ਅਸਥੀਆਂ ’ਤੇ ਲੱਗਣਗੇ ਬੂਟੇ
ਸਰਸਾ (ਸੱਚ ਕਹੂੰ ਨਿਊਜ਼)। 23 ਮਾਰਚ 2014 ਨੂੰ ਡੇਰਾ ਸੱਚਾ ਸੌਦਾ ਦੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ‘ਅਸਥੀਆਂ ਨਾਲ ਪਰਉਪਕਾਰ’ ਨਾਮਕ ਕਾਰਜ ਸ਼ੁਰੂ ਕੀਤਾ ਜਿਸ ਵਿੱਚ ਮਨੁੱਖੀ ਅਸਥੀਆਂ (ਫੁੱਲਾਂ) ’ਤੇ ਰੁੱਖ ਲਾ ਕੇ ਸਮਾਜ ਨੂੰ ਪ੍ਰਦੂਸ਼ਣ ਮੁਕਤ ਕਰਨ ਦਾ ਉਪਰਾਲਾ ਕੀਤਾ ਗਿਆ। ਹੁਣ ਇਹ ਕੰਮ ਭਾਰਤ ਦੇ ਨਾਲ-ਨਾਲ ਅਮਰੀਕਾ ਵਿੱਚ ਵੀ ਵੱਡੇ ਪੱਧਰ ’ਤੇ ਅਪਣਾਇਆ ਜਾ ਰਿਹਾ ਹੈ, ਅਸਲੀਅਤ ਇਹ ਹੈ ਕਿ ਅਮਰੀਕਾ ਦੇ ਪੰਜ ਵੱਡੇ ਸੂਬੇ ਇਸ ਨੂੰ ਅਪਣਾ ਚੁੱਕੇ ਹਨ ਅਤੇ ਹਾਲ ਹੀ ਵਿੱਚ ਨਿਊਯਾਰਕ ਇਸ ਲੜੀ ਵਿੱਚ ਛੇਵਾਂ ਸੂਬਾ ਬਣ ਗਿਆ ਹੈ। (WELFARE FROM BONY CREMATION REMNANTS)
ਜਨਮ ਲੈਣਾ ਅਤੇ ਮਰਨਾ ਮਨੁੱਖੀ ਜੀਵਨ ਦਾ ਸੱਚ ਹੈ। ਮਰਨ ਤੋਂ ਬਾਅਦ ਤੁਹਾਡਾ ਕੋਈ ਕਿੰਨਾ ਵੀ ਪਿਆਰਾ ਕਿਉਂ ਨਾ ਹੋਵੋ, ਉਸ ਨੂੰ ਅੰਤਿਮ ਵਿਦਾਈ ਦੇਣ ਤੋਂ ਬਾਅਦ ਉਹ ਤੁਹਾਡੇ ਨਾਲ ਨਹੀਂ ਰਹਿੰਦਾ, ਪਰ ਹੁਣ ਮੌਸਮੀ ਤਬਦੀਲੀਆਂ ਨਾਲ ਨਜਿੱਠਣ ਅਤੇ ਵਾਤਾਵਰਣ ਨੂੰ ਲਾਭ ਪਹੁੰਚਾਉਣ ਵਾਲੇ ਤਰੀਕਿਆਂ ’ਚ ਅਜਿਹਾ ਸੰਭਵ ਹੋ ਸਕਦਾ ਹੈ ਕਿ ਹਰਿਆਲੀ ’ਚ ਹੋਰ ਵਾਧਾ ਹੋ ਸਕਦਾ ਹੈ ਇਸ ਤਰ੍ਹਾਂ ਦਾ ਤਰੀਕਾ ਅਮਰੀਕਾ ਵਿੱਚ ਅਪਣਾਇਆ ਜਾਣ ਲੱਗਿਆ ਹੈ। (WELFARE FROM BONY CREMATION REMNANTS)
ਇਸ ਤਹਿਤ ਕਿਸੇ ਵਿਅਕਤੀ ਦੀ ਮੌਤ ਤੋਂ ਬਾਅਦ ਉਸ ਦੇ ਪਰਿਵਾਰਕ ਮੈਂਬਰ ਉਸ ਦੀ ਮਿ੍ਰਤਕ ਦੇਹ ਨੂੰ ਕੁਦਰਤੀ ਤੌਰ ’ਤੇ ਕਬਰ ’ਚ ਹੀ ਮਿੱਟੀ ’ਚ ਮਿਲਣ ਦਾ ਇੰਤਜ਼ਾਰ ਨਹੀਂ ਕਰਦੇ। ਇਸ ਦੀ ਬਜਾਏ, ਉਹ ਆਪਣੇ ਅਜ਼ੀਜ਼ਾਂ ਦੀਆਂ ਮਿ੍ਰਤਕ ਦੇਹਾਂ ਨੂੰ ਖਾਦ ਦੇ ਰੂਪ ’ਚ ਬਦਲ ਰਹੇ ਹਨ ਅੱਜ ਤੋਂ 4 ਸਾਲ ਪਹਿਲਾਂ, ਵਾਸ਼ਿੰਗਟਨ ਅਜਿਹਾ ਕਰਨ ਵਾਲਾ ਪਹਿਲਾ ਅਮਰੀਕੀ ਦਾ ਸੂਬਾ ਬਣ ਗਿਆ ਸੀ।
ਵਾਸ਼ਿੰਗਟਨ ਨੇ 2019 ਵਿੱਚ ਕੀਤੀ ਸੀ ਪਹਿਲ
2019 ਵਿੱਚ, ਵਾਸ਼ਿੰਗਟਨ ਮਨੁੱਖੀ ਖਾਦ ਨੂੰ ਕਾਨੂੰਨੀ ਮਾਨਤਾ ਦੇਣ ਵਾਲਾ ਅਮਰੀਕਾ ਦਾ ਪਹਿਲਾ ਸੂਬਾ ਬਣਿਆ ਸੀ ਇਸ ਦੇ ਲਈ ਇੱਥੇ ਇੱਕ ਨਵਾਂ ਕਾਨੂੰਨ ਲਿਆਂਦਾ ਗਿਆ ਸੀ, ਜਿਸ ਦੇ ਤਹਿਤ ਹੁਣ ਉਥੋਂ ਦੇ ਲੋਕ ਮਰਨ ਤੋਂ ਬਾਅਦ ਆਪਣੇ ਸਰੀਰ ਨੂੰ ਮਿੱਟੀ ਵਿੱਚ ਤਬਦੀਲ ਕਰ ਸਕਦੇ ਹਨ। ਇਸ ਪ੍ਰਕਿਰਿਆ ਨੂੰ ਸਸਕਾਰ ਅਤੇ ਦਫ਼ਨਾਉਣ (BONY CREMATION) ਦੇ ਬਦਲ ਵਜੋਂ ਦੇਖਿਆ ਜਾਂਦਾ ਹੈ। ਇਹ ਸ਼ਹਿਰਾਂ ਵਿੱਚ ਇੱਕ ਵਿਹਾਰਕ ਬਦਲ ਵਜੋਂ ਉਭਰਿਆ ਹੈ ਜਿੱਥੇ ਕਬਰਸਤਾਨਾਂ ਲਈ ਜ਼ਮੀਨ ਮਿਲਣਾ ਔਖਾ ਹੈ। ਇਸ ਪ੍ਰਕਿਰਿਆ ਵਿੱਚ, ਖਾਦ ਬਣਾਉਣ ਦੇ ਅੰਤ ਵਿੱਚ, ਪਰਿਵਾਰਾਂ ਨੂੰ ਲਾਸ਼ਾਂ ਵਿੱਚੋਂ ਮਿੱਟੀ ਦਿੱਤੀ ਜਾਂਦੀ ਹੈ, ਜਿਸ ਦੀ ਵਰਤੋਂ ਉਹ ਫੁੱਲ, ਸਬਜ਼ੀਆਂ ਜਾਂ ਰੁੱਖ ਲਾਉਣ ਲਈ ਕਰ ਸਕਦੇ ਹਨ।
