ਐਨਡੀਆਰਐਫ ਦੀ ਟੀਮ ਕਰ ਰਹੀ ਹੈ ਭਾਲ | Canal
ਬਠਿੰਡਾ (ਸੁਖਜੀਤ ਮਾਨ)। ਬਠਿੰਡਾ ਦੀ ਸਰਹਿੰਦ ਨਹਿਰ (Canal) ਵਿੱਚ ਨਹਾਉਣ ਲਈ ਉੱਤਰੇ ਦੋ ਨੌਜਵਾਨਾਂ ਦੇ ਡੁੱਬਣ ਦਾ ਪਤਾ ਲੱਗਿਆ ਹੈ। ਐਨਡੀਆਰਐਫ ਤੋਂ ਇਲਾਵਾ ਸ਼ਹਿਰ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਦੇ ਵਲੰਟੀਅਰਾਂ ਵੱਲੋਂ ਨੌਜਵਾਨਾਂ ਨੂੰ ਭਾਲਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਵੇਰਵਿਆਂ ਮੁਤਾਬਿਕ ਬੀਤੀ ਰਾਤ ਕੁਝ ਨੌਜਵਾਨ ਨਹਾਉਣ ਲਈ ਸਰਹਿੰਦ ਨਹਿਰ ਵਿੱਚ ਉੱਤਰੇ ਸੀ, ਜਿੰਨ੍ਹਾਂ ਵਿੱਚੋਂ ਦੋ ਲਾਪਤਾ ਹਨ। ਰਾਤ ਤੋਂ ਸਮਾਜ ਸੇਵੀ ਸੰਸਥਾ ਨੌਜਵਾਨ ਵੈਲਫ਼ੇਅਰ ਸੁਸਾਇਟੀ ਦੇ ਵਲੰਟੀਅਰ ਭਾਲ ਵਿੱਚ ਜੁਟੇ ਹੋਏ ਸੀ ਪਰ ਕੁਝ ਪਤਾ ਨਹੀਂ ਲੱਗਿਆ।
ਅੱਜ ਸਵੇਰ ਤੋਂ ਐਨਡੀਆਰਐਫ ਦੀ ਟੀਮ ਵੀ ਡੁੱਬੇ ਹੋਏ ਨੌਜਵਾਨਾਂ ਦੀ ਭਾਲ ਵਿੱਚ ਲੱਗੀ ਹੋਈ ਹੈ। ਪਤਾ ਲੱਗਿਆ ਹੈ ਕਿ 4-5 ਨੌਜਵਾਨਾਂ ਨੇ ਰਾਤ ਨਹਿਰ ‘ਤੇ ਪਹਿਲਾਂ ਪਾਰਟੀ ਕੀਤੀ ਫਿਰ ਨਹਿਰ ਵਿੱਚ ਨਹਾਉਣ ਲੱਗ ਪਏ। ਇਹਨਾਂ ਵਿੱਚੋਂ 2 ਨੌਜਵਾਨ ਪਾਣੀ ਦੇ ਤੇਜ ਵਹਿਣ ਵਿੱਚ ਵਹਿ ਗਏ। ਉਹਨਾਂ ਦੇ ਸਾਥੀਆਂ ਨੇ ਬਚਾਉਣ ਲਈ ਲੋਕਾਂ ਨੂੰ ਆਵਾਜ਼ ਮਾਰੀ ਪਰ ਉਦੋਂ ਤੱਕ ਦੋਵੇਂ ਜਣੇ ਡੁੱਬ ਚੁੱਕੇ ਸੀ। ਇਸ ਵੇਲੇ ਐਨਡੀਆਰਐਫ ਦੀ ਟੀਮ ਵੱਲੋਂ ਲਾਪਤਾ ਨੌਜਵਾਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਮੌਕੇ ਤੇ ਨੌਜਵਾਨਾਂ ਦੇ ਪਰਿਵਾਰਾਂ ਤੋਂ ਇਲਾਵਾ ਵੱਡੀ ਗਿਣਤੀ ਲੋਕ ਪਹੁੰਚੇ ਹੋਏ ਹਨ।
ਇਹ ਵੀ ਪੜ੍ਹੋ : ਜਦੋਂ ਪਹਿਲੀ ਵਾਰ ਫਿਲਮ ਦੇਖ ਕੇ ਔਰਤਾਂ ਹੋਈਆਂ ਬੇਹੋਸ਼, ਆਓ ਜਾਣੀਏ ਕੀ ਹੈ ਮਾਮਲਾ…
