ਜੋਕੋਵਿਚ, ਬਾਰਟੀ ਤੇ ਕੇਰਬਰ ਕੁਆਰਟਰ ਫਾਈਨਲ ’ਚ ਸਵੀਯਤੇਕ ਤੇ ਗਾਫ਼ ਬਾਹਰ
ਲੰਦਨ। ਵਿਸ਼ਵ ਦੇ ਨੰਬਰ ਇੱਕ ਪੁਰਸ਼ ਖਿਡਾਰੀ ਸਰਬੀਆ ਦੇ ਨੋਵਾਕ ਜੋਕੋਵਿਚ, ਵਿਸ਼ਵ ਦੀ ਨੰਬਰ ਇੱਕ ਮਹਿਲਾ ਖਿਡਾਰੀ ਅਸਟਰੇਲੀਆ ਦੀ ਏਸਲੇ ਬਾਰਟੀ ਤੇ 29ਵੀਂ ਸੀਡ ਜਰਮਨੀ ਦੀ ਏਜੇਲਿਕ ਕੇਰਬਰ ਨੇ ਸੋਮਵਾਰ ਨੂੰ ਲਗਾਤਾਰ ਸੈੱਟਾਂ ’ਚ ਜਿੱਤ ਦਰਜ ਕਰਦਿਆਂ ਸਾਲ ਦੇ ਤੀਜੇ ਗਰੈਂਡ ਸਲੇਮ ਵਿੰਬਲਡਨ ਟੈਨਿਸ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਪੁੱਜੀ ਗਈ ਜਦੋਂਕਿ ਸਾਬਕਾ ਫਰੈਂਚ ਓਪਨ ਚੈਂਪੀਅਨ ਤੇ ਸੱਤਵੀਂ ਸੀਡ ਪੋਲੈਂਡ ਦੀ ਝਗਾ ਸਵੀਯਤੇਕ ਤੇ 20ਵੀਂ ਸੀਡ ਅਮਰੀਕਾ ਦੀ ਕੋਕੋ ਗਾਫ਼ ਚੌਥੇ ਗੇੜ ’ਚ ਹਾਰ ਕੇ ਬਾਹਰ ਹੋ ਗਈ।
ਪੰਜ ਵਾਰ ਚੈਂਪੀਅਨ ਰਹਿ ਚੁੱਕੇ ਜੋਕੋਵਿਚ ਨੇ ਪਹਿਲੀ ਵਾਰ ਚੌਥੇ ਗੇੜ ’ਚ ਖੇਡ ਰਹੇ ਚਿਲੀ ਦੇ ਕ੍ਰਿਸਟੀਅਨ ਗਾਰੀਨ ਨੂੰ ਸਿਰਫ਼ ਇੱਕ ਘੰਟਾ 49 ਮਿੰਟਾਂ ’ਚ 6-2,6-4,6-2 ਨਾਲ ਹਰਾ ਕੇ 12ਵੀਂ ਵਾਰ ਕੁਆਰਟਰ ਫਾਈਨਲ ’ਚ ਜਗ੍ਹਾ ਬਣਾਈ ਤੇ ਸੈਮੀਫਾਈਨਲ ’ਚ ਜਗ੍ਹਾ ਬਣਾਉਣ ਲਈ ਜੋਕੋਵਿਚ ਕਾ ਹੰਗਰੀ ਦੇ ਮਾਰਟਨ ਫੁਕਸੋਵਿਕਸ ਨਾਲ ਮੁਕਾਬਲਾ ਹੋਵੇਗਾ ਜਿਨ੍ਹਾਂ ਨੇ ਪੰਜਵੀਂ ਸੀਡ ਰੂਸ ਦੇ ਆਂਦ੍ਰੇਈ ਰੂਬਲੇਵ ਨੂੰ 6-3,4-6,4-6,6-0, 6-3 ਨਾਲ ਹਰਾ ਕੇ ਬਾਹਰ ਕਰ ਦਿੱਤਾ ਤੇ ਪਹਿਲੀ ਵਾਰ ਕੁਆਰਟਰ ਫਾਈਨਲ ’ਚ ਪਹੁੰਚ ਗਏ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ।
