ਪਤਨੀ ਰਿਤਿਕਾ ਦੇ ਵਹਿ ਤੁਰੇ ਹੰਝੂ | Rohit Sharma Stand Wankhede Stadium
Rohit Sharma Stand Wankhede Stadium: ਸਪੋਰਟਸ ਡੈਸਕ। ਮਹਾਨ ਭਾਰਤੀ ਕ੍ਰਿਕੇਟਰ ਸਚਿਨ ਤੇਂਦੁਲਕਰ ਤੇ ਸੁਨੀਲ ਗਾਵਸਕਰ ਵਾਂਗ, ਹੁਣ ਰੋਹਿਤ ਸ਼ਰਮਾ ਦੇ ਨਾਂਅ ’ਤੇ ਇੱਕ ਸਟੈਂਡ ਵੀ ਵਾਨਖੇੜੇ ਸਟੇਡੀਅਮ ’ਚ ਦਿਖਾਈ ਦੇਵੇਗਾ। ਰੋਹਿਤ ਸ਼ਰਮਾ ਲਈ ਇਹ ਬਹੁਤ ਖਾਸ ਪਲ ਸੀ ਜਦੋਂ ਉਨ੍ਹਾਂ ਦੇ ਮਾਪਿਆਂ ਨੇ ਵਾਨਖੇੜੇ ਸਟੇਡੀਅਮ ਵਿੱਚ ਇੱਕ ਬਟਨ ਦਬਾ ਕੇ ਆਪਣੇ ਪੁੱਤਰ ਦੇ ਨਾਂਅ ’ਤੇ ਬਣੇ ਸਟੈਂਡ ਦਾ ਉਦਘਾਟਨ ਕੀਤਾ। ਰੋਹਿਤ ਦੀ ਪਤਨੀ ਰਿਤਿਕਾ ਸਜਦੇਹ, ਜੋ ਇਸ ਖਾਸ ਪਲ ਦਾ ਹਿੱਸਾ ਸੀ, ਦੀਆਂ ਅੱਖਾਂ ’ਚ ਹੰਝੂ ਸਨ। ਰੋਹਿਤ ਸ਼ਰਮਾ ਦੀ ਕਪਤਾਨੀ ਹੇਠ ਭਾਰਤ ਨੇ ਦੋ ਆਈਸੀਸੀ ਟਰਾਫੀਆਂ ਜਿੱਤੀਆਂ ਹਨ। 2024 ’ਚ ਭਾਰਤ ਨੂੰ ਟੀ-20 ਵਿਸ਼ਵ ਕੱਪ ਜਿੱਤਣ ’ਚ ਅਗਵਾਈ ਕਰਨ ਤੋਂ ਬਾਅਦ, ਰੋਹਿਤ ਨੇ ਟੀ-20 ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਸੰਨਿਆਸ ਲੈ ਲਿਆ। ਹਾਲ ਹੀ ’ਚ, ਇਸ ਮਹਾਨ ਬੱਲੇਬਾਜ਼ ਨੇ ਟੈਸਟ ਫਾਰਮੈਟ ਨੂੰ ਵੀ ਅਲਵਿਦਾ ਕਿਹਾ। ਹੁਣ ਉਹ ਵਨਡੇ ਫਾਰਮੈਟ ’ਚ ਖੇਡਦੇ ਨਜ਼ਰ ਆਉਣਗੇ।
ਇਹ ਖਬਰ ਵੀ ਪੜ੍ਹੋ : HBSE 10th Result 2025: ਅੱਜ ਐਲਾਨਿਆ ਜਾਵੇਗਾ ਹਰਿਆਣਾ ਬੋਰਡ 10ਵੀਂ ਦਾ ਨਤੀਜਾ, ਪੜ੍ਹੋ ਤਾਜ਼ਾ ਅਪਡੇਟ