ਮੰਗਲਵਾਰ, 21 ਮਈ, 2019 ਨੂੰ, ਗਵਰਨਰ ਜੇ ਇਨਸਲੀ ਨੇ ਕਾਨੂੰਨ ਵਿੱਚ ਬਿੱਲ ’ਤੇ ਦਸਤਖਤ ਕੀਤੇ। ਦਰਅਸਲ, ਉਸ ਸਮੇਂ ਕੈਟਰੀਨਾ ਸਪੇਡ ਨੇ ਇਸ ਕਾਨੂੰਨ ਨੂੰ ਲਾਗੂ ਕਰਨ ਲਈ ਜ਼ੋਰਦਾਰ ਲਾਬਿੰਗ ਕੀਤੀ ਸੀ। ਕੈਟਰੀਨਾ ਨੇ ਸਿਰਫ ਅਜਿਹੀ ਕੰਪਨੀ ਬਣਾਈ ਜੋ ਅਜਿਹੀ ਸੇਵਾ ਪ੍ਰਦਾਨ ਕਰਨ ਵਾਲੀ ਪਹਿਲੀ ਕੰਪਨੀ ਬਣ ਗਈ। ਏਜੰਸੀ ਫਰਾਂਸ-ਪ੍ਰੇਸ ਦੇ ਅਨੁਸਾਰ, ਕੈਟਰੀਨਾ ਸਪੇਡ ਨੇ ਉਸ ਸਮੇਂ ਕਿਹਾ ਸੀ ਕਿ ਰੀਕੰਪੋਜ਼ਿੰਗ ਦਫ਼ਨਾਉਣ ਅਤੇ ਸਸਕਾਰ ਲਈ ਇੱਕ ਵਧੀਆ ਵਿਕਲਪ ਪੇਸ਼ ਕਰਦੀ ਹੈ ਜੋ ਕਿ ਕੁਦਰਤੀ, ਸੁਰੱਖਿਅਤ ਅਤੇ ਟਿਕਾਊ ਹੈ। ਇਹ ਕਾਰਬਨ ਨਿਕਾਸੀ ਨੂੰ ਘਟਾਏਗਾ ਅਤੇ ਨਾਲ ਹੀ ਜ਼ਮੀਨ ਦੀ ਬੱਚਤ ਕਰੇਗਾ ਜੋ ਮੌਤ ਤੋਂ ਬਾਅਦ ਦਫ਼ਨਾਉਣ ਲਈ ਵਰਤੀ ਜਾਂਦੀ ਹੈ।
ਕਾਰਬਨ ਨਿਕਾਸੀ ਵਿੱਚ ਕਮੀ ਆਵੇਗੀ
ਅਮਰੀਕੀ ਫਰਮ ਰੀਕੰਪੋਜ਼ ਦੇ ਅਨੁਸਾਰ, ਦਫ਼ਨਾਉਣ ਦੀ ਇਹ ਨਵੀਂ ਵਿਧੀ ਸਸਕਾਰ ਜਾਂ ਰਵਾਇਤੀ ਦਫ਼ਨਾਉਣ ਦੇ ਮੁਕਾਬਲੇ ਇੱਕ ਟਨ ਕਾਰਬਨ ਨਿਕਾਸੀ ਨੂੰ ਘਟਾਉਂਦੀ ਹੈ। ਕਾਰਬਨ ਡਾਈਆਕਸਾਈਡ ਦਾ ਨਿਕਾਸ ਜਲਵਾਯੂ ਪਰਿਵਰਤਨ ਵਿੱਚ ਮੁੱਖ ਭੂਮਿਕਾ ਨਿਭਾਉਂਦਾ ਹੈ। ਇਸ ਨੂੰ ਜਲਵਾਯੂ ਪਰਿਵਰਤਨ ਦੇ ਮਹੱਤਵਪੂਰਨ ਕਾਰਕਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਇਸ ਕਾਰਨ ਧਰਤੀ ਦੀ ਗਰਮੀ ਧਰਤੀ ਵਿੱਚ ਹੀ ਬਣੀ ਰਹਿੰਦੀ ਹੈ।
