ਕੰਗਾਰੂਆਂ ਨੇ ਕੀਤੇ 2 ਬਦਲਾਅ | Pat Cummins
- 3 ਨਵੇਂ ਖਿਡਾਰੀਆਂ ਨੂੰ ਮਿਲਿਆ ਹੈ ਮੌਕਾ
Pat Cummins: ਸਪੋਰਟਸ ਡੈਸਕ। ਅਸਟਰੇਲੀਆਈ ਕਪਤਾਨ ਪੈਟ ਕਮਿੰਸ 7 ਫਰਵਰੀ ਤੋਂ ਸ਼ੁਰੂ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੋਂ ਬਾਹਰ ਹੋ ਗਏ ਹਨ। ਉਹ ਪਿੱਠ ਦੀ ਸੱਟ ਤੋਂ ਅਜੇ ਤੱਕ ਠੀਕ ਨਹੀਂ ਹੋਏ ਹਨ। ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਬੇਨ ਡਵਾਰਸ਼ੁਇਸ ਨੂੰ ਉਨ੍ਹਾਂ ਦੀ ਟੀਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਕਮਿੰਸ ਤੋਂ ਇਲਾਵਾ, ਮੈਥਿਊ ਸ਼ਾਰਟ ਨੂੰ ਵੀ ਟੀਮ ’ਚ ਜਗ੍ਹਾ ਨਹੀਂ ਮਿਲੀ ਹੈ, ਜਿਸਦੇ ਬਦਲ ਵਜੋਂ ਮੈਟ ਰੇਨਸ਼ਾ ਨੂੰ ਚੁਣਿਆ ਗਿਆ ਹੈ। ਕ੍ਰਿਕੇਟ ਅਸਟਰੇਲੀਆ ਨੇ ਸ਼ਨਿੱਚਰਵਾਰ ਨੂੰ ਟੀਮ ਦਾ ਐਲਾਨ ਕੀਤਾ।
ਇਹ ਖਬਰ ਵੀ ਪੜ੍ਹੋ : Bollywood News: ਰੋਹਿਤ ਸ਼ਰਮਾ ਨੂੰ ਮਿਲ ਕੇ ਗਦਗਦ ਹੋਏ ਅਨੁਪਮ ਖੇਰ, ਦੱਸਿਆ ‘ਅਸਲੀ ਹੀਰੋ’
ਮਿਸ਼ੇਲ ਮਾਰਸ਼ ਨੂੰ ਕਪਤਾਨੀ ਸੌਂਪੀ ਗਈ ਹੈ, ਜਦੋਂ ਕਿ ਜ਼ੇਵੀਅਰ ਬਾਰਟਲੇਟ, ਕੂਪਰ ਕੌਨੇਲੀ ਤੇ ਮੈਥਿਊ ਕੁਹਨੇਮੈਨ ਵਰਗੇ ਨੌਜਵਾਨ ਖਿਡਾਰੀਆਂ ਨੂੰ ਟੀਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਅਸਟਰੇਲੀਆਈ ਟੀਮ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਆਇਰਲੈਂਡ ਵਿਰੁੱਧ 11 ਫਰਵਰੀ ਨੂੰ ਕੋਲੰਬੋ ਦੇ ਆਰ. ਪ੍ਰੇਮਦਾਸਾ ਸਟੇਡੀਅਮ ਵਿੱਚ ਕਰੇਗੀ। ਇਸ ਸਮੇਂ, ਅਸਟਰੇਲੀਆਈ ਟੀਮ ਪਾਕਿਸਤਾਨ ਵਿਰੁੱਧ ਤਿੰਨ ਮੈਚਾਂ ਦੀ ਟੀ-20 ਲੜੀ ਖੇਡ ਰਹੀ ਹੈ। ਟੀਮ 3 ਮੈਚਾਂ ਦੀ ਸੀਰੀਜ਼ ’ਚ 0-2 ਨਾਲ ਪਿੱਛੇ ਹੈ।