ਮਾਪਿਆਂ ਨੇ ‘ਰੋਹਿਤ ਸ਼ਰਮਾ’ ਸਟੈਂਡ ਦਾ ਕੀਤਾ ਉਦਘਾਟਨ | Rohit Sharma
ਰੋਹਿਤ ਸ਼ਰਮਾ ਦੇ ਸਟੈਂਡ ਦਾ ਉਦਘਾਟਨ ਵਾਨਖੇੜੇ ਸਟੇਡੀਅਮ ਵਿਖੇ ਕੀਤਾ ਗਿਆ। ਇਸ ਖਾਸ ਮੌਕੇ ’ਤੇ ਭਾਰਤੀ ਇੱਕ ਰੋਜ਼ਾ ਪੁਰਸ਼ ਕ੍ਰਿਕੇਟ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ ਤੇ ਉਨ੍ਹਾਂ ਦਾ ਪਰਿਵਾਰ, ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ, ਐਨਸੀਪੀ-ਐਸਸੀਪੀ ਮੁਖੀ ਸ਼ਰਦ ਪਵਾਰ ਤੇ ਹੋਰ ਵੀ ਮੌਜ਼ੂਦ ਸਨ। ਇਸ ਯਾਦਗਾਰੀ ਪਲ ਨੂੰ ਰੋਹਿਤ ਸ਼ਰਮਾ ਦੇ ਮਾਪਿਆਂ ਨੇ ਹੋਰ ਵੀ ਖਾਸ ਬਣਾ ਦਿੱਤਾ, ਜਿਨ੍ਹਾਂ ਨੇ ਆਪਣੇ ਹੱਥਾਂ ਨਾਲ ਇੱਕ ਬਟਨ ਦਬਾ ਕੇ ਵਾਨਖੇੜੇ ਸਟੇਡੀਅਮ ’ਚ ਆਪਣੇ ਪੁੱਤਰ ਦੇ ਨਾਂਅ ’ਤੇ ਇੱਕ ਸਟੈਂਡ ਦਾ ਉਦਘਾਟਨ ਕੀਤਾ। ਭਾਰਤੀ ਕਪਤਾਨ ਦੇ ਸਨਮਾਨ ਵਿੱਚ, ‘ਦਿਵੇਚਾ ਪੈਵੇਲੀਅਨ ਲੈਵਲ 3’ ਦਾ ਨਾਂਅ ਉਨ੍ਹਾਂ ਦੇ ਨਾਂਅ ’ਤੇ ਰੱਖਿਆ ਗਿਆ ਸੀ। ਇਸ ਮੌਕੇ ਉਨ੍ਹਾਂ ਦੀ ਪਤਨੀ ਰਿਤਿਕਾ ਸਜਦੇਹ ਵੀ ਮੌਜੂਦ ਸੀ, ਜੋ ਆਪਣੇ ਖੁਸ਼ੀ ਦੇ ਹੰਝੂ ਨਹੀਂ ਰੋਕ ਸਕੀ।
ਰੋਹਿਤ ਨੇ ਆਪਣੀ ਖੁਸ਼ੀ ਇਸ ਤਰ੍ਹਾਂ ਪ੍ਰਗਟ ਕੀਤੀ
ਵਾਨਖੇੜੇ ਵਿਖੇ ਆਪਣੇ ਨਾਂਅ ’ਤੇ ਰੱਖੇ ਜਾਣ ਵਾਲੇ ਸਟੈਂਡ ਦੇ ਉਦਘਾਟਨ ਸਮਾਰੋਹ ਵਿੱਚ, ਰੋਹਿਤ ਸ਼ਰਮਾ ਨੇ ਕਿਹਾ, ‘ਅੱਜ ਜੋ ਹੋਣ ਵਾਲਾ ਹੈ, ਮੈਂ ਕਦੇ ਆਪਣੇ ਸੁਪਨਿਆਂ ’ਚ ਵੀ ਨਹੀਂ ਸੋਚਿਆ ਸੀ।’ ਬਚਪਨ ਵਿੱਚ, ਮੈਂ ਮੁੰਬਈ ਲਈ, ਭਾਰਤ ਲਈ ਖੇਡਣਾ ਚਾਹੁੰਦਾ ਸੀ। ਕੋਈ ਇਸ ਬਾਰੇ ਨਹੀਂ ਸੋਚਦਾ… ਮੇਰਾ ਨਾਂਅ ਖੇਡ ਦੇ ਮਹਾਨ ਖਿਡਾਰੀਆਂ ’ਚ ਸ਼ਾਮਲ ਹੋਵੇ… ਮੈਂ ਇਸਨੂੰ ਸ਼ਬਦਾਂ ਵਿੱਚ ਨਹੀਂ ਬਿਆਨ ਕਰ ਸਕਦਾ… ਇਹ ਇਸ ਲਈ ਵੀ ਖਾਸ ਹੈ ਕਿਉਂਕਿ ਮੈਂ ਅਜੇ ਵੀ ਖੇਡ ਰਿਹਾ ਹਾਂ। ਮੈਂ ਦੋ ਫਾਰਮੈਟਾਂ ਤੋਂ ਸੰਨਿਆਸ ਲੈ ਲਿਆ ਹੈ, ਪਰ ਮੈਂ ਅਜੇ ਵੀ ਇੱਕ ਫਾਰਮੈਟ ਖੇਡ ਰਿਹਾ ਹਾਂ।
ਭਾਰਤ ਨੂੰ ਜਿੱਤਵਾਈਆਂ 2 ICC ਟਰਾਫੀਆਂ
38 ਸਾਲਾਂ ਦੇ ਰੋਹਿਤ ਨੇ 11 ਮਹੀਨਿਆਂ ਦੇ ਅੰਦਰ-ਅੰਦਰ ਟੀ-20 ਅੰਤਰਰਾਸ਼ਟਰੀ ਤੇ ਟੈਸਟ ਕ੍ਰਿਕੇਟ ਤੋਂ ਸੰਨਿਆਸ ਲੈ ਲਿਆ। ਸੱਜੇ ਹੱਥ ਦੇ ਇਸ ਸਲਾਮੀ ਬੱਲੇਬਾਜ਼ ਨੇ ਭਾਰਤ ਲਈ ਦੋ ਟੀ-20 ਵਿਸ਼ਵ ਕੱਪ ਜਿੱਤੇ ਹਨ, ਇੱਕ 2007 ਵਿੱਚ ਇੱਕ ਖਿਡਾਰੀ ਵਜੋਂ ਤੇ ਦੂਜਾ 2024 ’ਚ ਕਪਤਾਨ ਵਜੋਂ। ਸ਼ਰਮਾ ਨੇ ਭਾਰਤ ਨੂੰ 2023 ਦੇ ਇੱਕ ਰੋਜ਼ਾ ਵਿਸ਼ਵ ਕੱਪ ਦੇ ਫਾਈਨਲ ’ਚ ਪਹੁੰਚਾਇਆ, ਜਿੱਥੇ ਮੇਜ਼ਬਾਨ ਟੀਮ ਨੇ ਇੱਕ ਰੋਮਾਂਚਕ ਟੂਰਨਾਮੈਂਟ ਖੇਡਿਆ ਪਰ ਫਾਈਨਲ ’ਚ ਪੈਟ ਕਮਿੰਸ ਦੀ ਅਗਵਾਈ ਵਾਲੀ ਟੀਮ ਅਸਟਰੇਲੀਆ ਇਸ ਤੋਂ ਟੀਮ ਇੰਡੀਆ ਹਾਰ ਗਈ। ਹਾਲਾਂਕਿ, ਰੋਹਿਤ ਦੀ ਅਗਵਾਈ ਵਿੱਚ, ਭਾਰਤ ਨੇ ਲਗਭਗ ਡੇਢ ਸਾਲ ਬਾਅਦ ਦੁਬਈ ਤੇ ਪਾਕਿਸਤਾਨ ’ਚ ਹੋਈ ਚੈਂਪੀਅਨਜ਼ ਟਰਾਫੀ ਜਿੱਤ ਕੇ ਆਪਣਾ ਬਦਲਾ ਲੈ ਲਿਆ।
