ਇਸਤਾਂਬੁਲ (ਏਜੰਸੀ)। Turkey Earthquake: ਐਤਵਾਰ ਨੂੰ ਤੁਰਕੀ ਦੇ ਉੱਤਰ-ਪੱਛਮੀ ਸੂਬੇ ਬਾਲੀਕੇਸਿਰ ’ਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਭੂਚਾਲ ਦੀ ਤੀਬਰਤਾ ਰਿਕਟਰ ਪੈਮਾਨੇ ’ਤੇ 6.1 ਮਾਪੀ ਗਈ। ਭੂਚਾਲ ਕਾਰਨ ਲਗਭਗ 12 ਇਮਾਰਤਾਂ ਢਹਿ ਗਈਆਂ। ਅਧਿਕਾਰੀਆਂ ਨੇ ਦੱਸਿਆ ਕਿ ਭੂਚਾਲ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਇਸ ਤੋਂ ਇਲਾਵਾ ਘੱਟੋ-ਘੱਟ 29 ਲੋਕ ਜ਼ਖਮੀ ਹੋਏ ਹਨ। ਭੂਚਾਲ ਦਾ ਕੇਂਦਰ ਸਿੰਦਿਰਗੀ ਸ਼ਹਿਰ ’ਚ ਜ਼ਮੀਨ ਤੋਂ 11 ਕਿਲੋਮੀਟਰ ਹੇਠਾਂ ਸੀ, ਜਿੱਥੋਂ ਭੂਚਾਲ ਦੇ ਝਟਕੇ ਲਗਭਗ 200 ਕਿਲੋਮੀਟਰ ਦੂਰ ਇਸਤਾਂਬੁਲ ਸ਼ਹਿਰ ਤੱਕ ਮਹਿਸੂਸ ਕੀਤੇ ਗਏ। ਇਸਤਾਂਬੁਲ ਦੀ ਆਬਾਦੀ 16 ਮਿਲੀਅਨ ਤੋਂ ਵੱਧ ਹੈ।
ਇਹ ਖਬਰ ਵੀ ਪੜ੍ਹੋ : Yamuna River Flood Alert: ਗੋਕੁਲ ਬੈਰਾਜ਼ ਤੋਂ ਫਿਰ ਛੱਡਿਆ ਗਿਆ ਪਾਣੀ, ਯਮੁਨਾ ਨੇ ਦਿਖਾਇਆ ਭਿਆਨਕ ਰੂਪ…, 40 ਪ…
ਮਲਬੇ ਹੇਠ ਦੱਬੇ ਚਾਰ ਲੋਕਾਂ ਨੂੰ ਬਚਾਇਆ | Turkey Earthquake
ਸਿੰਦਿਰਗੀ ਦੇ ਮੇਅਰ ਸੇਰਕਾਨ ਸਾਕ ਨੇ ਕਿਹਾ ਕਿ ਸ਼ਹਿਰ ’ਚ ਇੱਕ ਢਹਿ ਗਈ ਇਮਾਰਤ ’ਚੋਂ ਚਾਰ ਲੋਕਾਂ ਨੂੰ ਬਚਾਇਆ ਗਿਆ ਹੈ। ਬਚਾਅ ਟੀਮ ਮਲਬੇ ਹੇਠ ਦੱਬੇ ਦੋ ਹੋਰ ਲੋਕਾਂ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਨੇੜਲੇ ਗੋਲਕੁਕ ਪਿੰਡ ਵਿੱਚ ਵੀ ਕਈ ਘਰ ਢਹਿ ਗਏ। ਪਿੰਡ ਵਿੱਚ ਇੱਕ ਮਸਜਿਦ ਦਾ ਮੀਨਾਰ ਵੀ ਢਹਿ ਗਿਆ। ਇਸ ਦੇ ਨਾਲ ਹੀ, ਗ੍ਰਹਿ ਮੰਤਰੀ ਅਲੀ ਯੇਰਲੀਕਾਇਆ ਨੇ ਕਿਹਾ ਕਿ ਸਿੰਦਿਰਗੀ ਵਿੱਚ ਇੱਕ ਢਹਿ ਗਈ ਇਮਾਰਤ ਦੇ ਮਲਬੇ ’ਚੋਂ ਜ਼ਿੰਦਾ ਕੱਢਣ ਤੋਂ ਥੋੜ੍ਹੀ ਦੇਰ ਬਾਅਦ ਇੱਕ ਬਜ਼ੁਰਗ ਔਰਤ ਦੀ ਮੌਤ ਹੋ ਗਈ। ਉਨ੍ਹਾਂ ਕਿਹਾ ਕਿ ਇਲਾਕੇ ਵਿੱਚ ਕੁੱਲ 16 ਇਮਾਰਤਾਂ ਢਹਿ ਗਈਆਂ ਹਨ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਖੰਡਰ ਤੇ ਵਰਤੋਂ ਯੋਗ ਨਹੀਂ ਸਨ। ਉਨ੍ਹਾਂ ਕਿਹਾ ਕਿ ਦੋ ਮਸਜਿਦਾਂ ਦੇ ਮੀਨਾਰ ਵੀ ਢਹਿ ਗਏ। ਮੰਤਰੀ ਨੇ ਕਿਹਾ ਕਿ ਜ਼ਖਮੀਆਂ ’ਚੋਂ ਕਿਸੇ ਦੀ ਹਾਲਤ ਗੰਭੀਰ ਨਹੀਂ ਹੈ।
ਭੂਚਾਲ ਤੋਂ ਬਾਅਦ ਕਈ ਹੋਰ ਝਟਕੇ ਮਹਿਸੂਸ ਕੀਤੇ ਗਏ | Turkey Earthquake
ਤੁਰਕੀ ਦੀ ਆਫ਼ਤ ਅਤੇ ਐਮਰਜੈਂਸੀ ਪ੍ਰਬੰਧਨ ਏਜੰਸੀ ਨੇ ਕਿਹਾ ਕਿ ਭੂਚਾਲ ਤੋਂ ਬਾਅਦ ਕਈ ਹੋਰ ਝਟਕੇ ਮਹਿਸੂਸ ਕੀਤੇ ਗਏ, ਜਿਨ੍ਹਾਂ ਵਿੱਚੋਂ ਇੱਕ ਦੀ ਤੀਬਰਤਾ 4.6 ਸੀ। ਏਜੰਸੀ ਅਨੁਸਾਰ, ਨਾਗਰਿਕਾਂ ਨੂੰ ਨੁਕਸਾਨੀਆਂ ਗਈਆਂ ਇਮਾਰਤਾਂ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ ਗਈ ਹੈ। ਸਥਾਨਕ ਮੀਡੀਆ ਰਿਪੋਰਟਾਂ ਅਨੁਸਾਰ, ਭੂਚਾਲ ਦਾ ਕੇਂਦਰ ਸਿੰਦਿਰਗੀ ਸੀ, ਜਿੱਥੇ ਇੱਕ ਇਮਾਰਤ ਢਹਿ ਗਈ। ਇਹ ਧਿਆਨ ਦੇਣ ਯੋਗ ਹੈ ਕਿ ਤੁਰਕੀ ਵੱਡੀਆਂ ਦਰਾਰਾਂ ਦੇ ਉੱਪਰ ਸਥਿਤ ਹੈ। ਇਸ ਲਈ, ਇੱਥੇ ਅਕਸਰ ਭੂਚਾਲ ਆਉਂਦੇ ਹਨ।
