, ਉਨ੍ਹਾਂ ਮੁਫਤ ਟੀਕਾਕਰਨ ਪ੍ਰੋਗਰਾਮ ਨੂੰ ਇੱਕ ਮਹੱਤਵਪੂਰਨ ਤੇ ਸਵਾਗਤਯੋਗ ਰੋਕਥਾਮ ਉਪਾਅ ਦੱਸਿਆ ਤੇ ਸਾਰੀਆਂ ਪਾਤਰ 14 ਸਾਲਾ ਲੜਕੀਆਂ ਨੂੰ ਇਹ ਟੀਕਾ ਲਵਾਉਣ ਦੀ ਅਪੀਲ ਕੀਤੀ। Mizoram Cancer Cases