ਵਿਸ਼ਵ ਕੱਪ ’ਚ ਡੈਬਿਊ ਕਰਨ ਵਾਲੇ ਤਿੰਨ ਖਿਡਾਰੀ
ਸਪਿਨਰ ਮੈਥਿਊ ਕੁਹਨੇਮੈਨ, ਆਲਰਾਊਂਡਰ ਕੂਪਰ ਕੋਨੋਲੀ ਤੇ ਤੇਜ਼ ਗੇਂਦਬਾਜ਼ ਜ਼ੇਵੀਅਰ ਬਾਰਟਲੇਟ ਨੂੰ ਪਹਿਲੀ ਵਾਰ ਟੀ-20 ਵਿਸ਼ਵ ਕੱਪ ਟੀਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਕੂਪਰ ਕੋਨੋਲੀ ਦੀ ਚੋਣ ਹੈਰਾਨੀਜਨਕ ਸੀ, ਕਿਉਂਕਿ ਉਹ ਪਿਛਲੇ 12 ਟੀ-20 ਅੰਤਰਰਾਸ਼ਟਰੀ ਮੈਚਾਂ ’ਚ ਨਹੀਂ ਖੇਡੇ ਹਨ। ਟਿਮ ਡੇਵਿਡ, ਗਲੇਨ ਮੈਕਸਵੈੱਲ ਤੇ ਮਾਰਕਸ ਸਟੋਇਨਿਸ ਨੇ ਆਪਣੀਆਂ ਥਾਵਾਂ ਬਰਕਰਾਰ ਰੱਖੀਆਂ ਹਨ। ਗਲੇਨ ਮੈਕਸਵੈੱਲ ਤੇ ਕੈਮਰਨ ਗ੍ਰੀਨ ਵਰਗੇ ਤਜਰਬੇਕਾਰ ਆਲਰਾਊਂਡਰ ਸ਼ਾਮਲ ਹਨ। ਗੇਂਦਬਾਜ਼ੀ ਵਿਭਾਗ ਦੀ ਅਗਵਾਈ ਜੋਸ਼ ਹੇਜ਼ਲਵੁੱਡ, ਜ਼ੇਵੀਅਰ ਬਾਰਟਲੇਟ ਤੇ ਬੇਨ ਦੁਆਰਸ਼ਿਸ ਕਰਨਗੇ। ਐਡਮ ਜ਼ਾਂਪਾ ਤੇ ਨਾਥਨ ਐਲਿਸ ਵੀ ਗੇਂਦਬਾਜ਼ੀ ਲਾਈਨਅੱਪ ਦਾ ਹਿੱਸਾ ਹਨ।
ਪੈਟ ਕਮਿੰਸ ਦੀ ਵਾਪਸੀ ’ਚ ਦੇਰੀ
ਪੈਟ ਕਮਿੰਸ, ਜੋ ਕੁਝ ਸਮੇਂ ਤੋਂ ਸੱਟ ਤੋਂ ਪੀੜਤ ਹੈ, ਨੂੰ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਉਹ ਪਾਕਿਸਤਾਨ ਦੌਰੇ ’ਤੇ ਟੀਮ ਨਾਲ ਯਾਤਰੀ ’ਤੇ ਵੀ ਨਹੀਂ ਗਏ। ਉਮੀਦ ਕੀਤੀ ਜਾ ਰਹੀ ਸੀ ਕਿ ਉਹ ਵਿਸ਼ਵ ਕੱਪ ਤੋਂ ਪਹਿਲਾਂ ਠੀਕ ਹੋ ਜਾਣਗੇ ਪਰ ਚੋਣਕਾਰ ਟੋਨੀ ਡੋਡਮੀਡ ਨੇ ਕਿਹਾ, ‘ਪੈਟ ਨੂੰ ਆਪਣੀ ਪਿੱਠ ਦੀ ਸੱਟ ਤੋਂ ਠੀਕ ਹੋਣ ਵਿੱਚ ਜ਼ਿਆਦਾ ਸਮਾਂ ਲੱਗ ਰਿਹਾ ਹੈ, ਇਸ ਲਈ ਬੇਨ ਇੱਕ ਵਧੀਆ ਬਦਲ ਹੈ। ਉਹ ਖੱਬੇ ਹੱਥ ਦੀ ਤੇਜ਼ ਗੇਂਦਬਾਜ਼ੀ ਕਰਦਾ ਹੈ, ਸ਼ਾਨਦਾਰ ਫੀਲਡਿੰਗ ਹੁਨਰ ਰੱਖਦਾ ਹੈ, ਤੇ ਆਖਰੀ ਕ੍ਰਮ ’ਚ ਚੰਗੀ ਬੱਲੇਬਾਜ਼ੀ ਕਰ ਸਕਦਾ ਹੈ।’
