ਮਾਨ ਦਾ ਵੱਡਾ ਐਲਾਨ, ਅੰਮ੍ਰਿਤਸਰ ’ਚ ਬਣੇਗਾ ਅੰਤਰਰਾਸ਼ਟਰੀ ਕ੍ਰਿਕੇਟ ਸਟੇਡੀਅਮ

ਜਲੰਧਰ ਦੇ ਬਾਲਟਰਨ ਪਾਰਕ ਦਾ ਕੀ ਹੋਵੇਗਾ ਨਵਾਂ ਨਾਂਅ?

ਅੰਮ੍ਰਿਤਸਰ (ਸੱਚ ਕਹੂੰ ਨਿਊਜ਼)। Bhagwant Mann Stadium Announcement: ਬੁੱਧਵਾਰ ਨੂੰ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਜਲੰਧਰ ’ਚ ਸਨ। ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਵੀ ਉਨ੍ਹਾਂ ਦੇ ਨਾਲ ਸਨ। ਇਸ ਦੌਰਾਨ ਸੀਐਮ ਮਾਨ ਨੇ ਐਲਾਨ ਕੀਤਾ ਹੈ ਕਿ ਅੰਮ੍ਰਿਤਸਰ ’ਚ ਵੀ ਇੱਕ ਅੰਤਰਰਾਸ਼ਟਰੀ ਕ੍ਰਿਕੇਟ ਸਟੇਡੀਅਮ ਬਣਾਇਆ ਜਾਵੇਗਾ ਤੇ ਪੰਜਾਬ ਦੀਆਂ ਟੀਮਾਂ ਨੂੰ ਮੈਦਾਨਾਂ ’ਚ ਖੇਡਣ ਲਈ ਦੂਜੇ ਸੂਬਿਆਂ ’ਚ ਨਹੀਂ ਜਾਣਾ ਪਵੇਗਾ। ਪੰਜਾਬ ’ਚ ਤਿੰਨ ਅੰਤਰਰਾਸ਼ਟਰੀ ਸਟੇਡੀਅਮ ਹੋਣਗੇ। ਬੁੱਧਵਾਰ ਨੂੰ ਜਲੰਧਰ ’ਚ, ਸੀਐਮ ਭਗਵੰਤ ਮਾਨ ਤੇ ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਬਾਲਟਰਨ ਪਾਰਕ ਪਹੁੰਚੇ ਤੇ ਸੂਬੇ ਦੇ ਨਵੇਂ ਸਪੋਰਟਸ ਹੱਬ ਦਾ ਨੀਂਹ ਪੱਥਰ ਰੱਖਿਆ। Bhagwant Mann Stadium Announcement

ਇਹ ਖਬਰ ਵੀ ਪੜ੍ਹੋ : Jyoti Malhotra: ਯੂਟਿਊਬਰ ਜੋਤੀ ਮਲਹੋਤਰਾ ਦੀ ਜ਼ਮਾਨਤ ਰੱਦ, ਵਕੀਲ ਕਰਨਗੇ ਸੈਸ਼ਨ ਕੋਰਟ ’ਚ ਅਪੀਲ

ਉਨ੍ਹਾਂ ਨੇ 77.77 ਕਰੋੜ ਰੁਪਏ ਦੇ ਉਕਤ ਪ੍ਰੋਜੈਕਟ ਦਾ ਨੀਂਹ ਪੱਥਰ ਰੱਖਿਆ। ਇਸ ਦੌਰਾਨ ਪੰਜਾਬ ਦੇ ਸਥਾਨਕ ਸਰਕਾਰਾਂ ਮੰਤਰੀ ਡਾ. ਰਵਜੋਤ ਸਿੰਘ, ਮਹਿੰਦਰ ਭਗਤ ਤੋਂ ਇਲਾਵਾ, ਸਾਰੇ ਵਿਧਾਇਕ ਤੇ ਰਾਜ ਸਭਾ ਮੈਂਬਰ ਕ੍ਰਿਕੇਟਰ ਹਰਭਜਨ ਸਿੰਘ, ਸੰਤ ਸੀਚੇਵਾਲ ਤੇ ਐਲਪੀਯੂ ਦੇ ਚਾਂਸਲਰ ਅਸ਼ੋਕ ਮਿੱਤਲ ਵੀ ਮੌਜ਼ੂਦ ਸਨ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਉਹ ਵੀ ਖੇਡ ਪ੍ਰੇਮੀ ਹਨ। ਮੈਂ ਜਲੰਧਰ ਦੇ ਲੋਕਾਂ ਨੂੰ ਦੇਸ਼ ਨੂੰ ਇੰਨੇ ਸਾਰੇ ਖਿਡਾਰੀ ਦੇਣ ਲਈ ਵਧਾਈ ਦਿੰਦਾ ਹਾਂ, ਜਿਨ੍ਹਾਂ ਦੀ ਗਿਣਤੀ ਨਹੀਂ ਕੀਤੀ ਜਾ ਸਕਦੀ।

