ਬੇਟੇ ਨੂੰ ਬਚਾਉਣ ਲਈ ਮਾਂ ਹੋਈ ਰਾਖ
ਬਰੇਲੀ (ਏਜੰਸੀ)। ਉੱਤਰ ਪ੍ਰਦੇਸ਼ ਦੇ ਬਰੇਲੀ ਦੇ ਕਿਲਾ ਥਾਣਾ ਖੇਤਰ ‘ਚ ਦੀਵਾਲੀ ਦੀ ਰਾਤ ਘਰ ‘ਚ ਲੱਗੀ ਅੱਗ ‘ਚ ਫਸੇ ਜਿਗਰ ਦੇ ਟੁਕੜੇ ਨੂੰ ਬਚਾਉਣ ਦੀ ਕੋਸ਼ਿਸ਼ ‘ਚ ਮਾਂ ਦੀ ਸੜ ਕੇ ਮੌਤ ਹੋ ਗਈ। ਸਿਟੀ ਦੇ ਐਸਪੀ ਰਵਿੰਦਰ ਕੁਮਾਰ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਪੰਕਜ ਅਰੋਦਾ, ਜੋ ਕਟੜਾ ਮਨਾਰਾਈ (ਬਿੱਗ ਬਜ਼ਾਰ) ਵਿੱਚ ਕਾਰੋਬਾਰ ਕਰਦਾ ਹੈ, ਦਾ ਗੋਦਾਮ ਦੇ ਉੱਪਰ ਇੱਕ ਮਕਾਨ ਹੈ। ਬੀਤੀ ਰਾਤ ਕਰੀਬ ਸਾਢੇ ਅੱਠ ਵਜੇ ਘਰ ਨੂੰ ਸ਼ੱਕੀ ਹਾਲਾਤਾਂ ਵਿੱਚ ਅਚਾਨਕ ਅੱਗ ਲੱਗ ਗਈ। ਜਲਦੀ ਹੀ ਘਰ ਅਤੇ ਗੋਦਾਮ ਅੱਗ ਦੀ ਭੇਟ ਚੜ੍ਹ ਗਿਆ। ਪੰਕਜ, ਉਸ ਦੀ ਪਤਨੀ ਅਲਕਾ (32) ਅਤੇ ਬੇਟੀ (08) ਕਿਸੇ ਤਰ੍ਹਾਂ ਬਚ ਨਿਕਲਣ ‘ਚ ਕਾਮਯਾਬ ਰਹੇ, ਜਦਕਿ ਦੋ ਸਾਲਾ ਬੇਟਾ ਅੰਦਰ ਫਸ ਗਿਆ।
ਕੀ ਹੈ ਮਾਮਲਾ
ਪੰਕਜ ਦੀ ਪਤਨੀ ਅਲਕਾ ਉਸ ਨੂੰ ਬਚਾਉਣ ਲਈ ਅੱਗ ਦੀ ਲਪੇਟ ਵਿਚ ਆ ਗਈ, ਹਾਲਾਂਕਿ ਬੇਟੇ ਨੂੰ ਗੁਆਂਢੀਆਂ ਨੇ ਛੱਤ ਦੀ ਮਦਦ ਨਾਲ ਬਚਾ ਲਿਆ, ਪਰ ਅਲਕਾ ਅੰਦਰ ਫਸ ਗਈ ਅਤੇ ਬਾਹਰ ਨਹੀਂ ਨਿਕਲ ਸਕੀ। ਉਸ ਦਾ ਪਿੰਜਰ ਘਰ ਦੀਆਂ ਪੌੜੀਆਂ ਤੋਂ ਮਿਲਿਆ ਸੀ। ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।ਅਲਕਾ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ। ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੇ ਸਵੇਰ ਤੱਕ ਅੱਗ ੋਤੇ ਕਾਬੂ ਪਾਇਆ। ਅੱਗ ਸਵੇਰ ਤੱਕ ਜਾਰੀ ਰਹੀ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
