ਪਾਕਿਸਤਾਨ ਦੇ ਸਿਆਲਕੋਟ ਮਿਲਟਰੀ ਬੇਸ ’ਤੇ ਜ਼ਬਰਦਸਤ ਧਮਾਕਾ

Posted By

20 March, 2022 1:07 PM IST

ਪਾਕਿਸਤਾਨ ਦੇ ਸਿਆਲਕੋਟ ਮਿਲਟਰੀ ਬੇਸ ’ਤੇ ਜ਼ਬਰਦਸਤ ਧਮਾਕਾ

ਪੇਸ਼ਾਵਰ। ਪਾਕਿਸਤਾਨ ਦੇ ਉੱਤਰੀ ਸ਼ਹਿਰ ਸਿਆਲਕੋਟ ਵਿੱਚ ਐਤਵਾਰ ਨੂੰ ਇੱਕ ਵੱਡਾ ਧਮਾਕਾ (Blast in Pakistan) ਹੋਇਆ। ਮੀਡੀਆ ਰਿਪੋਰਟਾਂ ’ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਧਮਾਕੇ ਦੀ ਆਵਾਜ਼ ਇੰਨੀ ਜ਼ੋਰਦਾਰ ਸੀ ਕਿ ਇਸ ਦੀ ਆਵਾਜ਼ ਪੰਜਾਬ ਸੂਬੇ ਦੇ ਛਾਉਣੀ ਖੇਤਰ ਦੇ ਨੇੜੇ ਵੀ ਸੁਣਾਈ ਦਿੱਤੀ। ਦ ਡੇਲੀ ਮਿਲਾਪ ਦੇ ਸੰਪਾਦਕ ਰਿਸ਼ੀ ਸੂਰੀ ਨੇ ਇੱਕ ਟਵੀਟ ਵਿੱਚ ਕਿਹਾ, “ਉੱਤਰੀ ਪਾਕਿਸਤਾਨ ਵਿੱਚ ਸਿਆਲਕੋਟ ਮਿਲਟਰੀ ਬੇਸ ਉੱਤੇ ਕਈ ਧਮਾਕੇ ਹੋਏ ਹਨ। ਸ਼ੁਰੂਆਤੀ ਸੰਕੇਤ ਹਨ ਕਿ ਇਹ ਅਸਲਾ ਭੰਡਾਰਨ ਖੇਤਰ ਹੈ। ਧਮਾਕੇ ਤੋਂ ਬਾਅਦ ਇੱਕ ਵੱਡੀ ਅੱਗ ਬਲਦੀ ਦਿਖਾਈ ਦੇ ਰਹੀ ਹੈ।

ਧਮਾਕੇ ਦੇ ਅਸਲ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਗੁਆਂਢੀ ਦੇਸ਼ ਵਿੱਚ ਵੀ ਅਜਿਹੀਆਂ ਘਟਨਾਵਾਂ ਸਾਹਮਣੇ ਆ ਚੁੱਕੀਆਂ ਹਨ। ਹਾਲਾਂਕਿ ਇਸ ਤੋਂ ਪਹਿਲਾਂ ਦੀਆਂ ਘਟਨਾਵਾਂ ’ਚ ਬਲੂਚ ਵਿਦਰੋਹੀਆਂ ਨੇ ਫੌਜੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ ਹੈ। ਇੱਥੇ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਸਿਆਲਕੋਟ ਮਿਲਟਰੀ ਬੇਸ ਜਿੱਥੇ ਧਮਾਕੇ ਹੋਏ ਸਨ, ਉਹ ਸਿਆਲਕੋਟ ਕੈਂਟ ਖੇਤਰ ਵਿੱਚ ਆਉਂਦਾ ਹੈ, ਜੋ ਕਿ ਮੁੱਖ ਸ਼ਹਿਰ ਦੇ ਨਾਲ ਲੱਗਦਾ ਹੈ।