ਅਮਰੀਕੀ ਦੌੜਾਕ Sydney Mclaughlin ਨੇ ਮਹਿਲਾਵਾਂ ਦੀ 400 ਮੀਟਰ ਹਡਲਜ਼ ’ਚ ਜਿੱਤਿਆ ਸੋਨ ਤਮਗਾ
ਟੋਕੀਓ (ਏਜੰਸੀ)। ਅਮਰੀਕੀ ਦੌੜਾਕ ਸਿਡਨੀ ਮੈਕਲਾਘਲਿਨ ਨੇ ਬੁੱਧਵਾਰ ਨੂੰ ਟੋਕੀਓ ਓਲੰਪਿਕਸ ਵਿੱਚ ਔਰਤਾਂ ਦੀ 400 ਮੀਟਰ ਅੜਿੱਕਾ ਦੌੜ ਵਿੱਚ ਸੋਨ ਤਗਮਾ ਜਿੱਤਣ ਲਈ ਆਪਣਾ ਪੁਰਾਣਾ ਵਿਸ਼ਵ ਰਿਕਾਰਡ ਤੋੜ ਦਿੱਤਾ। ਉਸਨੇ 51.40 ਸਕਿੰਟਾਂ ਵਿੱਚ ਦੌੜ ਪੂਰੀ ਕਰਕੇ ਪਹਿਲਾ ਓਲੰਪਿਕ ਸੋਨ ਤਗਮਾ ਜਿੱਤਿਆ। ਜਿੱਥੇ ਉਸ ਦੀ ਹਮਵਤਨ ਅਤੇ ਰੀਓ ਓਲੰਪਿਕ 2016 ਦੀ ਸੋਨ ਤਗਮਾ ਜੇਤੂ ਡੈਲੀਲਾਹ ਮੁਹੰਮਦ ਨੇ 51.58 ਸਕਿੰਟ ਦੇ ਸਮੇਂ ਨਾਲ ਚਾਂਦੀ ਦਾ ਤਮਗਾ ਜਿੱਤਿਆ, ਉੱਥੇ ਹੀ ਨੀਦਰਲੈਂਡ ਦੇ ਫੇਮਕੇ ਬੋਲ ਨੇ 52.03 ਸਕਿੰਟ ਦੇ ਸਮੇਂ ਨਾਲ ਕਾਂਸੀ ਦਾ ਤਮਗਾ ਜਿੱਤਿਆ।
51.40 ਸਕਿੰਟ ਦਾ ਨਵਾਂ ਵਿਸ਼ਵ ਰਿਕਾਰਡ ਬਣਿਆ
21 ਸਾਲਾ ਸਿਡਨੀ, ਜੋ 2019 ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਚਾਂਦੀ ਦਾ ਤਗਮਾ ਜੇਤੂ ਹੈ, ਨੇ ਇਸ ਤੋਂ ਪਹਿਲਾਂ ਜੂਨ ਵਿੱਚ ਓਲੰਪਿਕ ਟਰਾਇਲਾਂ ਵਿੱਚ 400 ਮੀਟਰ ਅੜਿੱਕੇ 51.90 ਸਕਿੰਟ ਵਿੱਚ ਪੂਰੀ ਕਰਕੇ ਵਿਸ਼ਵ ਰਿਕਾਰਡ ਕਾਇਮ ਕੀਤਾ ਸੀ। ਅੱਜ ਓਲੰਪਿਕ ਫਾਈਨਲ ਵਿੱਚ ਉਸ ਨੇ 51.40 ਸਕਿੰਟ ਦਾ ਨਵਾਂ ਵਿਸ਼ਵ ਰਿਕਾਰਡ ਕਾਇਮ ਕਰਕੇ ਇੱਕ ਮੁਕਾਮ ਹਾਸਲ ਕੀਤਾ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ
