ਰਾਸ਼ਿਦ ਵੀ ਹੁਣ ਹੈਦਰਾਬਾਦ ਟੀਮ ਚ ਨਹੀਂ ਰਹੇ
(ਏਜੰਸੀ) ਮੁੰਬਈ। ਆਈਪੀਐਲ 2022 ਲਈ, 8 ਟੀਮਾਂ ਨੇ ਆਪਣੇ ਰਿਟੇਨ ਖਿਡਾਰੀਆਂ ਦੇ ਨਾਵਾਂ ਦਾ ਐਲਾਨ ਕੀਤਾ ਹੈ। ਜਦੋਂ ਕਿ ਮੁੰਬਈ ਇੰਡੀਅਨਜ਼ ਨੇ ਹਾਰਦਿਕ ਪੰਡਿਆ ਨੂੰ ਛੱਡ ਦਿੱਤਾ। ਕੇਐਲ ਰਾਹੁਲ ਨੇ ਪੰਜਾਬ ਕਿੰਗਜ਼ ਟੀਮ ਤੋਂ ਹਟ ਗਏ ਹਨ। ਸਭ ਤੋਂ ਹੈਰਾਨੀਜਨਕ ਫੈਸਲਾ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਲਿਆ ਹੈ। ਟੀ-20 ਕ੍ਰਿਕੇਟ ਦੇ ਸਭ ਤੋਂ ਸ਼ਾਨਦਾਰ ਗੇਂਦਬਾਜ਼ਾਂ ਵਿੱਚੋਂ ਇੱਕ, ਰਾਸ਼ਿਦ ਖਾਨ ਨੂੰ ਫਰੈਂਚਾਇਜ਼ੀ ਨੇ ਬਰਕਰਾਰ ਨਹੀਂ ਰੱਖਿਆ। ਹੈਦਰਾਬਾਦ ਦੀ ਟੀਮ ਨੇ ਕਪਤਾਨ ਕੇਨ ਵਿਲੀਅਮਸਨ ਨੂੰ 14 ਕਰੋੜ ਰੁਪਏ ਦਿੱਤੇ ਹਨ। ਇਸ ਦੇ ਨਾਲ ਹੀ ਟੀਮ ਨੇ ਅਬਦੁਲ ਸਮਦ ਅਤੇ ਉਮਰਾਨ ਮਲਿਕ ਨੂੰ 4-4 ਕਰੋੜ ‘ਚ ਰਿਟੇਨ ਕੀਤਾ ਹੈ। ਫਰੈਂਚਾਇਜ਼ੀ ਦਾ ਸਭ ਤੋਂ ਹੈਰਾਨੀਜਨਕ ਫੈਸਲਾ ਰਾਸ਼ਿਦ ਖਾਨ ਨੂੰ ਰਿਟੇਨ ਨਾ ਕਰਨਾ ਸੀ। ਰਾਸ਼ਿਦ ਹੈਦਰਾਬਾਦ ਲਈ ਮੈਚ ਵਿਨਰ ਖਿਡਾਰੀ ਰਹੇ ਹਨ। ਅਜਿਹੇ ‘ਚ ਜੇਕਰ ਟੀਮ ਉਸ ਨੂੰ ਨਿਲਾਮੀ ‘ਚ ਨਹੀਂ ਖਰੀਦ ਸਕੀ ਤਾਂ ਇਹ ਫਰੈਂਚਾਇਜ਼ੀ ਦੀ ਸਭ ਤੋਂ ਵੱਡੀ ਗਲਤੀ ਸਾਬਤ ਹੋਵੇਗੀ।
ਹਰਸ਼ਲ ਪਟੇਲ ਅਤੇ ਯੁਜਵੇਂਦਰ ਚਾਹਲ ਵੀ ਟੀਮ ਦਾ ਹਿੱਸਾ ਨਹੀਂ ਹਨ
ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਵੀ ਆਪਣੇ ਦੋ ਵੱਡੇ ਖਿਡਾਰੀਆਂ ਨੂੰ ਛੱਡ ਦਿੱਤਾ ਹੈ। ਆਈਪੀਐਲ 2021 ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਹਰਸ਼ਲ ਪਟੇਲ ਨੂੰ ਟੀਮ ਨੇ ਬਰਕਰਾਰ ਨਹੀਂ ਰੱਖਿਆ। ਇਸ ਦੇ ਨਾਲ ਹੀ ਫਰੈਂਚਾਇਜ਼ੀ ਨੇ ਯੁਜਵੇਂਦਰ ਚਾਹਲ ਵਰਗੇ ਸ਼ਾਨਦਾਰ ਸਪਿਨਰ ਨੂੰ ਟੀਮ ‘ਚ ਰੱਖਣਾ ਠੀਕ ਨਹੀਂ ਸਮਝਿਆ। ਹੁਣ ਦੇਖਣਾ ਹੋਵੇਗਾ ਕਿ ਬੈਂਗਲੁਰੂ ਦੀ ਨਿਲਾਮੀ ‘ਚ ਇਨ੍ਹਾਂ ਖਿਡਾਰੀਆਂ ‘ਚੋਂ ਕਿਸ ਨੂੰ ਫਿਰ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਇਸ ਤੋਂ ਇਲਾਵਾ ਚੇਨਈ ਲਈ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਸੁਰੇਸ਼ ਰੈਨਾ ਨੂੰ ਫਰੈਂਚਾਇਜ਼ੀ ਨੇ ਬਰਕਰਾਰ ਨਹੀਂ ਰੱਖਿਆ ਹੈ। ਇਹ ਬਹੁਤ ਹੀ ਹੈਰਾਨੀਜਨਕ ਫੈਸਲਾ ਸੀ ਕਿਉਂਕਿ 2020 ਦੇ ਆਈਪੀਐਲ ਸੀਜ਼ਨ ਤੱਕ ਧੋਨੀ ਤੋਂ ਬਾਅਦ ਰੈਨਾ ਨੂੰ ਟੀਮ ਦਾ ਕਪਤਾਨ ਮੰਨਿਆ ਜਾਂਦਾ ਸੀ। ਇਸ ਦੇ ਨਾਲ ਹੀ ਰਾਜਸਥਾਨ ਦੀ ਟੀਮ ਨੇ ਜੋਫਰਾ ਆਰਚਰ ਅਤੇ ਬੇਨ ਸਟੋਕਸ ਨੂੰ ਰਿਟੇਨ ਨਾ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ।
ਮੁੰਬਈ ਨੇ ਈਸ਼ਾਨ ਕਿਸ਼ਨ ਨੂੰ ਨਹੀਂ ਲਿਆ
ਮੁੰਬਈ ਇੰਡੀਅਨਜ਼ ਵੱਲੋਂ ਰਿਟੇਨ ਕੀਤੇ ਗਏ 4 ਖਿਡਾਰੀਆਂ ‘ਚ ਈਸ਼ਾਨ ਕਿਸ਼ਨ ਦਾ ਨਾਂਂਅ ਨਹੀਂ ਹੈ। ਟੀਮ ਦਾ ਫੈਸਲਾ ਹੈਰਾਨ ਕਰਨ ਵਾਲਾ ਹੈ। ਈਸ਼ਾਨ ਇੱਕ ਵਿਸਫੋਟਕ ਬੱਲੇਬਾਜ਼ ਹੋਣ ਦੇ ਨਾਲ-ਨਾਲ ਇੱਕ ਸ਼ਾਨਦਾਰ ਵਿਕਟਕੀਪਰ ਵੀ ਹੈ। ਕਈ ਸਾਬਕਾ ਦਿੱਗਜ ਖਿਡਾਰੀਆਂ ਦਾ ਮੰਨਣਾ ਸੀ ਕਿ ਮੁੰਬਈ ਹਰ ਕੀਮਤ ‘ਤੇ ਈਸ਼ਾਨ ਨੂੰ ਆਪਣੇ ਨਾਲ ਰੱਖੇਗੀ। ਹੁਣ ਦੇਖਣਾ ਹੋਵੇਗਾ ਕਿ ਮੁੰਬਈ ਇਸ ਖਿਡਾਰੀ ‘ਤੇ ਸੱਟਾ ਲਗਾਉਂਦੀ ਹੈ ਜਾਂ ਨਹੀਂ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
