ਮਜ਼ਾਕ ਬਣੀ ਭਾਰਤੀ ਪ੍ਰੀਖਿਆ
ਤਕਨੀਕੀ ਵਿਕਾਸ ਦੇ ਬਾਵਜੂਦ ਭਾਰਤੀ ਪ੍ਰੀਖਿਆ ਮਜ਼ਾਕ ਬਣ ਕੇ ਰਹਿ ਗਈ ਹੈ ਪੰਜਾਬ ’ਚ ਪੁਲਿਸ ਭਰਤੀ ਪ੍ਰੀਖਿਆ ਦੇ ਪੇਪਰ ’ਚ ਧੋਖਾਧੜੀ ਦੀ ਚਰਚਾ ਸੀ ਇਧਰ ਰਾਜਸਥਾਨ ’ਚ ਰੀਟ ਦਾ ਪੇਪਰ ਲੀਕ ਹੋਣ ਨਾਲ ਪ੍ਰੀਖਿਆਰਥੀ ਪ੍ਰੇਸ਼ਾਨ ਹਨ ਬੜੀ ਉਮੀਦ ਕੀਤੀ ਜਾ ਰਹੀ ਸੀ ਕਿ ਇੰਟਰਵਿਊ ਦੀ ਸ਼ਰਤ ਖ਼ਤਮ ਹੋਣ ਨਾਲ ਭ੍ਰਿਸ਼ਟਾਚਾਰ ਤੋਂ ਰਾਹਤ ਮਿਲੇਗੀ ਪਰ ਇੰਟਰਵਿਊ ’ਚ ਖ਼ਤਮ ਹੋਣ ਤੋਂ ਬਾਅਦ ਪ੍ਰੀਖਿਆ ਦਾ ਪੇਪਰ ਲੀਕ ਕਰਕੇ ਅਯੋਗ ਪ੍ਰੀਖਿਆਰਥੀ ਨੌਕਰੀਆਂ ’ਤੇ ਕਬਜ਼ਾ ਕਰਨ ਦੇ ਕਾਮਯਾਬ ਹੋਣਗੇ ਇਮਾਨਦਾਰ ਤੇ ਪੇਪਰ ਖਰੀਦਣ ਦੀ ਸਮਰੱਥਾ ਨਾ ਰੱਖਣ ਵਾਲੇ ਪ੍ਰੀਖਿਆਰਥੀ ਨਿਰਾਸ਼ ਹੋਣਗੇ ਪਿਛਲੇ ਸਾਲਾਂ ’ਚ ਇਹੀ ਹਾਲ ਸੀਬੀਐਸਈ ਤੇ ਵੱਖ ਵੱਖ ਸੂਬਿਆਂ ਦੀਆਂ ਦਸਵੀਂ ਤੇ ਬਾਰ੍ਹਵੀਂ ਦੀਆਂ ਸਾਲਾਨਾ ਪ੍ਰੀਖਿਆਵਾਂ ਹੋਈਆਂ ਜਦੋਂ ਕਈ ਵਿਸ਼ਿਆਂ ਦੇ ਪੇਪਰ ਲੀਕ ਹੋਣ ਕਾਰਨ ਪ੍ਰੀਖਿਆਵਾਂ ਰੱਦ ਹੁੰਦੀਆਂ ਰਹੀਆਂ ਵਾਰ ਵਾਰ ਪ੍ਰੀਖਿਆ ਹੋਣ ਕਾਰਨ ਵਿਦਿਆਰਥੀ ਮਾਨਸਿਕ ਤਣਾਅ ’ਚੋਂ ਗੁਜਰਦੇ ਰਹੇ
ਅਜ਼ਾਦੀ ਤੋਂ 74 ਸਾਲ ਬਾਅਦ ਵੀ ਨਕਲ ਰਹਿਤ ਜਾਂ ਪੇਪਰ ਲੀਕ ਹੋਣ ਦੀ ਸਮੱਸਿਆ ਦਾ ਹੱਲ ਨਹੀਂ ਕੱਢਿਆ ਜਾ ਸਕਿਆ, ਉਲਟਾ ਪ੍ਰੀਖਿਆਵਾਂ ਗੈਰ ਕਾਨੂੰਨੀ ਧੰਦਾ ਕਰਨ ਵਾਲੇ ਲੋਕਾਂ ਲਈ ਮੌਜ਼ਾ ਬਣੀਆਂ ਹੋਈਆਂ ਹਨ ਦਰਅਸਲ ਦੇਸ਼ ਦਾ ਵਿਕਾਸ ਤੇ ਰਾਸ਼ਟਰੀ ਚਰਿੱਤਰ ਨਿਰਮਾਣ ਬਰਾਬਰ ਨਹੀਂ ਚੱਲ ਸਕੇ ਪਦਾਰਥਕ ਤਰੱਕੀ ਤਾਂ ਹੋ ਰਹੀ ਹੈ ਪਰ ਮਾਨਸਿਕ ਤੌਰ ’ਤੇ ਆਦਮੀ ਬੇਈਮਾਨੀ, ਰਿਸ਼ਤਵਖੋਰੀ ਵਰਗੀਆਂ ਬੁਰਾਈਆਂ ਦਾ ਸ਼ਿਕਾਰ ਹੋ ਕੇ ਦੂਜਿਆਂ ਦੇ ਹੱਕ ਖਾਣ ਦੀ ਆਦਤ ਦਾ ਸ਼ਿਕਾਰ ਹੋ ਰਿਹਾ ਹੈ
