ਮਹਾਰਾਸ਼ਟਰ ਦੇ ਰਾਜਪਾਲ ਦਾ ਵਿਵਾਦਤ ਬਿਆਨ, ਕਿਹਾ ਮੁੰਬਈ ’ਚ ਰਾਜਸਥਾਨੀਆਂ ਗੁਜਰਾਤੀਆਂ ਨੂੰ ਕੱਢ ਦਿਓ ਤਾਂ ਪੈਸਾ ਨਹੀਂ ਬਚੇਗਾ
ਮੁੰਬਈ। ਮਹਾਰਾਸ਼ਟਰ ਦੇ ਰਾਜਪਾਲ ਭਗਤ ਸਿੰਘ ਕੋਸ਼ਿਆਰੀ ਦੀ ਮੁੰਬਈ ਬਾਰੇ ਟਿੱਪਣੀ ਨੂੰ ਲੈ ਕੇ ਵਿਵਾਦ ਸ਼ੁਰੂ ਹੋ ਗਿਆ ਹੈ। ਮੁੰਬਈ ਵਿੱਚ ਇੱਕ ਸਮਾਗਮ ਵਿੱਚ ਉਨ੍ਹਾਂ ਨੇ ਮੁੰਬਈ ਦੇ ਆਰਥਿਕ ਰਾਜਧਾਨੀ ਹੋਣ ਦਾ ਸਿਹਰਾ ਇੱਥੇ ਰਹਿਣ ਵਾਲੇ ਰਾਜਸਥਾਨੀਆਂ ਅਤੇ ਗੁਜਰਾਤੀਆਂ ਨੂੰ ਦਿੱਤਾ। ਪ੍ਰੋਗਰਾਮ ’ਚ ਕੋਸ਼ਿਆਰੀ ਨੇ ਕਿਹਾ ਸੀ, ‘‘ਕਈ ਵਾਰ ਮੈਂ ਇੱਥੋਂ ਦੇ ਲੋਕਾਂ ਨੂੰ ਕਹਿੰਦਾ ਹਾਂ ਕਿ ਜੇਕਰ ਤੁਸੀਂ ਗੁਜਰਾਤੀਆਂ ਅਤੇ ਰਾਜਸਥਾਨੀਆਂ ਨੂੰ ਮਹਾਰਾਸ਼ਟਰ, ਖਾਸ ਕਰਕੇ ਮੁੰਬਈ ਅਤੇ ਠਾਣੇ ਤੋਂ ਬਾਹਰ ਕੱਢ ਦਿਓਗੇ ਤਾਂ ਤੁਹਾਡੇ ਕੋਲ ਇੱਥੇ ਕੋਈ ਪੈਸਾ ਨਹੀਂ ਬਚੇਗਾ। ਇਸ ਨੂੰ ਵਿੱਤੀ ਪੂੰਜੀ ਵੀ ਨਹੀਂ ਕਿਹਾ ਜਾਵੇਗਾ।
ਉਨ੍ਹਾਂ ਦੇ ਇਸ ਬਿਆਨ ਨੇ ਮਹਾਰਾਸ਼ਟਰ ’ਚ ਸੱਤਾਧਾਰੀ ਪਾਰਟੀ ਅਤੇ ਵਿਰੋਧੀ ਧਿਰ ਦੋਵਾਂ ਨੂੰ ਪਰੇਸ਼ਾਨ ਕਰ ਦਿੱਤਾ ਹੈ। ਕੋਸ਼ਿਆਰੀ ਦੇ ਬਿਆਨ ’ਤੇ ਸੰਜੇ ਰਾਉਤ ਨੇ ਸ਼ਿੰਦੇ ਧੜੇ ਨੂੰ ਘੇਰ ਲਿਆ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਕੋਸ਼ਿਆਰੀ ਨੇ ਮਰਾਠੀ ਲੋਕਾਂ ਨੂੰ ਭਿਖਾਰੀ ਕਿਹਾ ਹੈ, ਅਜਿਹੇ ’ਚ ਸੀਐੱਮ ਸ਼ਿੰਦੇ ਨੂੰ ਕਾਰਵਾਈ ਕਰਨੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ ਸ਼ਿੰਦੇ ਧੜੇ ਨੇ ਵੀ ਕੋਸ਼ਯਾਰੀ ਦੇ ਇਸ ਬਿਆਨ ਨੂੰ ਸੂਬੇ ਦਾ ਅਪਮਾਨ ਕਰਾਰ ਦਿੱਤਾ ਹੈ।
ਬਿਆਨ ਦੇ ਵਿਰੋਧ ’ਚ ਆਈ ਵਿਰੋਧੀ ਦਲ
ਰਾਜਪਾਲ ਭਗਤ ਸਿੰਘ ਕੋਸ਼ਿਆਰੀ ਦੇ ਇਸ ਬਿਆਨ ਦੀ ਵਿਰੋਧੀ ਧਿਰ ਨੇ ਆਲੋਚਨਾ ਕੀਤੀ ਹੈ। ਰਾਜ ਸਭਾ ਮੈਂਬਰ ਸੰਜੇ ਰਾਉਤ ਨੇ ਟਵੀਟ ਕੀਤਾ ਕਿ ਮਹਾਰਾਸ਼ਟਰ ਵਿੱਚ ਭਾਜਪਾ ਸਮਰਥਿਤ ਮੁੱਖ ਮੰਤਰੀ ਬਣਦੇ ਹੀ ਮਰਾਠੀ ਅਤੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਦਾ ਅਪਮਾਨ ਸ਼ੁਰੂ ਹੋ ਗਿਆ। ਸਵੈ-ਮਾਣ ਅਤੇ ਅਪਮਾਨ ਦੇ ਮੁੱਦੇ ’ਤੇ ਵੱਖ ਹੋਇਆ ਧੜਾ ਇਸ ’ਤੇ ਚੁੱਪ ਰਿਹਾ ਤਾਂ ਸ਼ਿਵ ਸੈਨਾ ਦਾ ਨਾਂਅ ਨਾ ਲਓ। ਘੱਟੋ-ਘੱਟ ਸੀਐਮ ਸ਼ਿੰਦੇ ਨੂੰ ਇਸ ਦਾ ਵਿਰੋਧ ਕਰਨਾ ਚਾਹੀਦਾ ਹੈ। ਇਹ ਮਿਹਨਤੀ ਮਰਾਠੀ ਲੋਕਾਂ ਦਾ ਅਪਮਾਨ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