ਅੱਜ ਭਾਰਤੀ ਹਾਕੀ ਟੀਮ ’ਚ 8 ਖਿਡਾਰੀ ਜਲੰਧਰ ਦੇ ਹਨ। ਸਾਬਕਾ ਭਾਰਤੀ ਕ੍ਰਿਕੇਟਰ ਹਰਭਜਨ ਸਿੰਘ ਵੀ ਜਲੰਧਰ ਦੇ ਬਾਲਟਰਨ ਪਾਰਕ ’ਚ ਖੇਡਦੇ ਹੋਏ ਵੱਡੇ ਹੋਏ ਤੇ ਵੱਡੇ ਦੇਸ਼ਾਂ ’ਚ ਗਏ ਤੇ ਭਾਰਤ ਨੂੰ ਮਾਣ ਦਿਵਾਇਆ। ਇਹ ਕੋਈ ਛੋਟੀ ਗੱਲ ਨਹੀਂ ਹੈ ਕਿ ਇੱਕ ਕ੍ਰਿਕਟਰ ਇੱਥੋਂ ਉੱਠਿਆ ਤੇ ਵਿਦੇਸ਼ਾਂ ਵਿੱਚ ਦੇਸ਼ ਦਾ ਝੰਡਾ ਬੁਲੰਦ ਕੀਤਾ। ਮਾਨ ਨੇ ਕਿਹਾ ਕਿ ਮੇਰੇ ਪਿਤਾ ਤੇ ਪਰਿਵਾਰ ਨੂੰ ਖੇਡਾਂ ਬਹੁਤ ਪਸੰਦ ਸਨ। ਉਹ ਹਾਕੀ ਤੇ ਕ੍ਰਿਕੇਟ ਦੇ ਸ਼ੌਕੀਨ ਸਨ। ਹਾਕੀ ਸਾਡੇ ਪੰਜਾਬ ਦੀ ਪਛਾਣ ਸੀ, ਪਰ ਪਿਛਲੀਆਂ ਸਰਕਾਰਾਂ ਨੇ ਪੰਜਾਬ ਨੂੰ ਬਰਬਾਦ ਕਰ ਦਿੱਤਾ। ਪਰ ਅਸੀਂ ਪੰਜਾਬ ਨੂੰ ਦੁਬਾਰਾ ਪੁਰਾਣਾ ਪੰਜਾਬ ਬਣਾਵਾਂਗੇ। Bhagwant Mann Stadium Announcement

ਦਿੱਗਜ਼ ਖਿਡਾਰੀ ਦੇ ਨਾਂਅ ’ਤੇ ਹੋਵੇਗਾ ਬਾਲਟਰਨ ਪਾਰਕ ਦਾ ਨਾਂਅ

ਮਾਨ ਨੇ ਕਿਹਾ ਕਿ ਅਸੀਂ ਬਾਲਟਰਨ ਪਾਰਕ ਦਾ ਨਾਂਅ ਵੀ ਬਦਲ ਦੇਵਾਂਗੇ। ਇਸ ਬਾਰੇ ਸੀਐਮ ਮਾਨ ਨੇ ਸਾਬਕਾ ਕ੍ਰਿਕੇਟਰ ਹਰਭਜਨ ਸਿੰਘ ਨੂੰ ਕਿਹਾ ਕਿ ਬਾਲਟਰਨ ਪਾਰਕ ਦਾ ਨਾਂਅ ਇੱਕ ਮਹਾਨ ਖਿਡਾਰੀ ਦੇ ਨਾਂਅ ’ਤੇ ਰੱਖਿਆ ਜਾਵੇਗਾ। ਖੇਡਾਂ ’ਚ ਪੰਜਾਬ ਸਿਖਰ ’ਤੇ ਹੈ। ਭਾਰਤੀ ਕ੍ਰਿਕੇਟ ਟੀਮ ਦੀ ਕਪਤਾਨ, ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਦੀ ਕਪਤਾਨ ਤੇ ਭਾਰਤੀ ਫੁੱਟਬਾਲ ਟੀਮ ਦੀ ਕਪਤਾਨ ਸਾਡੇ ਪੰਜਾਬ ਤੋਂ ਹਨ। ਇਹ ਸਾਡੇ ਪੰਜਾਬ ਦਾ ਖੇਡਾਂ ’ਚ ਯੋਗਦਾਨ ਹੈ। ਇਸ ਲਈ ਬੱਚਿਆਂ ਨੂੰ ਦੱਸਿਆ ਜਾਣਾ ਚਾਹੀਦਾ ਹੈ ਕਿ ਸਾਨੂੰ ਆਪਣੇ ਬੱਚਿਆਂ ਨੂੰ ਖਿਡਾਰੀਆਂ ਵਾਂਗ ਬਣਾਉਣਾ ਹੈ। Bhagwant Mann Stadium Announcement

ਇੱਕ ਸਾਲ ’ਚ ਤਿਆਰ ਹੋਵੇਗਾ ਸਪੋਰਟਸ ਹੱਬ

ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਅੱਜ ਦਾ ਦਿਨ ਜਲੰਧਰ ਦੇ ਇਤਿਹਾਸ ’ਚ ਇੱਕ ਇਤਿਹਾਸਕ ਦਿਨ ਹੋਵੇਗਾ। ਕਿਉਂਕਿ ਇਸ ਸਪੋਰਟਸ ਹੱਬ ’ਚ ਬਹੁਤ ਸਾਰੀਆਂ ਖੇਡਾਂ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਹਰ ਰੋਜ਼ ਹਜ਼ਾਰਾਂ ਲੋਕ ਇਸ ਪਾਰਕ ਵਿੱਚ ਆ ਕੇ ਆਪਣੀਆਂ ਖੇਡਾਂ ਖੇਡ ਸਕਣਗੇ। ਇਹ ਸਪੋਰਟਸ ਹੱਬ ਇੱਕ ਸਾਲ ਦੇ ਅੰਦਰ ਤਿਆਰ ਹੋ ਜਾਵੇਗਾ, ਇੱਕ ਸਾਲ ਬਾਅਦ ਮੈਂ ਤੇ ਭਗਵੰਤ ਮਾਨ ਦੋਵੇਂ ਇੱਥੇ ਦੁਬਾਰਾ ਖੇਡਣ ਲਈ ਆਵਾਂਗੇ। Bhagwant Mann Stadium Announcement