ਇਹ ਤੱਥ ਹਨ ਕਿ ਬੇਰੁਜ਼ਗਾਰੀ ਦੀ ਸਮੱਸਿਆ ਵੀ ਭਿਆਨਕ ਹੈ ਤੇ ਨੌਕਰੀਆਂ ਦੀ ਘਾਟ ਕਾਰਨ ਲੋਕ ਨੈਤਿਕਤਾ ਵੀ ਦਾਅ ’ਤੇ ਲਾ ਰਹੇ ਹਨ ਦਰਅਸਲ ਵਰਤਮਾਨ ਸਮੱਸਿਆਵਾਂ ਨੂੰ ਕਿਸੇ ਇੱਕ ਪਹਿਲੂ ਤੋਂ ਵੇਖਣ ਦੀ ਬਜਾਇ ਇਸ ਦਾ ਬਹੁਪੱਖੀ ਹੱਲ ਕੱਢਣਾ ਪਵੇਗਾ ਲੋਕਾਂ ’ਚ ਇਮਾਨਦਾਰੀ ਤੇ ਸਬਰ ਸੰਤੋਸ਼ ਵੀ ਭਰਨਾ ਪਵੇਗਾ ਪਰ ਇਹ ਤਾਂ ਹੀ ਸੰਭਵ ਹੈ ਜੇਕਰ ਇਸ ਦੀ ਸ਼ੁਰੂਆਤ ਉੱਚ ਅਹੁਦਿਆਂ ’ਤੇ ਬੈਠੇ ਸਿਆਸੀ ਆਗੂਆਂ ਤੋਂ ਹੋਵੇ ਭ੍ਰਿਸ਼ਟਾਚਾਰ ਨੂੰ ਜਦੋਂ ਵੀ ਹੱਥ ਪਾਇਆ ਜਾਂਦਾ ਹੈ ਤਾਂ ਉਸ ਦੀਆਂ ਸੂਈਆਂ ਸਿਆਸਤ ਵੱਲ ਹੀ ਘੁੰਮਦੀਆਂ ਹਨ ਭ੍ਰਿਸ਼ਟਾਚਾਰ ਪੈਸਾ ਖਾ ਕੇ ਕੇਸ ਖੁਰਦ ਬੁਰਦ ਕਰ ਦੇਂਦੇ ਹਨ
ਇਮਾਨਦਾਰ ਆਗੂ ਤੇ ਅਫਸਰ ਦੀ ਘਾਟ ਕਾਰਨ ਹੀ ਦੇਸ਼ ਖੋਖਲਾ ਹੁੰਦਾ ਜਾ ਰਿਹਾ ਹੈ ਜੇਕਰ ਦੋਸ਼ੀ ਵਿਅਕਤੀਆਂ/ਅਫ਼ਸਰਾਂ ਖਿਲਾਫ਼ ਸ਼ਖਤ ਕਾਰਵਾਈ ਹੋਵੇ ਤਾਂ ਭੈਅ ਪੈਦਾ ਹੋ ਸਕਦਾ ਹੈ ਪਰ ਗੈਰ ਕਾਨੂੰਨੀ ਕੰਮ ਕਰਨ ਵਾਲਿਆਂ ਨੂੰ ਕਿਤੇ ਨਾ ਕਿਤੇ ਇਹ ਭਰੋਸਾ ਹੁੰਦਾ ਹੈ ਕਿ ਉਹ ਕਾਨੂੰਨ ਦੀਆਂ ਚੋਰ ਮੋਰੀਆਂ ’ਚੋਂ ਨਿਕਲ ਜਾਣਗੇ ਸਾਡੇ ਦੇਸ਼ ਲਈ ‘ਬੇਈਮਾਨਾਂ ਦਾ ਦੇਸ਼ ’ ਵਰਗੇ ਸ਼ਬਦ ਵਰਤੇ ਜਾਣੇ ਕਾਫ਼ੀ ਦੁਖਦਾਈ ਹਨ ਇਮਾਨਦਾਰੀ ਦੀ ਮਿਸਾਲ ਕਾਇਮ ਕਰਨ ਦੇ ਨਾਲ ਨਾਲ ਸਵੈ ਰੁਜ਼ਗਾਰ ’ਚ ਵਾਧੇ ਲਈ ਵੀ ਕਦਮ ਚੁੱਕਣੇ ਪੈਣਗੇ
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
