ਬੇਇੱਜ਼ਤੀ ਹੋਣ ‘ਤੇ ਸਕੂਲ ਪ੍ਰਸ਼ਾਸਨ ਨੂੰ ਲਿਖਿਆ ਸ਼ਿਕਾਇਤ ਪੱਤਰ
ਮੁਹਾਲੀ (ਐੱਮ ਕੇ ਸ਼ਾਇਨਾ)। ਆਮ ਆਦਮੀ ਪਾਰਟੀ ਸੈਕਟਰ 56 ਦੇ ਕੌਂਸਲਰ ਉਸ ਵੇਲੇ ਅੱਗ ਬਬੂਲਾ ਹੋਏ ਜਦੋਂ ਮੁਹਾਲੀ ਦੇ ਫੇਜ਼ 6 ਸਥਿਤ ਸੇਂਟ ਪਾਲ ਇੰਟਰਨੈਸ਼ਨਲ ਸਕੂਲ ਵਿੱਚ ਪੜ੍ਹਦੀ ਆਪਣੀ ਲੜਕੀ ਲਈ ਸਬੰਧਿਤ ਸਕੂਲ ਦੇ ਪ੍ਰਿੰਸੀਪਲ ਨਾਲ ਗੱਲ ਕਰਨ ਲਈ ਸਕੂਲ ਪੁੱਜੇ ਤਾਂ ਗੇਟ ’ਤੇ ਮੌਜੂਦ ਸੁਰੱਖਿਆ ਗਾਰਡ ਨੇ ਉਸ ਨੂੰ ਸਲੀਪਰ ਪਹਿਨੇ ਹੋਣ ਕਾਰਨ ਸਕੂਲ ਵਿੱਚ ਦਾਖ਼ਲ ਹੋਣ ਤੋਂ ਰੋਕ ਦਿੱਤਾ। ਜਦੋਂ ਨਿਗਮ ਅਧਿਕਾਰੀ ਨੇ ਕਾਰਨ ਪੁੱਛਿਆ ਤਾਂ ਸਕੂਲ ਦੇ ਚੌਕੀਦਾਰ ਨੇ ਕਿਹਾ ਕਿ ਨਿਯਮਾਂ ਮੁਤਾਬਕ ਤੁਸੀਂ ਚੱਪਲਾਂ ਪਾ ਕੇ ਸਕੂਲ ‘ਚ ਦਾਖਲ ਨਹੀਂ ਹੋ ਸਕਦੇ।
ਆਮ ਆਦਮੀ ਪਾਰਟੀ ਸੈਕਟਰ 56 ਤੋਂ ਕੌਂਸਲਰ ਮਨੌਰ ਵੀਰਵਾਰ ਸਵੇਰੇ ਫੇਜ਼ 6 ਸਥਿਤ ਸੇਂਟ ਪਾਲ ਇੰਟਰਨੈਸ਼ਨਲ ਸਕੂਲ ਦੇ ਪ੍ਰਿੰਸੀਪਲ ਨੂੰ ਸਕੂਲ ਵਿੱਚ ਪੜ੍ਹਦੀ ਆਪਣੀ ਧੀ ਲਈ ਕਿਸੇ ਗੱਲ ਬਾਰੇ ਗੱਲ ਕਰਨ ਲਈ ਆਏ ਸਨ ਤਾਂ ਗੇਟ ’ਤੇ ਮੌਜੂਦ ਸਕੂਲ ਦੇ ਚੌਕੀਦਾਰ ਨੇ ਉਨਾਂ ਨੂੰ ਦੇਖ ਲਿਆ ਅਤੇ ਚੱਪਲ ਪਾ ਕੇ ਸਕੂਲ ਦੇ ਅੰਦਰ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਆਪਣੇ ਨਾਲ ਹੋਈ ਇਸ ਘਟਨਾ ਤੋਂ ਹੈਰਾਨ ਹੋ ਕੇ ਕੌਂਸਲਰ ਨੇ ਸਕੂਲ ਪ੍ਰਸ਼ਾਸਨ ਨੂੰ ਪੱਤਰ ਲਿਖ ਕੇ ਭਵਿੱਖ ਵਿੱਚ ਗਰੀਬ ਮਾਪਿਆਂ ਨਾਲ ਦੁਰਵਿਵਹਾਰ ਨਾ ਕਰਨ ਦੀ ਸਲਾਹ ਦਿੱਤੀ।
ਗੱਲ ਕਰਨ ‘ਤੇ ਕੌਂਸਲਰ ਨੇ ਦੱਸਿਆ ਕਿ ਉਹ ਜੁੱਤੀ ਪਾ ਕੇ ਵੀ ਜਾ ਸਕਦਾ ਹੈ ਪਰ ਜੇਕਰ ਸਕੂਲ ‘ਚ ਪੜ੍ਹਦੇ ਬੱਚੇ ਦੇ ਮਾਪਿਆਂ ਦੀ ਆਰਥਿਕ ਹਾਲਤ ਕਮਜ਼ੋਰ ਹੈ ਤਾਂ ਸਕੂਲ ਪ੍ਰਸ਼ਾਸਨ ਨੂੰ ਚਾਹੀਦਾ ਹੈ ਕਿ ਉਹ ਜੁੱਤੀ ਪਾ ਕੇ ਸਕੂਲ ‘ਚ ਦਾਖਲ ਹੋਣ ਲਈ ਇਹ ਹੁਕਮ ਲਾਜ਼ਮੀ ਨਾ ਕਰੇ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter, Instagram, Linkedin , YouTube‘ਤੇ ਫਾਲੋ ਕਰੋ
