ਛੇਤੀ ਹੀ ਪੁਖਤਾ ਪ੍ਰਬੰਧ ਨਹੀਂ ਹੋਇਆ ਤਾਂ ਜਾਮ ਕਰਾਂਗੇ ਪੁੱਲ : ਸਿਵਾਨ
ਸੁਧੀਰ ਅਰੋੜਾ, ਅਬੋਹਰ: ਇੱਕ ਤਰਫ ਜਿੱਥੇ ਪੂਰੇ ਸ਼ਹਿਰ ਵਿੱਚ ਸੀਵਰੇਜ ਪ੍ਰਣਾਲੀ ਦਾ ਭੈੜਾ ਹਾਲ ਹੈ ਉਥੇ ਹੀ ਸਥਾਨਕ ਵਾਰਡ ਨੰਬਰ 17 ‘ਚ ਆਉਂਦੀ ਰਾਮਦੇਵ ਨਗਰੀ ਦੇ ਲੋਕਾਂ ਨੇ ਕੌਂਸਲਰ਼ ਠਾਕਰ ਦਾਸ ਸਿਵਾਨ ਦੀ ਅਗਵਾਈ ਹੇਠ ਬਦਹਾਲ ਸੀਵਰੇਜ ਪ੍ਰਣਾਲੀ ਦੇ ਰੋਸ਼ ਵਜੋਂ ਅੱਜ ਗਲੀ ਨੰਬਰ 5 ਆਰਿਆ ਨਗਰੀ ਵਿੱਚ ਧਰਨਾ ਲਗਾਕੇ ਪ੍ਰਸ਼ਾਸਨ ਨੂੰ ਕੋਸ਼ਿਆ । ਇਸ ਮੌਕੇ ਉੱਤੇ ਭਜਨ ਗਾਇਕ ਗੋਬਿੰਦ ਸਾਗਰ ਨੇ ਹਰਮੋਨਿਅਮ ਉੱਤੇ ਸੰਗੀਤ ਦੁਆਰਾ ਆਪਣੇ ਖੇਤਰ ਦੀ ਸਮੱਸਿਆ ਨੂੰ ਸੁਣਾਉਂਦੇ ਹੋਏ ਲੋਕਾਂ ਦੀ ਸਮੱਸਿਆ ਦੱਸੀ । ਉਥੇ ਹੀ ਸੀਵਰੇਜ ਬੋਰਡ ਦੇ ਏਸਡੀਓ ਹਰਸ਼ਰਣਜੀਤ ਸਿੰਘ ਨੇ ਜਲਦੀ ਸੀਵਰੇਜ ਪ੍ਰਣਾਲੀ ਨੂੰ ਸੁਧਾਰਣ ਦਾ ਭਰੋਸਾ ਦਿੱਤਾ ।
ਲੱਤਾਂ ਦੇ ਨਾਲ ਨਾਲ ਔਰਤਾਂ ਦੇ ਗਹਿਣੇ ਵੀ ਹੋਏ ਖ਼ਰਾਬ : ਕਮਲਾ ਦੇਵੀ
ਇਸ ਮੌਕੇ ਮੁਹੱਲਾ ਵਾਸੀ ਗੁੱਡੀ ਦੇਵੀ, ਕਮਲਾ ਦੇਵੀ, ਸੰਤੋਸ਼ ਦੇਵੀ, ਰੇਸ਼ਮਾ ਦੇਵੀ, ਮੀਰਾਂ ਦੇਵੀ, ਲਕਸ਼ਮੀ ਦੇਵੀ, ਕਲਾਵੰਤੀ ਨੇ ਕਿਹਾ ਕਿ ਪਿਛਲੇ ਲੰਬੇ ਸਮਾਂ ਤੋਂ ਗਲੀਆਂ ਵਿੱਚ ਦੂਸ਼ਿਤ ਪਾਣੀ ਪਸਰਿਆ ਹੋਣ ਨਾਲ ਬੱਚੀਆਂ ਨੂੰ ਦੂਸਿਤ ਪਾਣੀ ਵਿੱਚੋ ਲੰਘ ਕੇ ਸਕੂਲ ਜਾਣਾ ਪੈ ਰਿਹਾ ਹੈ । ਜਦੋਂ ਕਿ ਮਹੱਲੇ ਦੇ ਲੋਕਾਂ ਨੂੰ ਚਮਡੀ ਦੀਆਂ ਬਿਮਾਰੀਆਂ ਤੱਕ ਹੋ ਰਹੀ ਹੈ । ਉਨ੍ਹਾਂ ਦੱਸਿਆ ਕਿ ਸੀਵਰੇਜ ਦੇ ਕਾਲੇ ਪਾਣੀ ਦੇ ਕਾਰਨ ਉਨ੍ਹਾਂ ਦੀਆਂ ਲੱਤਾਂ ਵਿੱਚ ਪਾਏ ਚਾਂਦੀ ਦੇ ਕੜੇ ਤੱਕ ਕਾਲੇ ਹੋ ਚੁੱਕੇ ਹਨ ।
ਅਮ੍ਰਿਤ ਯੋਜਨਾ ਦੇ ਤਹਿਤ ਹੀ ਹੋਵੇਗਾ ਸੀਵਰੇਜ ਦਾ ਹੱਲ: ਐਸਡੀਓ
ਐਸਡੀਓ ਹਰਸ਼ਰਣਜੀਤ ਸਿੰਘ ਨੇ ਕਿਹਾ ਕਿ ਠਾਕਰ ਆਬਾਦੀ ਦਾ ਵਾਰਡ ਦਾ ਪੱਧਰ ਨੀਵਾਂ ਹੋਣ ਦੇ ਕਾਰਨ ਬਰਸਾਤੀ ਪਾਣੀ ਇੱਥੇ ਜਮਾਂ ਹੋ ਗਿਆ ਹੈ ਅਤੇ ਸਿਲਟ ਜਮਾਂ ਹੋਣ ਨਾਲ ਸੀਵਰੇਜ ਬਲਾਕ ਹੋ ਗਏ ਹਨ, ਇਨ੍ਹਾਂ ਸੀਵਰਾਂ ਦੀ ਸਫਾਈ ਲਈ ਅੱਜ ਤੋਂ ਡੀਸਿਲਟਿੰਗ ਮਸ਼ੀਨਾਂ ਲਗਾਕੇ ਸਫਾਈ ਕਾਰਜ ਸ਼ੁਰੂ ਕਰਵਾ ਦਿੱਤਾ ਜਾਵੇਗਾ । ਉਨ੍ਹਾਂ ਦੱਸਿਆ ਕਿ ਅਮ੍ਰਿਤ ਯੋਜਨਾ ਸਕੀਮ ਦੇ ਸ਼ੁਰੂ ਹੋਣ ਦੇ ਬਾਅਦ ਸੀਵਰੇਜ ਪ੍ਰਣਾਲੀ ਦਾ ਠੀਕ ਸਮਾਧਾਨ ਹੋ ਸਕਦਾ ਹੈ । ਉਨ੍ਹਾਂ ਦੱਸਿਆ ਕਿ ਮੇਨ ਹਾਲ ਦੀ ਡਿਜਾਇਨਿੰਗ ਦੇ ਕਾਰਨ ਇਹ ਕੰਮ ਲਟਕੀਆ ਹੋਇਆ ਹੈ ਜੋ ਜਲਦੀ ਹੀ ਹੱਲ ਹੋ ਜਾਵੇਗਾ ।
