Hokato Sema Wins Bronze Medal: ਤੁਹਾਨੂੰ ਜਾਣ ਕੇ ਬਹੁਤ ਖੁਸ਼ੀ ਹੋਵੇਗੀ ਕਿ ਪੈਰਾਓਲੰਪਿਕ ’ਚ ਹੋਕਾਟੋ ਹੋਟਜੇ ਸੇਮਾ ਨੇ ਇਤਿਹਾਸ ਰਚ ਦਿੱਤਾ ਹੈ। ਉਹ ਪੈਰਿਸ ਪੈਰਾਲੰਪਿਕ 2024 ਵਿੱਚ ਦੇਸ਼ ਲਈ ਤਮਗਾ ਲਿਆਉਣ ਵਾਲਾ 27ਵਾਂ ਐਥਲੀਟ ਬਣ ਗਿਆ ਹੈ। 40 ਸਾਲਾ ਹੋਕਾਟੋ ਨੇ ਪੁਰਸ਼ਾਂ ਦੇ ਸ਼ਾਟ ਪੁਟ ਐਫ57 ਈਵੈਂਟ ਵਿੱਚ ਅਦੁੱਤੀ ਸਾਹਸ ਦਾ ਸਬੂਤ ਦਿੰਦਿਆਂ 14.65 ਮੀਟਰ ਥਰੋਅ ਨਾਲ ਈਵੈਂਟ ਵਿੱਚ ਤੀਜਾ ਸਥਾਨ ਹਾਸਲ ਕੀਤਾ। ਜਿਸ ਨਾਲ ਉਸ ਨੇ ਕਾਂਸੀ ਦਾ ਤਗਮਾ ਜਿੱਤਿਆ ਹੈ। ਭਾਵੇਂ ਨਾਗਾਲੈਂਡ ਦੇ ਰਹਿਣ ਵਾਲੇ ਹੋਕਾਟੋ ਦੀ ਕਹਾਣੀ ਬਹੁਤ ਦਰਦਨਾਕ ਹੈ ਪਰ ਹਾਲਾਤ ਦੀ ਪ੍ਰਵਾਹ ਨਾ ਕਰਦਿਆਂ ਉਸ ਨੇ ਜੀਅਤੋਡ਼ ਮਿਹਨਤ ਕੀਤੀ ਅਤੇ ਅੱਜ ਆਪਣੇ ਦੇਸ਼ ਲਈ ਮੈਡਲ ਲਿਆ ਕੇ ਇਤਿਹਾਸ ਰਚਿਆ ਹੈ। Paralympics 2024
ਹੋਕਾਟੋ ਨੇ ਭਾਰਤੀ ਫੌਜ ਵਿੱਚ ਵੀ ਸੇਵਾ ਨਿਭਾਈ ਹੈ। Paralympics 2024
ਤੁਹਾਨੂੰ ਦੱਸ ਦੇਈਏ ਕਿ ਹੋਕਾਟੋ ਦਾ ਜਨਮ 24 ਦਸੰਬਰ 1983 ਨੂੰ ਨਾਗਾਲੈਂਡ ਦੇ ਇੱਕ ਆਮ ਪਰਿਵਾਰ ਵਿੱਚ ਹੋਇਆ ਸੀ। ਦੇਸ਼ ਦੀ ਸੇਵਾ ਕਰਨ ਦਾ ਜਨੂੰਨ ਬਚਪਨ ਤੋਂ ਹੀ ਸੀ। ਸਿਰਫ 17 ਸਾਲ ਦੀ ਉਮਰ ਵਿੱਚ, ਹੋਕਾਟੋ ਭਾਰਤੀ ਫੌਜ ਵਿੱਚ ਭਰਤੀ ਹੋ ਗਿਆ। ਜਿਸ ਦੌਰਾਨ ਉਹ ਸਪੈਸ਼ਲ ਫੋਰਸ ਦਾ ਹਿੱਸਾ ਬਣ ਗਿਆ। ਉਸ ਦੀ ਡਿਊਟੀ ਐਲਓਸੀ ‘ਤੇ ਸੀ। ਜਿਸ ਕਾਰਨ 14 ਅਕਤੂਬਰ 2002 ਨੂੰ ਇੱਕ ਹਮਲੇ ਦੌਰਾਨ ਬਾਰੂਦੀ ਸੁਰੰਗ ‘ਤੇ ਪੈਰ ਰੱਖਣ ਦੌਰਾਨ ਉਸ ਨੇ ਆਪਣੀ ਖੱਬੀ ਲੱਤ ਗੁਆ ਦਿੱਤੀ ਸੀ। ਇਸ ਤੋਂ ਬਾਅਦ ਵੀ ਹਾਰ ਨਾ ਮੰਨਦਿਆਂ ਹੋਕਟੋ ਨੇ ਸਿਰਫ 32 ਸਾਲ ਦੀ ਉਮਰ ਵਿੱਚ 2016 ਵਿੱਚ ਐਥਲੈਟਿਕਸ ਵਿੱਚ ਹਿੱਸਾ ਲਿਆ ਅਤੇ ਉਸਨੇ ਆਪਣੀ ਪੂਰੀ ਤਾਕਤ ਨਾਲ ਸ਼ਾਟ ਪੁਟ ਲਈ ਤਿਆਰੀ ਕੀਤੀ।
ਇਹ ਵੀ ਪੜ੍ਹੋ: Cab Drivers Strike: ਟਰਾਈਸਿਟੀ ’ਚ ਕੈਬ ਡਰਾਈਵਰਾਂ ਦੀ ਹੜਤਾਲ
ਸ਼ਾਟ ਪੁਟ F57 ਫਾਈਨਲ ‘ਚ ਕੀਤਾ ਸ਼ਾਨਦਾਰ ਪ੍ਰਦਰਸ਼ਨ | Paralympics 2024
ਹੋਕਾਟੋ ਨੇ ਪੈਰਾਲੰਪਿਕ ਵਿੱਚ ਭਾਰਤ ਲਈ ਸੋਨ ਤਮਗਾ ਜਿੱਤ ਕੇ ਇੱਕ ਮਿਸਾਲ ਕਾਇਮ ਕੀਤੀ। ਪੁਰਸ਼ਾਂ ਦੇ ਸ਼ਾਟ ਪੁਟ F57 ਵਰਗ ਦੇ ਫਾਈਨਲ ਮੈਚ ਵਿੱਚ ਉਸ ਨੇ ਕਮਾਲ ਕਰ ਦਿੱਤਾ। ਜਿਸ ‘ਚ ਉਸ ਨੇ 14.65 ਮੀਟਰ ਦੀ ਦੂਰੀ ‘ਤੇ ਸਰਵੋਤਮ ਥਰੋਅ ਕੀਤਾ। ਇਹ ਉਸ ਦਾ ਬਹੁਤ ਵਧੀਆ ਪ੍ਰਦਰਸ਼ਨ ਸੀ। ਦੂਜੇ ਪਾਸੇ ਇਰਾਨ ਦੇ ਯਾਸ਼ਿਨ ਖੋਸਰਾਵੀ ਨੇ 15.96 ਮੀਟਰ ਦੀ ਦੂਰੀ ਸੁੱਟ ਕੇ ਸੋਨ ਤਗ਼ਮਾ ਜਿੱਤਿਆ, ਜਦਕਿ ਬ੍ਰਾਜ਼ੀਲ ਦੇ ਥਿਆਗੋ ਪੌਲੀਨੋ ਨੇ 15.06 ਮੀਟਰ ਦੀ ਦੂਰੀ ਸੁੱਟ ਕੇ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਜਿਸ ਨਾਲ ਹੋਕਾਟੋ ਪੈਰਾਲੰਪਿਕ ‘ਚ ਤੀਜੇ ਸਥਾਨ ‘ਤੇ ਰਿਹਾ।