ਜਿਸ ਨੂੰ ਗ੍ਰੀਨ ਹਾਊਸ ਇਫੈਕਟ ਕਿਹਾ ਜਾਂਦਾ ਹੈ। ਕਿਸੇ ਵੀ ਮਿ੍ਰਤਕ ਦੇਹ ਨੂੰ ਦਫ਼ਨਾਉਣ ਲਈ ਰਵਾਇਤੀ ਤਰੀਕੇ ਨਾਲ, ਲੱਕੜ ਦੇ ਬਣੇ ਤਾਬੂਤ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਜ਼ਮੀਨ ਅਤੇ ਹੋਰ ਕੁਦਰਤੀ ਸਰੋਤਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਕੰਪੋਸਟਿੰਗ ਦੇ ਸਮੱਰਥਕਾਂ ਦਾ ਕਹਿਣਾ ਹੈ ਕਿ ਇਹ ਨਾ ਸਿਰਫ਼ ਵਾਤਾਵਰਣ ਲਈ ਲਾਭਦਾਇਕ ਬਦਲ ਹੈ, ਸਗੋਂ ਸ਼ਹਿਰਾਂ ਵਿੱਚ ਵੀ ਬਹੁਤ ਲਾਭਦਾਇਕ ਹੈ ਜਿੱਥੇ ਕਬਰਿਸਤਾਨਾਂ ਲਈ ਜ਼ਮੀਨ ਸੀਮਤ ਹੈ।
ਡੇਰਾ ਸੱਚਾ ਸੌਦਾ ਦਾ 102ਵਾਂ ਕੰਮ ਹੈ ‘ਅਸਥੀਆਂ ਤੋਂ ਪਰਉਪਕਾਰ’
ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਰਹਿਨੁਮਾਈ ਹੇਠ ਡੇਰਾ ਸੱਚਾ ਸੌਦਾ ਵੱਲੋਂ ਚਲਾਏ ਜਾ ਰਹੇ 147 ਮਾਨਵਤਾ ਭਲਾਈ ਕਾਰਜਾਂ ਦੀ ਸੂਚੀ ਵਿੱਚ 102ਵਾਂ ਕਾਰਜ ਹੈ ‘ਅਸਥੀਆ (ਫੁੱਲ) ਨਾਲ ਪਰਉਪਕਾਰ’ ਮਨੁੱਖੀ ਅਸਥੀਆਂ ਨਾਲ ਰੁੱਖ ਲਾ ਕੇ ਸਮਾਜ ਨੂੰ ਪ੍ਰਦੂਸ਼ਣ ਮੁਕਤ ਬਣਾਉਣਾ ਇਸ ਕਾਰਜ ਅਨੁਸਾਰ ਡੇਰਾ ਸੱਚਾ ਸੌਦਾ ਦੇ ਪੈਰੋਕਾਰ ਆਪਣੇ ਪਰਿਵਾਰਕ ਮੈਂਬਰ ਦੀ ਮੌਤ ਤੋਂ ਬਾਅਦ ਉਸ ਦੀਆਂ ਅਸਥੀਆਂ ਦਰਿਆਵਾਂ ਅਤੇ ਨਹਿਰਾਂ ਵਿੱਚ ਵਹਾਉਣ ਦੀ ਬਜਾਏ ਆਪਣੇ ਖੇਤਾਂ ’ਚ ਜਾਂ ਘਰ ’ਚ ਉਨ੍ਹਾਂ ’ਤੇ ਰੁੱਖ ਲਾਉਦੇ ਹਨ ਤਾਂ ਜੋ ਉਨ੍ਹਾਂ ਦੇ ਅਜ਼ੀਜ਼ ਦੀ ਯਾਦ ਉਸ ਦੀ ਮੌਤ ਤੋਂ ਬਾਅਦ ਇੱਕ ਰੁੱਖ ਜਾਂ ਬੂਟੇ ਦੇ ਰੂਪ ਵਿੱਚ ਹਮੇਸ਼ਾ ਨਾਲ ਰਹੇ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
